هاي يسمونها عقيدة تناسخ الأرواح \ وهي موجوده في غالب الأديان غير السماوية \ يعني الأرواح المخلوقة لما تفنى الأجساد تروح اتدور على جسد ثاني (( أدور مكان \ لانهم ما يؤمنون بالبعث \ مو حزب البعث لالالا البعث بعد الموت \ وين راح تفكيركم )) ويقول لكم هالارواح التايهه عاد تنزل وين ما تنزل في نمر في طيطار في قوطي عشان جيه هم يحرقون الجسد عشان يخلصون الروح من السجن مالها و تروح وين ما تبغي \ طبعا هم يقدسون هالحيوانات عشان جيه ما ياكلون لحم او يقدسون الابقار \ فكرتهم ان نحن في حلقه فممكن يموت فار و روحه تنتقل لواحد من عيالهم فيطلع جبان

(( انزين خلصنا خريط عليكم ))

شيطونه ذكرتيني بموقف حصل لي \ في الطياره مع واحد عراقي كان نقاش خفيف في خلق آدم و حواء المهم انه مره وحده بدون سابق انذار قال لي :- شوف خنفروش ترى انا علماني .
(( عاد منوه بيود خنفروش هاك الوقت نقعت عليه من الضحك ))
وهو مستغرب يتحراني ابغي اقهره او انرفزه
(( يقول لي اشبلاك ))
قلت له اعذرني اول مره في حياتي اسمع واحد يقول عن نفسه علماني
(( ما أدري ليش بعض الأشخاص يتبنى آراء الخلل فيها واضح ))


شيطونه ترى الموضوع بحد ذاته مهم و حساس جدا \ لان بعض المعتقدات تتسرب لنا بدون ما نحس عن طريق وسائل الاعلام وبسبب ضعف او جهلنا بالمعتقدات الصحيحة \
و مثلا مثلا
خليني اتبنى الفكرة الي انتي قاعده اتعارضينها \ ما بقول لج ان خنفروش كان أسد في حياة ثانية (( سابقة )) \ بقول ان هالشي صحيح (( عقيدة تناسخ الأرواح )) حتى شوفي ان بعض الاشخاص انحس معاهم بألفة عجيبه كأننا نعرفهم من زمان مع اننا نلتقي معاهم لأول مرة \ و شوفي ردود الاعضاء على هذا المعتقد الفاسد