انضمام اللاعبة الإماراتية عايشة في صفوف ريال مدريد

[ولد الشحوح]

السلام عليكم ورحمة الله وبركاته
اكيد استغربتوا من العنوان وقلتوا خرف ولد الشحوح بس اقروا الموضوع كاااااامل وابا اعرف رااايكم من فترة بسيطة قريت موضوع في البيان عن رياضة الحريم ..؟؟!!؟؟ تحط في بالك رماية عادي شطرنج اوكي ممكن بس كرة قدم ...لأ الفكرة ما تدش المخ ... لحظة تفكير ... لا يا جماعة ما تدش الفكرة العقل ... بنت لابسة شوورت ( الله يعين الشباب ) اعتقد بعد من دون حجاب ( اكيد بيقولون بيخرب علينا ) ... همممم شو بعد اوووه صح الفلينة المحددة للجسم ... باختصار اول عسب مخالفته لللباس الشرعي ...يعني حرااام انا ما افتي بس هالشي وااضح .... انزين لحظة يا ولد الشحوح ... ها شووو .... انت يالس تتفلسف يمكن البنت تلبس لبسها الشرعي ... يالله يا كبرها عند الله كيف بتركض كيف بتتحرك في الملعب ... اوكيك خلونا من هالشي هاللعبة خشنة فيها عنف كيف البنت الرقيقة بتلعبها ... بيقولوون البنات لعبوا كراتبه ولعبوا ملاكمة الخ ... انا برايي وبراي معظم الشباب ان البنت الي تمارس الرياضة العنيفة ما تصلح للزواج ( مب خاايفين لا تضربنا ) بس نحن نبا بنت لطيفة خجولة "رقيقة" ..طبعا في واايد سلبيات ...من قريب شفت برنامج ويك إند في دبي الرياضية وحطوا تحقيق عن احتراف الحريم للأسف في بنات يقولون لولا الأهل ولا أنا ودي احترف ... فهاللحظة مسك راسه ولد الشحوح وقااا ل هايلا الحين الي بيربون الأجيال الياية الله يعين ... وين الشبابات المسلمات الي ما يهمهم غير رضا الله ورضا الوالدين وازواجهم ... المهم ما كملته عشان ما اتقهر زيااادة ... بس الفضول ذبحني ... هممم ... يالله بشوف شوية ... حطوا لاعبي المنتخب وقال فهد مسعود ان اوكي ممكن البنت تحترف بس بأشيا مناسبة لكن الكرة يعني في أشيا خاصة في الحريم وفي اشيا خاصة في الرياييل مهما كان الزمن متقدم والتطور ماااشي ... فكرت انا لما شفت اختي الصغيرة و تخيلتها تظهر في المبارات ...لأ لأ لأ ما قدرت اكمل ... انقهرت ولما قال واحد من المنتخب لو اختي قالت جي بقطع راااسها قلت الحمدلله في شباب مازالت عندهم الغيرة .... بس قهرني واااحد يقوول والله لو البنت تمثل الامارات عادي .. شو عادي بتمثل الإمارات الناس شو بيقولن عن بنت الإمارات ... المهوووهيم انا قلت إلا اعرف رااايكم بالموضوع لو كانت عندك اخت عندها موهبة في الكرة او اي لعبة بس ابا اركز عالكرة اكثر انزين فشو رايك اذا بغت تحترف وانتوا يالبنات شووو رايكم ... خلوني اقوول رايي اذاعن الكرة او اي رياضة ما تناسبهم ولكن كهواية في البيت تعلب ويا اخونها اوكيك ما فيها مشااكل ولكن تحترف لأ ... عن الاحتراف عندك الشطرنج مثلا ممكن البنت تحترف فيه واي لعبة تناااسبها ....


مجرد رأي

[كبيرة بعيوني]

فلانة الفـلاني تعاني اصابات بليغه جراء ارتطام الكرة برأسها
--
بسبب ما تعانيه علانة من الدلع الزايد .. لم تستـطع اكمال الجري في الملعب
مما أدى إلى سقـوطها
--
اغرق الملعب اليوم بدموع فلانة لأن الحكم علانة صرخـت في وجههـا
"تســلل" .. لكن فلانة مازالت مصرة أنه صحيح .!

=====
كيكيكي والله ماتخيــل
بيني وبينك أحب "كرة القدم"
لين انا صف 6 مادري 7
وانا ألعب ويا أولاد الفريج
وانا البنية الوحيدة بينهم خخخ
بس عقـب وقفت
استحيت على ويهي
يعنــي لا اراديا ايي هالحيـا حق البنية
فـ ما اتخيل اني فـ يوم فلانة المحترفه
ومبـاريات ودنيا
يعني شي وايد شباب هدوا الكرة لانها تشغلهم عن دواماتهم
اتي البنية اللي وراها دراسه وبيت وعيال وتربيه ومسؤوليات أولى من الكرة
وتحترف فـ "كرة القـدم"
ومن غير هالتدريبات .. البنية باجر بتنسـأل عن حشمتها ..!
شو بتقول ؟ مارمت احتشـم وانا العب كرة .. لاني ما آخذ راحتي باللعب .!
مصخرة والله
أخـوي من مادري كم سنة .. هـد نادي الـ.... عشان التدريبات وجي .. تشغله عن دوامه
مابالك بالبنيـة .. 24 ساعه برع بيـت أهلها .. والله انتي وين .. انا عندي تدريب ، عندي مباراه
عندهـا مجالات رياضية غيرهــا ..
واذا عن الكرة تقـدر تمارسهـا ويا ربيعاتهـا ف البيت
ويا أهلهـا .. اخوانها .. جي يعنـي
بس مش علـى المــلأ
جيه وين عايشين نحـن؟
جي تفقـد انوثتهـا .. المجتمع بحاجة لهالامكانيات أكثر من كرة واحتراف .!
---

باختصـار
كرة القدم تعيبني .. بس اشيا وايد تفرض على البنية انها ماتحترف فيها
واذا كانت تعيبها تقدر تمارسها ويا ربيعاتها اخوانها اهلها وجي يعني ..
،
،
،
والسموحة جان طولت عليك

[الملهم]

وعليكم السلام ورحمة الله وبركاته

الصراحة انا ما اتخيل البنت تلعب كرة القدم ..
مثل ما قلت الكورة يبالها ركض وشوت وجروح ويمكن كسر ..
والبنية اهم صفة فيها الرقة والخجل، فاذا راحت الرقة والخجل هل ستكون فتاة ؟؟

اذا اختك موهوبة بتخليها تحترف وتلعب ؟؟
بالتاكيد لا .. بس اذا مع اهلها ممكن على الخفيف ..

اشكرك اخي على الموضوع ..

[الشحية]

الموضوع حلوووووو ..
ما أظن في بنيــــــــــة تفكر تراكض في ملعب ورى كرة حتى لو اهلهاا منعوووووو لأنه البنت من طبــــــــــعهااا تتعب بسرعه ..
يعني اللي أقصده ما بتقدر تركــــــــــــــض وايد في الملعب تلاحق الكرة ..
وتصرخ على اللاعبة الفلانيـــــــه وما أدري كيف ؟؟!
و [ كرة القدم ] لعبــــــــــــة تناسب الريال أكثر من الحرمـــــــــة ..
أنا أفضـــــــــــل إن الحريم يتمون يشجعون النوادي فقط لاغيـــــــــــر ..
يعني اللي تفكر تروح تلعب كرة تشل من بالهاا هالفكرة لأنه مستحيل تحترف في مجال هي مب قادرة عليه ..
والسموحة..

[دموع قلم]

وعليـكم السـلام ورحمـة الله وبركـاته,,

لـن استغـرب وأقـول بأن هـذا الأمـر مستحيـل في زمننـا أو بالأخص في دولتنـا,
لأن كـل المستحيـلات قـد حـدثـت والتـي لم تحـدث بعـد سـ تحـدث فيمـا بعـد !!


بالطبــع لا أوافـق على ممـارسـة الفتـاة لمثـل هـذه الألعـاب كـ كـرة القـدم أو غيـرها
من الألعـاب العنيفـة التـي لا تتنـاسب مع شخصيتهـا كونهـا فتـاة رقيـقة, وأي لعبـة
تخـدش أنـوثتهـا وتفـقدهـا, ومهمـا كانت موهبـة الفتـاة في هـذا المجـال يجـب أن تكـون
حـدود لكـل شيء

بخصـوص الفتـاة التـي تلعـب الكـرة في البيـت.. لـن أقـول بأن ذلك خاطئ, ولكـني
لا أحـبذ الفتـاة التـي تلعـب الكـرة أو أي من هذه الألعـاب, فـ البنـت اتصفـت بـ
الرقـة والحيـــــــــــــاء, وإن فقـدت تـلك الصفـات, فمـاذا سـ تبقـى ..؟!!

..
..


أشكـرك أخي الكـريم ولـد الشحـوح على الموضـوع
ونتمنـى أن نـرى الجـديد منـك, ربـي يحفـظك دائمــا

:)

[العجيبة]

غـريبــه واللـه
يعني هالبنيه اللي موهبتها في الكــره أو الالعاب العنيفه
ما قـدرت تكتشف في نفسهـا مـوهبـه غيـر تناسبهـا ؟

الله يعيــن اذا التفكـيــر وصـل في البنـات يسيـرن يلعبــن
هـو مـب كـافي اللي استوى في مباراة نهائي الكــأس ؟
اللي حضـرن أونه مشجعـات ، قامــن يترقصــن جدام خـلـق الله
عنبــو جيــه الا مشجعــات .. بعــد لو لاعبـات ويابن جــووول ؟؟ :crosseyed

التفكــيــر في احتـراف البنـات بحـد ذاته اساءة لجميـع بنـات الدولة
عقب بيضــرب المثـل في بنـات الامارات انهن فاصخات الحيا لمجـرد
انه مجموعه فاسده فيها قررت تسويلهــا فـريــق كـره !

الله يهــدي الجميــع ويصلــح شان أوليــاء الأمــور ( الذكــور )

شكـرا أخـوي على موضوعك .. موضوع مهم ومحتاج لمعارضيــن ..

[الغاليه]

شوو بنت تعلب كووره ؟؟ وين يالسين نحن ...

لعب كرة القدم مايناسب البنت ولا يناسب تكوينها ولا فطرتها ولا طبيعتها ,,

وماقدر افكر اصلا او اتخيل انه شي بنت تراكض وتلعب وتشووت كلعب صدقي في الملاعب ... الا اذا حضرتها كانت " جونكر " او سوبرمانه ..

مستحيل طبيعتها ماتستحمل التدريب واللعب المتواصل والجروح والكسوور وثقل الكوره .. وابسط شوته

احتمال اتموتها او تسبب لها عاهه مستديمه ولا سكته قلبيه ولا ..... الخ ....

ووايد مستغربه من فريق كرة البنات والله دووم افكر فيهن كيف يلعبن !! يمكن عندهم قوانين

بناتيه تختلف عن قوانين اللعبه العاديه ..

احيد مره لعبنا في المدرسه كرة قدم وسوينا فريق وحاله ومن اول 10 دقايق اللي انسحبت واللي صب من خشمها دم واللي اضاربن بسبة وحده شاتت الثانيه ابقوة واتحسبتها متعمده واللي كان بيغمى عليها

لان الضربه يت عالقلب واتهزأنا عقب ,, يعني والله ما وحالنا نعلب وكل هالاصابات استوت وهم ماشاالله امسوين فريق رسمي ! ابرايهم جان يبون يتعوقون ..

الصراحه من رايي انه البنت تيلس افبيتها وتشجع فريقها المفضل ,, وشي مليون الف رياضه تناسب البنات واحلى وامتع من كرة القدم ..

وسلامتكم ..

[ولد الشحوح]

اشكركم اخواااني واخاوتي على ردودك اللي بردت شوية من النار اللي بيوفي كيف بنت الامارات تلعب كرة ... وتعالوا بعدين والله بنت الإمارات جي سوت .... وبنت الإمارات جي سوت ........
حسبي الله ونعم الوكيل