وقفـــة مع " الأفــــلااام "

[صدى جوفي]

عاد أحلى منصوري "عشيتنا" بنوررررك..
علنعموم أنا مالي بالأفلام ..بس أفبالي موضووع محيرني من فترة..
هل لسبايدرمان الفلم وظهور العنكبوت الأحمر فبلادنا علاقة ؟؟؟!
هالارتباط غريب .. ؟؟؟
والسموووحة

[أحلى منصوري]

؛؛ دلوعـــة الواحـــــاااات ؛؛
أكرمتينـــا بزيـــارتــــج ..
وعـســى ما تفقديـــن لــج لا غالــي ولا عزيــــز ..
كلنــا " ضحايـــا " لتيـّــار الضرابــات وخاصــة من اللي أكبــر عنـّــا ..
يعنــي حتــى نحــن كنـّـا انذوق الضرابــة .. أونه شرات الأفـــلاام الهنديــة ..
الله يعيـنــج على " ضرب " إخوانــج والله يحفظهــم ويعطيـهم طول الصحـة والعافيــة ..

ملاحظــة .. السينمـــا : غرفة مظلمــة وفيها شاشة عودة وسماعات وبس

شكراً عزيزتــي

خويـّــج
المنصــوري

[عافك الخاطر]

وعـليـكم السـلام ورحمـة الله وبركـاته ..
هلا خيّو ..
ولكم باك ..
..
.
حبــيت أبدي رأيي في الأفلام من خبرة يمكن اتكون بسيطة
..
.
الأفـلام الأمريكية
لاشـك إنها أفضـل الأفلام من ناحية الإخراج والإنتــاج ؛لأن منشأ السينما عندهم .. وهوليــوود غنية عــن التعــريــف..
لكن مثل ما قلت الحذر مطـلــوب ..
لأن بعض الأفلام تبث سمـومها بشكـل غيـر مبـاشر .. !
لو شفت فيلم Kingdom of heaven بتلاحظ ان القصـة مفبركة شوي ، والله يعلم شو كان غرضهم من هالفبركة
واغلب افلامهم تفشل لانهم يوظفون العنصـر النسـائي في كل شي.. يعني هالفلم اللي طريته قبل شوي ، أبداً ما كان له داعي انهم يحطون ام كشة هاي
والأجانب خيالهم ساعات يشفر ووايد يتخيلون اشيـاء في بعض الأحيان اتكون سخيفة
بـس تظل هي أفضـل الأفلام في نظر الكثير..

الأفــلام الهنــديــة
قصصهم معرروفة.. حـب .. ساعتين ضرابة .. ساعة رقص .. وباعجوبة البطل يساعد حبيبته عقب
آخر مرة شفت فلم هندي .. نسيت شو كان اسمـه .. المهم اونه رعب كان وللأسـف ما كان مترجم ( عاد انا شو بيفهمني ) بس من الملل قلت بطالعه ، شسوي بعد .. شفتـه وألفت القصة من عندي لأني ما فهمت شي بصراحة

الأفلام الصينية
ما اعرف عنها شي بصراحة
اعرف الأفلام اليابانيـة ..
مرة حطوا فلم ، أو بالأحرى رسوم ياباني في السينما .. حلو كان !.. اسمه Spirited away ويقولون مخرج هذا الفلم هو نفسه مخرج عدنان ولينا

الأفــلام العــربيــة

للأســف استنسـاخ فاشـل للأفلام الأمريكية من كل النواحي تقريباً..
...
.
وألحين بتكون عندنا سينمــا إماراتية بعد :)
متمنين لهم النجاح في هالمجال..بدون ما نستورد أفكار من الخارج .. نشوه فيها قيمنا من الداخل

شكـراً خيّو..
موفق ..