صور من فيديو كليب ميامي اليديد

[رومانسي الأطباع]

هذه صور من فيديو كليب ميامي اليديد

يا بوي

[الحساس]

طاحوا من عيني هالفرقه ...

تعبثوا باللباس الاماراتي والتراث الاماراتي وقام واحد من منهم يعافد شرا القرد بالكندوره والسفره .. لا في حشيمه لزينا وعاداتنا في اللبس...

بينوا بالفيدوا كليب ان البنت الاماراتيه تغازل وتناظر الشباب...(( حتى لو البنت تسوي ها الشي) هب ايوون هم ويفضحون او يتبلون على خواتنا...


اذا هم بالكويت ماعندهم حياء وسالفه المغازل والسوالف البطاليه منتشره فنحن منتشره بس هب ايي هو ويصور هالفيديو ويبين كيف البنت تتعامل بالمواقف الموجوده بالفيديو منو هو عسب يلبس البس الاماراتي ويعافد فيه.. لا حشم اللبس الي لابسنه ولا حشم الدوله الي صور فيها..

الي ماشاف الفيديو يشوفه عسب تحكمون بنفسكم شو المهزله الي صايره بهالفيديو كليب

[الدلووووعة]

انا شفت الفيديو كليب والله انه مصخرة

[أوتار القلب]

ما يحتاي اشوفه
باين ان سخيف

بس بعد فيه فضول !

ثانكس اخوي عالصور

[فركوشه]

هو صح مثل ما قال الحساس بس يضحك..

يسلمو ع الصور..

[شوق البدو]

كلمة سخييف شوي علييه
مصخره

[الشحية]

يعني أحسه مصخــــــــرة ..
و مصخروا الإماراتيــن ..
ثانكس ع الصور ..

[عنود الريف]

السموحة بس في نقطه ذكرها الاخ الحساس .. انا اخالفه فيها ..
اللي هي نقطة البنت اللي تغازل ...
البنت اصلا ما تغازل .. بس هو يلحقها ..
يعني الفكرة .. اني البنت تتشرى في المول فهو يصورها ويطرش لها صورته على البلوتوث وهالشي موجود عندنا وما شالله منتشر بشكل كبير ..
ويوم ايي اخوها تخبره .. وهالشي صدق يصير عندنا .. ان اذا البنت حد حاول يتحرش بها تخبر عليه ..
وفي شباب يلحقون البنات بسياييرهم .. يا اخويه هالشي موجود وتلقاه في كل مكان منتشر ..

انا ما بقول انه عيبني الكليب .. بس الكليب يضحك ..
وهاي النقطه بس اللي كنت بذكرها ..


واشكر اخويه رومانسي الاطباع على الصور ..

والسمووحه