اختي أنا أقولج.. أحسن حل إنج اتصلين الإستخارة :)
اختي أنا أقولج.. أحسن حل إنج اتصلين الإستخارة :)
الســــلام عليــــــــــكم...
عزيزتي.. لا تحتارين... و ان شاء الله اندلج على شي يريحج... :)
انا دارسة في جامعة الشارجه ، وجامعتنا الحمد الله الدراسه فيها حلوه ومب ندمانه عليها.. :)
الحياه الجامعيه بحد ذاتها شي يديد غييييييير عن المدارس.. فطبيعي انج اتحسين بالتغيير اول ما بتدخلين..
..
في شي أساسي لازم اتعرفينه عن جامعة الشارجه.. انها جامعه خاصه و لها مصاريفها... اما اذا كان عندج جواز الشارجه فبسهوله تقدرين اتقدمين على منحه دراسيه و منها ما بتدفعين شي.. :)
..
بس قولي شو التخصص اللي في بالج..؟؟
جامعه الشارجه فيها هالكليات :
- كلية الشريعة و الدراسات الاسلامية.
- كلية القانون.
- كلية الآداب و العلوم.
- كلية الاعلام.
- كلية ادارة الاعمال.
- كلية الهندسة.
- كلية العلوم الصحية .
- كلية الفنون الجميلة.
- كلية الطب البشري.
- كلية طب الاسنان.
- كلية الصيدلة.
- كلية الزراعه و البيئه.
..
و هذا هو موقع الجامعة ( http://www.sharjah.ac.ae/ )
..
وأي سؤال عن جامعة الشارجه انا حاضره... وأي سؤال عن جامعة الامارات.. كليوبترا حاضره
..
ربي.. لك الحمد..
وعلـيكم السلام
حيـاج اختي ، وهلا فيج
انا روحي شراتج مب عارفة وين اسير ؟ بس كلهم قالولي الشـارجـة أحسـن من الإمارات..
بس موضوعج نزل في وقته لان انا بعد كنت بستفسر عن جامعة الشارجة..
واسمحيلي بعد اذنج طبعاً اني اطرح شوية اسئلة على اختي شوق القلوب بما انها تدرس هناك :)
اخـتي : انا سالت عن المنحـة بالنسبة لكلية الطب البشـري وقالولي 84 بس قالوا يعني يعتمد على نسبة نجاح الدفعة وشي اولويـات مثل سالفة اذا كان جوازج من الشارجة .. وجي..
فـ ما اعرف بغيتج اتشورين علي بخصوص هالكلية ؟ و هل المنحة بتكون لسنوات معينة ..؟ والا شقايل ..؟
وبكون شـاكرة لج
السمـوحة ..
..
هلا بعافك الخاطر.. :)
..
انا ما عندي خلفيه كبيره عن المنح.. لاني كنت ادرس على حسابي عسب انه جوابي بوظبي..
بس بخبرج عن اللي اعرفه.. :)
- انه المنح اتكون اساساً للي عندهم جوازات الشارجه .. وفي نوعين من المنح.. منحه مممم ( ما اعرف شو يسمونها.. يمكن منحه جزئيه ) .. و منحه كامله... وأحسن لج المنحه الكامله ... لانها تشمل الدراسه و الكتب و هالامور كلها...
ومن شروطها على ما اذكر انه لازم معاش ولي الامر ما يتعدى الـ10 آلاف.. لكن في ناس طبعا يحصلونها بالواسطه... و بسهوله بعد.. او من ديوان الحاكم..
بس ان شــاء الله.. بسألج باجر عن منحة الطب كيف بتكون.. :)
انت قوليلي كل استفساراتج وبسألج عنها...
..
بس نصيــــــــــــــــــــــ حه من أختج..!!
حاولي في هالشهرين تاخذين شهادة التوفل.. لانج بتختصرين على عمرج سنة دراسيه كامله... خاصه انه نظام الـ level صار يتعب و يضيع عالواحد سنوات هو بحاجه لها...
لانه الجامعه أول ما تدخلينها بتسويلج امتحان توفل.. واذا ما يبتي الدرجه المطلوبه بتنجبرين انج تاخذين كورسات انجليزي وبيوزعون الطلبه على حسب درجاتهم في امتحان التوفل على 4 مراحل.. level 1, 2 , 3, 4
عاد الواحد اهنه مايضمن بيكون في اي مرحله.. يعني اذا كنت في level 2 بتدرسين كورس كامل وفي نهاية الكورس بيسوولج امتحان.. اذا يبتي فوق الـ80 بينقلونج على 4 .. اما اذا يبتي فوق الـ 60 بينقلونج الى 3... ومن هنيه تبدا معاناة البنات..!!!
فاذا حاولتي تاخذين التوفل من معاهد معروفه بتريحين عمرج واااااايد... وصح.. اللي يدرس level ما يقدر ياخذ مساقات الجامعه...من جيه يضيع عليج الكورس ع الفاضي... وانت بس تدرسين انجليزي..
..
مب جني رمست وايد..!
..
ربي.. لك الحمد..
انا العام خذت كورس توفل بس بدون الامتحان ف بحاول ان شاء الله اخذه في هالشهرين ..
مشكـورة خيتو :)
بس خل النسبة تطلع ، وعقب بكمل استفساراتي ان شاء الله
ما قصرتي عزيزتي ..
..
.
والله أنا كنت شراتج..
وما خليت جامعة ما يبت كاتالوجها..
أول شي قمت افكر بربيعاتي..
و اكتشفت إن كل وحدة بتسير الجامعة اللي على هواها..
وأغلبهن بيسيرن جامعة زايد وانا طموحي مب جامعة زايد..
فقلت ليش أدخل جامعة أنا مب مقتنعة فيها..؟
عقب تميت أشاور أمي وأختي..والحمدلله استقريت على جامعة،صح إن ربيعاتي ما بيكونن وياي..بس هذا مستقبل وما يمنع إن أكون متواصلة وياهم:)
انا بصراحة بعدني صغيرونة على الجامعة ... مااعرف شي عن الجامعات بس كل الناس اسمعهم يمدحون في جامعة الامارات بس انا افكر ادخل الكلية لاني احسها احلى من الجامعات
انا بصراحة بعدني صغيرونة على الجامعة ... مااعرف شي عن الجامعات بس كل الناس اسمعهم يمدحون في جامعة الامارات بس انا افكر ادخل الكلية لاني احسها احلى من الجامعات
الذين يشاهدون الموضوع الآن: 2 (0 من الأعضاء و 2 زائر)
مواقع النشر (المفضلة)