..:: نتائج الثانوية العامه صباح غد ::..

[العجيبة]

أظني هالموقع

www.moe.gov.ae

لانه نفس الموقع اللي ظهرت النتايج فيه العام ..

وأصلا هو موقع وزارة التربية والتعليم ..


بالتوفيـــج للجميــــع

تعيبني هالايام .. فرحة الناجحين ولا أروع !

[شوق القلوب]

شكرا يالعجب... :)

[الجديدة]

مرحبا العجيبة
شكرا على الخدمة و ان شاء الله يفتح عشان نشوف النتائج غدا

مع تحيات
الجديدة

[أسيرة الصمت]

السلام عليكم

الله يعين كل اللي بالثانوية وان شاء الله خير

بس سمعت وحده من الاتصالات تقول ان النتايج بالثلاثاء .. وبجريدة الخليج بعد قريت انه بالثلاثاء

اتمنى تقولون لنا الخبر الصحيح

وموقع النتايج

وتسلمين اختي على نقل الخبر

[فركوشه]

ان شا الله تنجحوون كلكم..

[الشحية]

يعني إلحين النتايج باجر >> يوم الإثنين تقصدون ..
يالله ما عليه ورانا نشه من الصبح عيل خخخخخخخخ ..
إنزين ترى عن سالفة المسجات .. ساعات يطرون النتايج غلط ..
أتمنى ناخذون حذركم وتتأكدون من أكثر من مكان ..
وتسلمين إختي صمت الدموع على هذا التنبيه ..
وحياكم الله ..




#
حتى أنا أبى موقع اللي يطلعون منها النتايج ..

[كبيرة بعيوني]

بخـبركم عن المسـجات .. ترى لو طرشـتوا نفس رقم الجلوس
من أكثــر من رقم .. توصل النتيجه حق حد وحد لاء .. ومرات ماتتطرش .!
فـ اتحملوا وطرشـوا من رقـم واحد بس ..
هيـه صح .. بعـد النتايج بيطرشونها حســب اللي طـلــب قبل ..
يالله الله يوفجـهم
والسموحة

[المزيوونه]

السلام عليكم..


ممم مبروك مقدما للناجحين .. وان شاااء الله نسبكم بتبيض ويوووه اهاليكم..
ذكرتوني بنفس ها الايام من السنه اللي طافت ..
كانت نتايجنا فتاريخ 29-6 .. ايام مرعبه هههه .. بس من تظهر النتايج بيطيح
كل الهم .. للي شد حيله طبعا ..

وبالتوفيق ..

[كبيرة بعيوني]

واعيه من الحين بس عشااان النتايج
اكتب الرد وانا اتثااوب خخخخ
داشـة آخذ الموقــع
ياااارب تكوون شي نتاااايج ولا انا مب ويه وحـدة تنش الصبح
امايه تقول لي شوفيــج؟ شي مستوي بج !
هههه .،

[كبيرة بعيوني]

مااااااااالـت عـ ويهي النتايج الساعه 9 >.<"

[كليوبترا]

فديتكم والله...حاسه بكم....
ربي يوفقكم جميع....وان شاء الله النسب العاليه...
ذكرتوني باللي مضى...عاد من كم سنه...
والله ماكنت خايفه...ولا يهمني..لكن يوم النسبه زين ما يتني حاله...حتى لو غفت عيني جني اتحلمها وأنش
يالله عسى ربي ينجحكم....

تمنياتي بالتوفيق
كليوبترا

[كبيرة بعيوني]

كليبوترا .. انا مب ثانويه عااامة
بس مرتبشه ويا ربيعاتي .. خخخ ^.^"

[كليوبترا]

فديتج والله...ولا أنا ثانويه عامه...راحت علينا خلالالاص
بس مرتبشه مع الاهل..بنت عمي وبنت خالي
خخخخ انا وانتي شي هاليوم...
نعلن عن دعمنا لأبناء الثانوية العامة

[أكسجين]

.. صباح النور ..

مبروك مقدماً لكــل طلاب وطالبات الثانويه العامة ..

كلكــ ـم تتريون النتايج ما شاء الله ..

يحليلكم واللـ ـه ..

انا ناشه من الساعه خمس ونص مافيني نووم ..

قلقه على اختي ..

وهي راقده حتى ما رضيت اوعيها ..

خليتها ترتاح شوي ..

والجـ ـو في البيت الحين حدّث ولا حرج ..

متوترين ع الآخر ..

يالله بالتوفيق للجميع ..

[كبيرة بعيوني]

كليوبتــرا
اصلا انا أزهـب عمري حق السنة اليايه ^.^"
الله يعيـني الصراااحه .. كله عااد ولا حشرة امي السنة اليايه خخخ ..
يالله الله يوفجــنا ،