وقفـــة مع " الأفــــلااام "

[أحلى منصوري]

؛؛ صاحبـــة المشــاركـــات القيـّـمــة .. شيطونه ورديـــه ؛؛

تقـديــر عالـــي +C

الهم إنـّـا نتخــرج ..

والنــاس أذواق .. وموضوعي عن الأفــلام المعروضـة في السينمــا ( both of them )

تسلميــن بس آخــر جملــة ما فهمتــهــا ( كالعــادة )

stay here ! 4 now .. tc

موفقــة

والسموحه

خويـّـج

أحلى منصوري

[خنفروش]

هيه صح عشان جيييه أنا كنت أقول عن أسرار قلب المراقبة الله يحفظها وين ما كانت (( أسرار دِل )) برجع برجع عندي رد غير هالرد

[قلوب دبي]

السلام عليكم

موضوع جميل يستحق التثبيت
و لي عوده ان الله احيانا

قلوب دبي

[الملهم]

السلام عليكم

احب اسير السينما اولا الجو باررررد
والاصواب قوية والشاشة واضحة وماشي ذبابة اتلعوزك ^_^

واحب اسير الافلام الانجليزية خصوصا المرعبة .. والاكشن واحيانا كوميدي
والافلام الصينية وناسة خرط وضحك .. واما الافلام الهندية ولا مرة سرت السنما عشان اشوف هاي الافلام
مووول ما تعيبني .. والافلام العربية بعد مثل ما قلت قلة ادب x قلة ادب ..

تسلم الغالي على الموضوع

[ورديّـه]

شي فيلم يديد *بوحة* .. يضحك!

أحلى منصوري tc يعني take care والتقدير يبته بالواسطة! ولا نسيت الكت كات اللي عطيتني اياه kidding

خنفروش . شو يالس تقـول؟

[أحلى منصوري]

؛؛ شيـطــونــه ورديـــه ؛؛
لازم تفضحيــن عمــرج ..
الحينـه بيقولون عنــج " مدرسة الرشاوي الكتكاتيــة "

وخنفروش أول حايــه عقد بــي وخلاف فهمتــه
دل يعنــي قـلـب .. والمراقبـة السابقــة كانت تقول في نهايـة ردودهـا " أسرار دل " يعني أسرار قلب

..

؛؛ صــدى جوفــي ؛؛
حلوة الإغنيــة وتستاهليــن " جلكســي " على الطايــر

كل التقديــر

أخــوكم
أحلى منصوري

[العجيبة]

وعليكم السلام ورحمة الله وبركاااته

حي الله ليت الواحات :D

الحمـــدلله على سلامتــك .. صـدق نورت

حلو موضوعـك الصـراحه .. صارت الأفـلام شـي مهـم في حياة معظم شباب هالأيـام

الأفــلام الأجنبيــه هـي الأفضـل بكل تـأكيـد .. وبعدها الهنـديه وأخيرا العربية ..
هههه الافلام الصينيه مرة وحده شفت فلم منهــااا .. حلــووو ووايد يضحـك

هيهيه انا وحـده ما أشوف الافلام الا اذا حــد عزمنـي
اعلانات الافلام ما تغـرينـي ..
لكـن اذا حـد تم يوصف لي دعاية الفيلم أشـوفه > خخخ حالتي مستعصيه <

بخصوص الافلام اللي تنشـر سمـومهـا .. فهـي مب مختصه بالاجنبيه بس
ترا حتى الهندية والصينيه والعربية .. كلهــن فيهــن أفكــار هـدامه الا البعـض أظنـي
الحيـن حتى المسلسلات .. نادر اننـا نشـوف مسلسـل بمضاميـن راقيـة وحـلـوة بنفس الوقت
والأفــلام اللـي تعــرض في قنـوات الأطفـال mbc3 وغيـرهـن هذييــل لو نشـوفهـن عاديـات
بس اللي داخلهــن اففف منه
وعـاد كل واحد وقدرته على التحكم بنفسه إذا بيتأثـر بهم أو لا !

اممم وهيــك ..

الدلـوعــة .. طلع في اللي ينـرحمــون أكثـر منـي ..
ع الاقل سـرت السينمـا اللي في الهيلي " أم ثلاث دقايق خخخ "
بس عادي .. بندي الليتات في الصاله ويلسي جدام التلفزيون ولا تنسين البوب كورن ع قولتهم خخخ

شيطــونه ورديــه : حـي بهـا الثقــافــه دامهــا جـي .. شكـرا على التثقيف

يالله اسمحولي ع الاطاله عاد

ثانكــس أحلى المناصير ..

الـــعــجـــيــبـــة

[ورديّـه]

عسى استفدتوا بـس ؟

[دموع قلم]

وعليـكم السـلام ورحمـة الله وبركـاته,,

مرحبــــا بـ نـــور الــواحـات

.. أحلــــــــى منصـــــــــوري ..


يمكـن نحـن نشـوف الأفـلام في البيـت عن طريق DVD أو CD أو غيـره,

لكـن هنـاك فـرق بيـن مشـاهـدة الأفـلام في السينمـا ومشـاهـدتهـا في البيت

أولا.. ماشي ازعـاج ممـن حـواليـك ( لكـن أحيـانـا شيء أطفـال مزعجيـن )

ثـانيـا.. الشـاشـة الواضحـة والصـوت العـالي والظـلام

ثـالثـا.. تغييـر الجـو

لكـن الشي الحلـو في البيـت أن الأفـلام ببـلاش عكـس السينمـا اللي يـوم أدخلـه

مع أخـواني نصـرف أكثـر من 200 درهـم للفلــم الواحـد مع الأكـل والشـرب !!


" بخصـوص الأفـــلام "

الأفـلام الإنجليـزيـة..

مـا يبـالهـا كـلام, فـ من المعـروف أنهـا في قمـة الروعـة خاصـة الإكشـن والمرعبـة,

وبعـض أفـلام الـدرامـا والرومـانسيـة التي في حـدود وأحيـانـا أشـوف المضحكـة, لكـن
مثـل مـا قلـت لازم نحـذر من البعـض التـي تحمـل أفكـار سيئـة ممكـن أن تـأثـر في عقـول
الأبنــاء كـ فـلم ميتـركس مثـــلا

الأفـلام الهنـديــة..

أبـــــــــــــدا مـــــــــــا أحبهـــــــــــــا, حـب وضـرابـة ومطـر ورقـص ونهـايـة,

باختصـار مالهـــــــا أي معنــــــــى -----> بـــرأيـي

الأفـلام الصينيـة..

مضحكـة, لكـن أحب أشـوف الرسـوم اليـابـانيـة الأنيـمس بالرغـم من إنـي ما أحـب الرسـوم,

يمكـن أنت مـاتحـب تشـوف نـاروتـو و بليـج وغيـره لأنـك ما جـربت تشـوفه, لأني أنـا في البـدايـة مثـلك

الوحيـدة اللي في البيـت ماتشـوف هذه الرسـوم, لكـن من كثـر ما أسمـع الكلام اللي بين أخوانـي

وأخـوي العـود المعـرس بعـد, استغربـت ويـاتلي الفضـول وجـربت وعجبتنـي وليـن الحيـن أتابعهـا

الأفـلام العربيـة..

وصـاخــــــــــة, وقــــــــاحــة, نــــــذالـــــة وقلــــــــة أدب

..

..


استمتعـت عنـد قـراءة موضـوعك الشيــق

وننتـظر كـل جـديد من روائعـك.. ربــي يحفـظك دائمــا

:)

[الدلووووعة]

المنصوري اونك عاد وصفتلي شكل السينما انا اشوف الكل يمدحها

العجيبة ظهرتي احسن عني عالاقل سرتي سينما لا ترا نحن في البيت نسويلنا جو سينما نبند ليتات الصالة
ونيلس انشوف الفلم بس الكل يمدح السينما لاكن محد بيودينا وحليلنا كل شي حلال للشباب حرام علينا :(

[أحلى منصوري]

؛؛ صاحبــة التصاميــم المميــزة .. عفاريتوووو حاليـاً كادبوري سابقــاً ؛؛


تــدريــــن .. ما أحيــد إنيــه حدرت سينمــا وفيــهــا غيــر " بو عرّاب " .. يعني في حياتي ما شفت أجنبي في سينمــا ويشوف فلم أجنبــي .. يمكــن في دبــي شي بس في بوظبي منقووود //

تسلميــن طولــي بعمــرج على المشــاركــة ‘‘

وربي لا هــانــج

والسموحه

خويـّـج
المنصــوري

[دمعة شوق]

هلاااااااا والله ومرحبا ملاايين بذمتيه ولايسدن
هلا والله بالغايبين ... <<< بسك عاااد

....
عدااااااااااااااااااال المنصوري والافلام الهنديه
لا لا مافيك حيله
...
بغيت أسجل ألا حضوريه وان شاءالله لي رجعه مطوله بعد
وبتفلسف عليكم عـــــــــــــدل
...
والسموحه منك يالمنصوري
الله حيبــــــــــــــــه
...

[عزيزه النفس]

مرحبــــــــــــا
وانا اقول شوو هالنوور اللي ظاهر
من واحة الفن والسينمــا
عثرنك انته هني
مشرف ماشالله
منور
المهم عن تصدق عمرك وايد خيخيخي
موضوعك حلوو : توب :

وانا عن رايي : عن تتفلسفين وايد عليهم :

اولاً
الافلام الاجنبيه طبعا
هذي اللي يسمونها افلام صج
سواء ان كانت من حيث التصوير
ولا القصه ولا الممثلين
يعني الافلام الاجنبيه في تطور دائم
ودوم في تغيرر فالافلام
واكثر الافلام اللي تجذب الناس
هذا من رايي يعني لانها تجذبني
وماعليها كلام الصراحه
::
ثانيا
الافلام الهنديه
مممممم
هيه تعيبني ووحلوه
بس في معظم الافلام
تشوفون نفس القصه
متكرره
بس ممم في تسليه وحلو
يعني بعد الافلام الاجنبيه الهنديه
بسس !!
ما توصل لمستوى الافلام الاجنبيه

ثالثا
الافلام الصينيه ..
والله ما فكرت اشوف فلم صيني
بس يمكن مره ولا مرتين
: جاكيشان :
ويعني مابتكلم عن شي ما يخصني فيه
بس ما تعيبني

الافلام العربيه
: لا تعليق !! :
يمدحونه التقليد هالايام وايد
ما اتابع افلام عربيه

وهذا رايي فكل الافلام
والواحد ما يشوف الافلام الا اذا كات فاضي وماعنده شغله
ولا للتسليه : يقزر وقته فيها :
وانا ما ادخل السينما الا للافلام الاجنبيه !! فقط

وتسلم اخوييه : المنصووري عالموضوع :
ترتـــــــــــــــــــووو ب

سي يووو

[أحلى منصوري]

:: كبيــرة بــعيــونـــهـــم ,, ريــمــانــي ::

شفتــه أنــا فلــم war of the world وبعــد ما عيبنــي يــمكــن لأنيــه ما كنــت مــركــز معـــاه
والصراحــة ما يــرزى اتعــب عمــرك على فلــم عربــي وفي السينمــا هالأيــام .. كله رقــص وخاصــة الأفــلام المصــريــة .. غربل الله بــنــي فرعون على هيــك أفــلاااام

تسلميــن على المشــاركــة .. وما ننــحرم من تواجدج المتواصــل

والسموحه

خويـّـج
المنصــوري

[وحي القلم]

عليكم السلام و رحمة الله و بركاته

مشكور اخويه أحلى منصوري على هالموضوع

(( بالنسبة للأفلام الأجنبية ))

من أحسن الأفلام من ناحية العرض و التمثيل
بس المشكلة في أفكارهم

(( الأفلام الهنديه ))

ما جد شفت غير فلم واحد
و لوعولي جبدي.. بدا الساعة 11 الين ثلاث
و لازم يرقصون كل خمس دقايق
و البطل ينعش ( خبلت به الهنديه )

و بس..
تبت من هاك اليوم ما اشوف أفلامهم

(( الأفلام اليابانيه ))

ما شفت غير الرسوم روروني كنشن >> ما أدري إذا الاسم صح ولا لا
و بشكل عام هو رسومهم حلو و امرتب لكن أحيانا اتكون فيه أشيا ......

(( الأفلام العربيه ))

ما تجذبني

ولا عن السينمه.. ما عندي شي أقوله لانه حالي من حال الدلووعه و العجيبة

..
و السموحه
وحي القلم