اخواني ، حطو بعين الاعتبار ايضا الدين ، و العادات و التقاليد في الدولة . .

نعم ، نقدر نمشي شرات باجي الدول ، لكن كل دوله الها نمط حياة ، يعني نحن غير عن الهند مثلا ، الهند دولة فقيرة و عدد سكانها وايد كبير ( مليار و شي ) و دولتنا يديده ، غنيه بالنفط ، و عدد سكانها ( المواطنين فقط ) ما يتعدون المليون و نص !!

و هالمليون و شويه ، اتقيدهم عادات و تقاليد و دين ، نقدر نتغاضى عن بعض الاشيا ( مثلا طلعة الحرمه بروحها الى الدوام ، شغلها في مكان مختلط ) لكن توصل لنقطة مانقدر نسكت عنها ، هنيه هو الحد . .
لكن الرجل ، الدولة ماكملت 40 سنه حتى ، بعدها شي و ثلاثين !!
و الجيل الي طالع هو الجيل الثاني ، و الجيل الي بيطلع للضوء هو جيلنا نحن ( من سن ال 18 الى 25 تقريبا ) ، هالجيل بتشوفونه كيف بيكون ، متفتح أكثر عن الجيل الي قبله ، يحب العمل ... الخ

هاذي سنة الحياة ، نحن انشوف الدول الثانيه الي عمرها فوق ال 100 سنة ، و انقول ليش دولتنا مب شرات هالدولة مثلا ؟

على سبيل المثال ، السعودية فيها 16 مليون نسمة ( اذا مب اكثر ) و عمر الدولة فوق ال 100 سنة ، الي يتكلم بالعقل يحس انه شي مقارنه بين دولتنا و السعوديه ؟

نعم ، شي شباب مايحبون الشغل ، لكن لأنه عددنا قليل انشوف هالفئة كبيره ، و لاتنسون ايضا مجتمعنا ينقسم لوايد فئات و كل فئه الها منضورها الخاص و نمط حياتها الخاص !!
لكن على هذا ، قولو الحمدلله على النعمة عن تزول ..