ابداعات الـ ـطـ ـلا سـ ـم !!

[أكسجين]

السلام عليكم ورحمة الله وبركاته


طبعاً عنوان الموضوع يمكن يذكركم بـ قروبالطلاسم ..

بتقولون شو تسوي فراشه هني بما أن فترةالقروبات انتهت ..

بس الموضوع مشترك بيني وبين الدلووووعةوالملهم ..

وكنا مجهزينه قبل فترة انتهاء القروبات عشان نطرحه ..

بس مع الانتقال للواحات اليديده اختفت واحةالطلاسم ..

وانتهت فترة القروبات فـ تأخرنا في طرحه ..

بس ان شاء الله تستمتعون ويانا فـ تصفح الموضوع ..

.. الزاويـ ـه الأولى..










طبعاً هـ الصور لي انا فراشة ودّ ..

ما كنت مصوره عن موضوع معين او رحله معينه ..

بس كانت صور مبعثره .. حبيت اشارككم فيها ..


عندنا الصوره الأولى ..

صورتها ع ايام المدرسه كنا طالعين رحله ومرينا جنب البحر فـ صورتها وانا بـ الباص ..

والصوره الثانيه بعد كانت في البحر .. بس هـالمره كنت طالعه ويا الاهل والجو كان حلوو ..

فـ صورت المنظر ..

وبـ النسبه للصوره الثالثه .. طبعاً مثل ما انتو شايفين هي صورة لتشقق الارض ..

صورتها في منطقة الحمرانية في راس الخيمه .. في المحميه الزراعية اللي هناك .. ما اذكر اسمها عدل .. " بس اذكر موقف صار لي هناك طبعاً كانت رحلة من المدرسة وماخذين مرحلة تاسع كامله فـ انا طبعاً ربعي مب في صفي .. المهم كنت امشي وياربيعتي فـ حطيت ايدي على جتفها وماخذه راحتي ع الاخر .. وانا امشي شوي جان اسمع ابلتنا مال الماث عاااد انا اكره مادتها وعصبيتها كان تصرخ علي قالت لي فلانه امشي عدل احترق ويهي عن خاطر وكرتها زياده "

والحين الصوره الرابعه .. يغمض شكل هـ الطير صح .. هذا الله يسلمكم لمّا كان طايح ثلج في راس الخيمه .. بـ هـ اليوم انا كنت ع السطح عشان اصور بيتنا من فوق بـ المطر وشفت هـ الطير الميت ..وصورته ..

انا بـ النسبة للصوره الخامسه .. هـ الورده كانت من باقة اهدتها لي وحده اعزها وطبعاً الورد مصيره انه يذبل .. فـ صورتها للذكرى ..

والصوره السادسه .. كان في الحمرانيه بعد .. فعيبتني الاوراق وهي ملونه وع الارض فـ صورتها ..

الصوره السابعه كنت قاعده في حديقه البيت والكاميرا وياي .. وجذبتني هـ النحله ويـ الله يا فراشه صوري ..

اما الصوره الثامنه .. فـ هي بيت مصنوع من سعف النخل وكان في منطقة الحمرانيه بعد .. فـ حسيته حلو .. وصورته بس الصوره مختربه شوي من فوق ع اليمين .. انقهرت لاني انتبهت لها لما رحت البيت ..

والصوره الاخيره .. طبعاً مثل ما انتوا شايفين " قمـ ـر " والصوره تعبر عن نفسها ..

اتمنى انكم استمتعتوا وياي ..

ولا تردون على الموضوع الا لما اخلص ..

[أكسجين]

و ننتقل الحين لـ الدلووووعة

و

.. الزاوية الثانيـــ ــه ..

1- يمدحونه ايام الصيد والله كنت ابا احطه على ايدي ماطاع الريال

2- عاد ماي قبل غير عن ماي لحينه

3- تفضلو بالدخول ياساده( اونه عاد جنه قبل مايدخلن بياخذون رايي )

4- غير يوم تيلس اهني وتسمع من المسجل الجديم

5- ها يذكرني بمتحف عيمان

6-هاي الصوره كم تسوى صوره ابونا بوخليفة الله يرحمه

بس اهم شي انه صوره ابوي زايد ربي يرحمة اول شي

والبوابة ثاني شي لنه هيل الصورتين هن اول ماتدخلون

7- والله كان خاطري اركب الحمار بس خفت اطيح

اتخيل شكلج يا الدلووووعة وانتِ راكبة الحمار

طبعاً كانت هذي هي الزاوية الثانية في الموضوع ..

وطبعاً هـ الصور من تصوير الدلووووعة في القرية التراثية في بوظبي ..

[الرايد]

ابدعـتو يا فراشة ودّ و الدلوووعه و الملهم

دمتم لـنـا
اخوكم الرايد

[أكسجين]

و ننتقل الحين للعضو الاخير وهو

.. الملهم ..







ذهبت ذات يوم الى حديقة الخور لاحظى بمشاهد جميلة خلابة طبيعية،فالتقطت هذه الصور وأشارككم في ما شاهدت ..

عندما رأيت جموع النورس تقف على البحر حديقة الخور أوحي لي عقليبأن عليه التقاط هذا المشهد الجميل ..



ثم التقطت صورة في مطعم حديقة الخور، وبه وجبات لا بأس بهكالمشاوي والبرجر والنقانق والكثير من المشروبات الطبيعية والغازية ..



وبعد ما انتهيت من الاكل بقي معي قطعة خبز .. فعندما خرجت منالمطعم وجدت طيور النورس يطيرون فقلت بدلا من ارمي الخبز لماذا لا أطعم النورس .. فقطعت الخبز ورميت لهم فتجمعوا وقضوا على القطعة ..



ثم ذهبت الى الشاطئ واخذت جولة بالقارب يطوفني بالخور .. فرأيتهذا المبنى الجميل فألزمتني نفسي بأخذ صورة له:D..



ثم رأيت سفينة لا أدري ماذا تفعل كأنها " تزرع الماء" وفي حسبرأيي انها تنظف البحر فالتقطت لها صورة ..



اتمنى ان تعجبكم رحلتي .. وانصحكم بالذهاب الى الحديقة لترون مارأيت ..


طبعاً اتمنى انكم استانستوا ويا الملهم و طريقته في سرد احداث الرحله ..

وان شاءالله استانستوا ويانا ..

واتمنى بعد ان طريقة عرض الموضوع تكون سهلت لكم التصفح وعيبتكم ..

بانتظار ردودكم ومشاركاتكم ..

كل الودّ



فراشة .. الملهم.. الدلووووعة

[العجيبة]

عجيــــــب والله

وايـــــــد حلـــووو موضوعكم

ضحكني الملهم .. طريقته في السـرد كشخه .. وصوره وايد حلوه وواضحه ما شاء الله خخخ السفينه مسكته أونه مخمة البحــر !! هيهيهيهي خل يخمون الصحـرا مرة وحده بعـد خخخ


عاشووووا الدلوعة التراثية .. وايـــد حلوووة صورج وتعليقاتج

عاد البج بوس .. فراشة ود مسكته .. الحمــرانية وايد حلوة .. شفنا ورقها وترابها خخخخ وايد علينـااا
حلــوووة صووورج .. وتعليقاتج حلوة بعـد .. الـ شسمه .. هالمسات اللي يتحكمن في اليلسة والمشية وعععع الله يعينج !


أبدعتــواااا .. وطريقة العرض حلـوه ..

بالتوفيج دوووم

[بنت ناس و عرب]

موضوع في غاية الجمال .. لكن العيب الوحيد الصور مب high Quality

[عنود الريف]

مرحبا
ما شاء الله عليكم
موضوع مميز ..
الاخت فراشة ود ..
صورج واايد حلوة ويبالي اسير الحمرانيه .. ابغي اشوف هالسوالف ..
وصورج واضحه وحلوة ..
الاخت الدلوعه والتراثيه (( كيف دلوعه وتراثيه .. احيد التراثيين متعودين على الشقا ))
على العموم .. صورها حلوه بس اظني مصورة بالموبايل فعشان جذي مب واضحات وااايد .. بس كمعالم تراها حلوه وعرفتي تختارين ..
اما اخويه الملهم ..
ما شاء الله اسم على مسمى .. عندك الهام .. صورك واايد حلوه اخويه .. بس الخور وفي هالوقت .. ما يستوي .. الحين حر ورطوبة ..
ان شاء الله في الشتا ..
على العموم ..
مشكوورين ما قصرتوا على الموضوع وعيبتني حركه الصور .. يمكن تصفحها جذي وااايد اسهل ..
يعطيكم العافيه ..
والسمووحه

[أتمنى]

:: فراشة ودّ ::

:: الدلوووعه ::

:: الملهم ::

ورود الطلاسم و الواحات

الله يعطيكم الف عافية

موضوع متجدد و رائع :)

لا عدمنــــــاكم

[قلوب دبي]

:)

ما شا ءالله عليكم
مبدعين
ربي يحفظكم و يوفقكم
دوم ان شا ءالله

قلوب دبي

[كبيرة بعيوني]

الملهـم ، الدلوووعة ، فراشـة ود

ابدعتــوا الصراااحه ..
الملهم ذكرتني بمس العربي .. لو جدامي كنت بكفخك طشونة كيكيكي ،
فراشــة عيبتني صورة الطيـــر .. غمضني مسكين .!
الدلوووعة .. ويا هالحمــار كيكيكي .. مسكين والله حمار طيب .! ^.^"

[خيال الحب]

ماشاء الله عليكم

وتعليقات حلووه,,

وصووور حلوووه,,

ونتريا منكم المزيد

[الشحية]

ما شاء الله عليكم ..
ما قصرتووو ..
نتمى نشوووووف كل يديد منكم ..

[عفاريتووو]

السلام عليكم

صدق انه " ابداعات "
ماشالله عليكم .. صور واييد حلوة
وعر ض احلى للصور
نتريا يديدكم

[أمطار]

. . .وعليكم السلام ورحمة الله وبركاته. . .

حبايبي
. . .فراشة ودّ. . .
. . .الدلووووعة. . .
. . .الملهم. . .

ما شاء الله عليــكم وتبارك الرحمــــن. . .


فعلا ً ابداع. . .
ربي يعطيكم العافية على هالمجهود. . .

وننتظر منكم كل جديد. . .
تقبـّلوا مني أرق التحايا. . .

كل الـــودّ. . .
دمعة العين

[دموع قلم]

وعليـكم السـلام ورحمـة الله وبركـاته,,

أشكـر المبـدعيـن..
فـــراشــة ودّ
الدلـــــووووعـــة
والملهـــــــــم

مـا شــاء الله علـى صـوركم عن جـد حلـوة
وطريقـة سـرد الأحـداث أيضـا ممتعـــة
وننتـظر الجـديـد من إبـداعـاتـكم الرائعـة

:)


ربـي يحفــظكم