صيفنـ ـا مميـ ـز !

[أكسجين]

بدأ الصيف .. وكل واحد اكيد سوى له جدول للصيف << أنا عن نفسي لحد الحين ضايعه ومب عارفه شو اسوي


في اعضاء بيسافرون .. وفي اعضاء بيدشون دورات .. وكل واحد اكيد بيقضي هالصيف بالشي اللي يحبه ..

وانا ومن الملل اللي عايشه فيه قررت اني انزل موضوع في هالواحه الحلوه ..

عشان نشوف صيف الاعضاء !!

فكرة الموضوع


ان كل عضو يدخل ويحط لنا صور تدل على الصيف ..

مثلاً سافرت وصورت.. سرت المول وصورت .. تعال اطرح صورتك في هالموضوع عشان نشوف صيفك كيف :crosseyed!؟

أو مثلاً عضو ثاني ما طلع لحد الحين ويبى يشارك بالموضوع .. يقدر يصور لنا صوره تدل على الصيف ..


مثلاً ايس كريم .. ثلج .. شمس .. أي شي ممكن يدل على الصيف ..

اتمنى ان الفكره تكون وصلت لكم ..

وانا بانتظار مشاركاتكم


دمتم بود


فراشة

[شمعة أمل]

انا صيفي بعده مابدا>_<

[ذنـيـنـي]

كنا في ديره سيتي سنتر
و باقي على الفلم ساعة و نص
فقررنا انه نسير صوب الالعاب >> نستعيد الذكريات

المهم
لعبنا لعبة المسدسات و شوي اندمجنا في اللعبة

و هذه هي النتيجة




نصيحة من اخوكم نصووور,

لا تندمجون زيادة عن اللزوم يوم بتلعبون
ترا الاجازة طويلة و لازم ننهيها باقل نسبة من الخسائر الجسدية

[طير الغرام]

موضوع حلووو

..

اتعرفون الصيف والجو
حرررر

المهم يبالكم

BasKin 31 RobbinS



Where WonderS NeVeR CeaSe

يمدحونه حق الصيف

[عفاريتووو]

السلام عليكم

ها صيفي .. فلم ورا فلم

[أكسجين]

.. شمعة أمـ ـل ..

يوم بيبدا صيفج صوري وشاركي بالموضوع ..

نترياج ..

[أكسجين]

.. نصووور ..

يا خوي مب زين ..

لـ هـ الدرجه مندمج فـ اللعب >> شكلك صدق كنت تستعيد الذكريات> لوول<

سلامات ان شاء الله ..

ومره ثانيه حاسب ..

ع العموم ..

تسلم على المشاركه ..

وبانتظار المزيد من الصور ..

بس مب شرات هـ الصوره

[سبايدر مان]

هلاا فراشه

شكله صيفج بايخ الله يعينج ويا صيفج يبالج تردين المدرسه

الحمدالله صيفي ولا احلى ماشاءالله صيفي مايحلا بدوني طبعا

اخبرج عفاريتوو شكلج كلتي كل الافلام شو خليتيلنا نحن

احيدني سرت عند واحد اشتري منه قالي اونه شي وحده خمت المحل و سارت

شكلي عرفت منو هاي

و حليلها شمعه امل مكانج فالمدرسه خلج هناك

تدري نصور .. باين من اللي استوالك فيدك انك تخبلت يوم تلعب

الله يعين لو عطوك مسدس صدقي بس ماوصيك لا تي صوبي

و عجيب اسكريمج طير الغرام .. تدرين ماكنت اكل غير مال الككاو

دوم كل ما اسير بس آخذ مال الككاو لكن قبل اسبوع و شي تبرعت اخذ نوع ثاني و هو نفسه اللي عندج

تدرين شو النتيجه ظهرت ؟؟؟؟؟؟؟؟؟؟؟؟؟؟؟؟؟؟؟؟؟؟؟ :crosseyed

شوي و امووووت عليه روعه طعمه


و خاطري احطلكم صيفي بس اخاف تطنزون علي

[ذنـيـنـي]

ما عليه يا ريال حطه

محد يبطنز عليك

بس بنضحك

مما بنضحك وايد, بس طشووووووونه

[أكسجين]

.. طير الغـ ـرام ..

عيونج الاحلى حبيبتي ..

وصورتج روعه >> بس اشتهيت باسكن

بانتظار المزيد

وتسلمين

[أكسجين]

رجعت بصوره تعبر عن الصيف اللي انا عايشتنه ..

شو رايكم بالبيتزا..

هذي الشغله الوحيده اللي سويتها لحد الحين>> فرحانه وايد

24 ساعه بالمطبخ وكل مره شي يديد >> ناويه على السُمنه > ل و و ل <

يالله اتريا مشاركات باقي الاعضاء..

والا بعدكم ما بديتوا الاجازه..

[بنت ناس و عرب]

اليوم يحليلي مخلصه امتحاني بعده صيفي مابدا يوم السبت بيبدا لوول

[أمواج]

والله يمدحووونها يلست البيت

[لمّــاح]

الســـلام عــليكم ^_^

بـــدا الصـــيف و بـــدا الحـــر ، و هاذي آخر ايامي في دبي لني مسافر بإذن الله يوم الاثنين . .

لكن الواحد يستغل هالجو الحلو ، و هاي صورة خذتها يوم سرت البحــر :)

[عيون الوله]

فراشه ود

شهيتني بالبيزا ..

..

لماح

عجيبه الصور