اربيعتي تباني ارمس اخوها

[الدلووووعة]

الفراشة

تسلمين اختيه عالمرور
وصدقج بنات متخلفات

وربي يوفقج
والسموحة

[إسهر معي ليله]

السلام عليكم

مشكورة عالموضوع إختي

والله اني يوم أشوف هالأشكال انقهر.. اللوم مب عالبنت.. اللوم عالولد. عالريّال اللي يرضى بهالشي

يقول حق اخته ولا بنت خالته ولا بنت عمه عرفيني على وحده.. او قولي لفلانه تراني مابا ارمسها

والله وايد تستوي.. ومن شباب نعرفهم.. ابا اعرف وين الرجوله؟؟ يعني انته لو مهما كنت كيف ترضى تبيّن لأهلك انك تسوي هالسوالف!؟

عيل اللي يدخل ربيعاته البيت وجدام اهله.. ولا واحد الله يستر عليه مدخل روسيه البيت... يايتنه امه تدق عليه باب الغرفه تقول دخيلك طلعها.. يقول اتريي بخلص!!

فيه ناس يغتصبون خواتهم.. وين الغيره والرجوله ؟؟

واحد ياي عند ربيعه.. يقوله انا اعرف انته تكلم فلانه! وفلانه اخته.. عاش الأخو الغيور

مادري شو من نوع هذيل ... والله يبعد عنا هالأشكال.. لأنهم وايد انتشروا

ازيدكم من الشعر بيت... واحد يحب عمته!!

..............

ووايد أسباب خلتنا نوصل لهالحاله

أول شي فيه ناس عادي عندهم بنت العم تكلم ولد عمها رغم انهم مب محارم بعض.. فتلقون ولد عم البنت يتصل فأختها يقولها كلمي اختج اني احبها وابا اكلمها

فمن هني الولد يكون هالشي عادي عنده بين اهله وعادي يتطور بين ربعه... والبنت بعد تتعود ويستوي شي عادي فحياتها

ثاني شي فيه بنات يستانسن على هالسوالف.. فترمس اخوها عن ربيعاتها وهني الولد تعيبه السالفه ويقول عرفيني... عشان تسهل عليه السالفه.. ما يحتاي يرقم ويقردن وياخذ وقت

المهم.. انته يوم جيه تسوي جدام اهلك.. اهلك بيسوون هالشي وبيكون عادي عندهم وانته غصباً عنك بترضى

الله يكفينا شر هالأشكال... الله يحفظكم