نصووور يحتاج مساعتكم

[ذنـيـنـي]

السلام عليكم و رحمة الله و بركاته

اخواني ابغي اشتري ماجلان حق السيارة (نافيغيتشن) و للاسف ما عندي خبرة في هالامور

ابغيه يكون متنقل لأني بستخدمه في السيارة يوم بسافر (الدريول الرسمي )

ما ابغي سعره يزيد عن 2000 درهم

و اذا شاشته ملونه بيكون افضل و ابغيه يكون مبرمج على الدول الاوروبية لأني بتنقل من النمسا الى ايطاليا و المانيا و سويسرا

ابغي نصيحتكم و يا ريت لو تقولولي وين المحلات المختصة في هالامور

تحياتي لكم
اخوكم نصووور

[خيال الحب]

مرحبا الساع

هلا فيك الغالي

ممممممم انا اذكر في محل بالسيتي (( ها لو ما خانتني الذاكره))

حصلنا عنده ماجلان للبحــر وها الي كنا ندور عليه
وكان عنده وايد اجهزه,,

شووفه يمكن تحصل عنده

وان شاء الله انا باجر بدور لك بعد وبخبرك
فالك الطيب طال عمرك

تحياتي

[الرحيل]

هلا نصور..اشوفك ناوي نيه..

المهم يانصور بحدود 2000 صعب تحصل على ماظن انه اغلى عن هالسعر

واذا بتاخذ..خذ لك شي زين حتى لو انه غالي شوي

المهم انا بدور لك واذا لقيت بخبرك

[ذنـيـنـي]

السلام عليكم

تسلمون اخواني على ردودكم

البارحة سويت search عن انواع الـGPS و لقيت ماركة اسمها غارمن Garmin

بصراحة عندهم اشياء حلوة

و وكيلهم هو راديو شاك في ديرة سيتي سنتر
و عيبني هالموديل

http://www.garmin.com/products/sp2610/

سعر الجهاز مع خريطة اوروبا 3000 درهم

و سعره مع خريطة الشرق الاوسط 4الاف و شوي

[مايهزك ريح]

اخويه شاري من نفس الماركة ..اسم الجهاز emap
بس ما اتذكر بكم وثانيا مب ملون .. بس كان وايد زين .. اعتقد انه من السيتي سنتر نفس المحل .. شوفه بعدك يمكن ايعيبك

[المزوحي]

وحتى انا ابغي اعرف من وين اشتريه بنركبه حق نيسان مورانو ... سألنا الوكالة مايعرفون ..