السلام عليكم
اليوم صارلي موقف غريب و ابغيكم اعرف رايكم في هالشي و شو هو السبب الي يأدي الى هالشي
اليوم كنت اسوق البيك اب مال البيت
لأنه بين سيارتي و باب البيت ثلاث سيارات >> كان عندنا ناس في البيت و مسكرين على موتري
المهم, اخوكم نصوور كان لابس بدلة لأنه بيسير ياخذ ثياب حق السفر >> بيك اب و بدلة = هندي او زلمة 100% بس هم ما يدرون اني احمل "بو تير"
الي صارلي الله يطول اعماركم هو اني كنت داخل في شارع مزدحم ازدحام شديد و وراي حرمة تدقلي هرن اذا طوفت حد في الزحمة, ويوم اقول انها اتدق هرن اعني انها تسويلي
طيييييييييييييييييييييييي ييييييييييييييييييييييييي ييييييييييييييييييييييييي ييييييييييييييييييييييييي ييييييييييييييييييط ,
هرن اخيس من هرنات مصر
المهم انا قلت هذه لازم أأدبها, يوم ييت عند المدخل مال الشارع الفرعي وقفت و قمت اطوف الناس عناد فيهاالمهم الحرمة حرقت هرنها و انا مسولها اكبر طاف (عيل اونها مستقوية لأنها "مواتنة" و تتحراني هندي لأني راكب بيك اب)
عقب ما طوفت الجماعة يمكن 5 -6 سيارات ختمت حركتي و صيحت ويل في ويها بالبيك اب العجيب عسب تعرف اني محرّج
انا قلت انها خلاص تادبت و عرفت انه حركة الهرنات غلط, لكن طلع الي سويته ما منه فايده!!!
الاخت لحقتني و تنزلت الدريشة و اونها تقولي :ايه هذا مافي بمبي
المهم قلتلها خير اختي, في شي,
قالتلي هييه, لا تتعنتر في بلادنا اتعنتر في بمبي مب هنيي
قلتلها و منو قالج اني هندي, قالت عيل شو؟ باكستاني
قلتلها لا, مواطن حالي حالجقالت اوووه اسمحلي اخوي ما دريت انك مواطن تحريتك هندي يوم شفتك راكب البيك اب و لابس بدلة (هو بيني وبينك كان شكلي هندي 100%بس كان ناقصني حل تاتا
الى هالدرجة وصلت الوقاحة عند بعض البنات لدرجة انهم يوقفون الواحد و يفاتنون عليه
تتحراه بيزيغ منها لأنه هندي و راكب بيك اب
بس احلى شي يوم عرفت اني مب هندي, كنت محرج و ضحكت في ويها خخخخخخخخخخخخ
ما ادري شو تعليقكم على هالموقف
او شو الاسباب الي تادي الى هالشي
انتظر ردودكم
رد مع اقتباس
مواقع النشر (المفضلة)