سؤال؟

[الرحيل]

السلام عليكم والرحمه..

بس بغيت اسأل عن البيجو307..شو رايكم فيها؟

اذا حد عنده فكره عنها يخبرنا عنها..من ناحية السواقه والقوه..

بس انا حاولت اظهر عنها معلومات عرفت مواصفات السياره وقوة المكينه..

بس بغيت اعرف عن سوقتها..وعن عيوب اليجو..

السموحه..

[الرحيل]

شو الشباب رقود؟

[ذنـيـنـي]

على الشو مستعيل


اليوم كنت ويا ربيعي و عنده بيجو 307

بصراحة السيارة حلوة و ثابته و مصنوعة من مواد جودتها عالية

و مكينتها فيها عزم

و عليها عقد صيانه ممتاز من الوكالة

من داخل مريحة و كراسيها حلوة (فيها مثل الكاروهات)

الي عند ربيعي باب واحد و شوي ضيقة من ورا

بس عادي يعني, ممكن انه اي شخص ييلس ورا بس ما بيكون وايد مرتاح

[المزوحي]

عيبتني بيجو هالشكل نصووور ... سيارة اقتصادية عملية وأظن عندهم عرض يبالك تتأكد .. بحيث الخدمة عليهم ..
لكن ماظن المكيف مثل سيارات تويوتا وعند البيع كذلك .. الرحيل يبالك تسأل شخص عنده هالسيارة من 3 سنوات عسب يفيدك أكثر ..

[الرحيل]

السلام عليكم والرحمه..

هلا بالطيبين واخير يعني..مابغيتوا تردون..

نصور شكرا على مرورك وردك بس الصراحه انا اللي عيبتني بابين..احسها احلى عن الباب بالمظهر..

وعن عقد الصيانه على مااظن نفس ماقلت ممتاز والكراسي مريحه نفس ماقلت..

انا ركبتها بالوكاله..على العموم مشكور نصور..

المزوحي:هلا بهل الطله الحلوه..والله كنت متوقع انك اول وااحد ترد علي بس للاسف كنت الثاني..

بس مش مهم المهم انك مريت وعطيتنا رايك..

شوف يالمزوحي انا كنت محتار افكر بالكرولا..لانه تعرف الكرولا عمليه واقتصاديه قطع غيارها رخيص

وتحصله بكل مكان..بس يوم شفت هالسياره البيجو عيبتني واايد..

يعني سعرها بالوكاله رقم واحد 59250 الف..

فيها Cd

فتحة سقف

كراسي نص جلد ونص مخمل

قوة المكينه 2.0

جير تيبترونك..
ومن الداخل جذبتني يعني اشوفها احسن عن الكورولا بواايد..

ورقم 2 سعرها 56000الف

بدونcd

ولا فتحة سقف

هذا اللي اذكره..بس انا اعرف وااحد كانت عنده هالسياره بس باعها لانه يدرس بالخارج الحينه

اهي كانت رقم 2 وكملت عنده السياره 9 شهور على ماظن ويمكن سنه المهم اشترها ب 56 وباعها 43 لواحد من ربعه..

وانا سالته عن السياره قالي واايد فنانه..بس كلامه ماقنعني وماشجعني..

المهم مشكور المزوحي واذا حصلت اي معلومات لاتنسانا..

الرحيل

[إسهر معي ليله]

السلام عليكم

انا جربت هالسياره.. حلوة.. خفيفه.. كل يوم اضرب فيها خط للكلية والحمد لله ماشتكيت من شي

احلى ما فيها تجييكات كل 10000 .. يعني ترتاح

مواصفاتها وايد بالنسبة لسعرها... بس الوكالة تعبانين (( وهذا شي عادي في كل الوكالات ))

الشي الوحيد اللي اشتكيت منه القير!!.. بصراحه تبترونك فاشل.. عندي انا ما كد لأني بصراحه مب من النوع اللي سواقتي هاديه

فإذا انته تباها توكل على الله..بس اهم شي سواقتك.. لأنه حتى مال الوكاله على سالفة القير قالي هاي بيجو مب لومينا اس اس.. يعني سوق على راحتك.. بترتاح

اما شرات سواقتي.. كله ادوس وارده غيار عكسي.. اتعلوزت

مثل ما قلت لك.. سياره حلوة بس اهم شي سواقتك.. دلعها

والسيارة سعرها ينزل وايد بعد البيع (( بيني وبينك حسب المعرض)) ... وشكلها بيتغيّر في 2007 او 2008

ان شالله اكون فدتك.. الله يحفظك

[الرحيل]

مشكور (اسهر معي ليله) على مرورك وردك

بس شو قصدك بالقير..؟يعني كان يكسر؟
وشو قطع غيارها؟غالي ولا رخيص؟

وشو المكيف ترى اهم شي؟

والسموحه

[إسهر معي ليله]

السلام عليكم

اول شي القير:: ... بالنسبة للسواقة يوم بتسرع وترده دوم غيار عكسي.. بتحس انه السيارة فيها هزه يوم تغيّر الغيار.. يعني تحس فيها أكثر من اي سياره ثانية تبترونك.. اما بالسواقه المحترمه يكون اوكيه

وثاني شي عندي انا استوت هالمشكلة وماصلحوها (( غيرولي القير كامل وماتغير اي شي )) عاد مادري اذا هيه عيب فالسيارة ولا مني انا... والمشكله هيه فالقفل اللي بين P & R ,,, وطبعاُ ما تروم تحرك القير بين هالوضعين الا بالبريك.. بس عندي انا مرات بدون بريك يتحرك .. يعني القفل ما يشتغل... ومرات القفل ما يفتح عندي.. يعني لازم ابند السياره وارد اشغلها مرة ثانية!! رفع لي ضغطي

قطع الغيار ماعرف اذا غالي ولا رخيص.. بس سويت حادث غيرولي البابين اللي عاليسار بـ 9000.. على حساب التأمين

ومرة غيرولي باب الدبه والبمبر اللي ورا والبمبر اللي جدام بـ 12000 .. عاد ماعرف فالأسعار انا

المكيف لين احين انا ماشتكيت منه.. بالعكس وايد اوكيه

بس شوف ما عليك من كلامي.. صل الإستخارة وان شالله يصير خير.. واهم شي سواقتك للسياره.. لو بتحترم السياره حتى لو كانت صينيه بتمشي وياك

[إسهر معي ليله]

السلام عليكم

أخوي اذا ناوي تشتريها لا تستعيل.. هذا الشكل اليديد منها

[المزوحي]

إذا بتقارن كورولا ببيجو
فأنصحك عزيزي بكورولا ... كلهم اسعارهم في الخمسين لكن تويوتا تتصلح أي مكان
أدري بتقول وليش هي بتخترب هي يديده .. وهي وهي
انته ماتعرف باجر شو اللي بيصير ..
أما مثل ما قالوا عن البيجو إذا بتدلع الموتر بيكون تمام ويااااك ....
قول كم الميزانية وإذا تقدر تدفع 70 خذ لك هوندا أكورد ............. سيارة فنانة كذلك ...

[إسهر معي ليله]

رايي من راي المزوحي

اكيد الكورولا بتكون احسن.. وتكد وياك.. واقوى بعد.. وسعرها فيها

[الرحيل]

هلا والله اسهر معي ليله..

مشكور والسموحه تعبتك معاي بس الصراحه انت خوفتني شوي..بس ماعليك انا

الحمد الله سواقتي هاديه وماسرع واايد يعني احب احافظ على الشي..

وانشاء الله بخبرك باليديد وتسلم ويزاك اللله الف خير..

المزوحي..

عن طاري الكرولا ادري انها سياره عمليه لاكن انا بخاطري سياره صغيره..

يعني انا قبل مافكر بالبيجو كنت اريد اخذ Xa

بس ماعيبتني كثر ماعيبتني البيجو

وانته تعرف الواحد يوم دش سياره بخاطره خلاص عاادي يخليها X5

وانا محطي فبالي يعني اني اخلي هالسياره وياي سنتين وبعدين اخذ سياره ثانيه..

يعني مش اكثر..وانا اعرف انه لو خذيت ركولا راح ابيعها ثاني يوم..

ياخي والله مليت من كثر مااشوف هالسياره..عن ابوه في كل مكان وفي كل لفه..

والاكورد ادري انها فنانه..بس مادري احس انه البيجو احلى يعني عيبتني من اول ماشفتها

بس خلاص انشاء الله بشتري البيجو واللون الابيض

ومشكور اخوي المزوحي..

واسهر معي ليله...زهب حالك ترى السياره بالدرب يايه..

[الرحيل]

وهذا الشكل متى بينزل..؟

ياخي والله مال الوكاله حراميه يوم سالته متى بيتغير الشكل قال يمكن بعد 4 او 3

اذكر مره ربيعي سار وكالة اللكزس وخلاص يعني كان معزم على 300 سألهم متى بيتغير الشكل قالوله بعده يمكن بعد سنيتن..

المهم اشترى السياره بعدها ب 3شهور تغير الشكل من القهر سار باع السياره...

لو تعرف متى بيتغير الشكل خبرني والسموحه

[المزوحي]

لازم بيقولون له هالرمسه عسب يشتري خوف إنه يغير رايه عن الوكالة مب الموتر نفسه بعد ..
فأقل شي حط في بالك السيارة تكون خمس سنوات وممكن تتغير .. إذا ماخبروك متى بتتغير أسأل أول موديل متى نزل وبتعرف تقريبا ..

[ذنـيـنـي]

اخوي اذا السيارة عايبتنك توكل على الله و خذها



مجرد اقتراح,
القي نظرة على الجولف