انتقادات حول امتحانات الثانوية العامة

[عافك الخاطر]

وعـليكم السلام ورحمة الله وبركاته ..

بالنسبـة للرياضيات - الورقة الأولى -

أسهل امتحان رياضيات كان بالنسبة لـي ..

نفس نماذج الامتحاانات السابقة واسهل بـــوايد ..

رياضيات - الورقة الثانية -

اسـتوت الخبصة

الواحد يقول الحق .. اسئلة التكاملات ما كانت صعبة ، وتنحل بسـرعة ، بس اسئلة الاحتمالات مع انه الابلة كانت تقول اضمني درجة الإحصاء والتكاملات في جيبج ، بس للأسف انجلب الحال ضمنا التكاملات و خبصنا ف الاحتمالات

بس لا تنسون انه في شي حلو في كل الامتحانات وها يساعد الواحد انه يجمع درجات الا وهو حذف السؤال ..وهم كانوا مغلسينها في السؤال الرابع اظني ...

بعدين رياضيات يعني شو تبونه ايي سهل بتستوي نكتة الموسم

جــيولوجيـا..

الحـمدلله كان سهـل..

بس احنا الله يسامحها الابلة كان شرحها وعدمه واحد

من جي في اسئلة خبصنا فيها ..

بس الامتحان بشكل عام سهل ..

اللـغة العـربية -الورقة الأولى-

ها الامتحان اللي سووله يولة .. لأن اكتشفوا عقب الامتحان اخطاء في طريقة وضع الاسئلة

بس بعد الحذف ينقذ الواحد

هو صعوبته اكثر للادبي مب للعلمي .. لأن احنا دبرنا حالنا ..

اللغـة العربية - الورقة الثانية -

النحـو كان دمه ثجيل شوي بس ..

النقــد تمام ..

التعبير

هو القهر ليش حاطين اجباري كله ، يعني مب كل حد فالح في التلخيص لان هالسؤال الوحيد اللي درجته تضيع بسهولة ، حتى مدرستنا قالت ان مفهوم التلخيص يختلف بين مصحح وآخر فـ عشان جي كانت تحبذ انه نتركه .. بس انجلب الحال .. يعني انت وحظك ، ورقتك طاحت في ايد منو .؟

بالنسبة لـ تسونامي ، ما ادري ليش سوو هالضجة مع انه الموضوع حلو ! يعني اول مرة اييبون موضوع - حي - الواحد يروم يكتب فيه .. اما بالنسبة لظلم الاخ لاخيه وشو يخصه في تسونامي .. ترى اللي استوى كان غضـب من رب العالمين .. يعني معقولة يصير كل ها من فراغ ..! ومثال الظلم كان "شقفة" من الموضوع عشان يفهمونا ان المطلوب نربط بين غضب الطبيعة واسبابها .. وكيف ان الناس صاروا غافلين عن آخرتهم وهمهم الأكبر حياتهم ..! ف صار الانسان يظلم هذا و يتكبر على هذاك بس لمصالح دنيوية فانية .. مب جني كتبت الموضوع

( هذا رايي لا تصفعوني )

بس بعد العلمي استفادوا من امتحان هالمادة بشكل أكبر من الادبي..

الكيميــاء ..

فديت هالمادة

والحمدلله كان الامتحان سهل ، موية على قولة السعوديين

اللغة الانجليزية

نو كومنتس

فـيزياء-الورقة الأولى-

سهل ممتنع ( صح جي ) ..

انا حليت وخلصت وطالعة وانا شاقة الحلج واشوف كل وحدة مادة البوز شبر ونص .. ف قلت لازم اسال مع اني ما احب اسال لاني بعرف بيتمون يراجعون الامتحان كله المهم راجعت وطلعت عندي اخطاء هني وهناك :crosseyed قتلهم خلاص خلاص التوبة ما اقول عن امتحان سهل مرة ثانية

فيزياء - الوقة الثانية -

الحمـدلله أهون من الأولى ..

بس لو تلاحظون انهم ما خلوا شي في الكتاب ماشاء الله عليهم ..

كل القوانين يابوها ..

اصلاً شي فيه كهربا انا ما ادانيه

التربية الإسلامية ..

برداً وسلاماً على قولة جريدة الخليـج ( يقهرون اتقولهم شي ويكتبون شي ثاني ما يخصه في اللي قلته )

الأحيـاء

نسـخ للكتاب بصراحة..

التقاويم منسوخة نسخ في الامتحان والحمدلله

الله يوفق الجميع ان شاء الله ..

اهم شي الواحد يحصل نسبة اتدخله المكان اللي يباه .. وبس

وايد هذربت الله يعين اللي بيقرا

شكراً خيّو :)

...

.