اخوي الحاضر الغايب الصراحه انا قريت الموضوع كذا مره عشان اقدر استوعبه عدل بس اكثر شئ عجبني المقطع الي فوق, كلام صح 100% يعني وايد ناس يفكرون انه بالاعتذار او الاعتراف بالخطأ طريقه لادارك الخطا , ولكن النقطه الي تغيب عن بال الكل حجم الضرر الي سببه خطائهم سواء كان ماديا والامر لو نفسي ومعنويالمشاركة الأصلية كتبت بواسطة الحاضر الغايب
وهذا الموضوع ذكرني بقصه لشاب كان سريع الغضب وكان وقت غضبه يتلفظ بعبارات جارحه للي حولينه وكان ابوه حكيم فالاب اقترح علي ولده انه كل مره يغضب عليه يدق مسمار في سور البيت المهم سمع الشاب كلام ابوه فكان كل ما يعصب يروح يطق له كم مسمار اول ما بد كان يطق المسامير بخشونه بعدين خفت الخشونه شوي شوي من خلال هالطريقه قدر الشاب انه يتحكم باعصابه اكثر وراح لابوه الحكيم يخبره بهالشئ
فابتسم الاب وقال له جميل انك الحين بديت تتحكم باعصابك مو العكس الحين ابيك تروح تشيل المسامير الي دقيتهم بالسور وفعلا راح الابن وسو هالشئ
هنيه قال له الاب شوف يا ولدي اثار المسامير كل ما كنت معصب وايد كان الاثر وايد فرد الشاب قال نعم
المهم رد عليه ابوه الحكيم وقال له شوف يوم انك تعتذر من الاخطاء الي تسويها وانت معصب كانك تشيل المسامير من السور لكن الاثر الي ممكن يترك المسمار هو نفس الاثر الي ممكن خطائك يتركه بنفس الشخص الي عصبت عليه وقطت عليه كلام جارح, هنيه عرف الابن ان كلمة اسف احيانا لا تكفي لازالة الجروح ......................
اسفه علي الاطاله لكن حسيت انها تخدم الموضوع
تحياتي لك
رد مع اقتباس
مواقع النشر (المفضلة)