إن لم تستح فاصنع ما شئت

[عنود الريف]

ا ل ز ع ي م
يا اخويه .. نحن اعلامنا الحمدلله شيوخنا ما بيقصرون عليهم ..
يعني ما يحتاي يرضون بالمسيء عشان البيزات ..
يعني اعلامنا يقدر يحصل بيزات من دعايات ثانيه مب من مثل هالدعايات ..
يعني الاعلام بيقدر يستغنى عن هالاعلانات ..
بس شو نقول ..

شاكره لك مرورك اخي الكريم ..

الجنية
اختي الرجال في منهم الزين والشين ..
يعني منهم اللي عينه زايغه .. (( وهذا النوع ما عنده غيره على بنات العرب ))
ومنهم اللي يغض بصره عن مثل هالاشياء ..
بس لو الاعلام ما حط مثل هاي الدعايات جان الشباب ما شافوا هالسوالف ولا حتى تعطشوا لها ..
وصراحه غريبة ياهل عمره 6 سنوات يسال عن مثل هالاشياء .. غير عن قبل .. يوم يكبرون يعرفون عن هالاشياء ..
صحيح احيانا تفضلين انج تشوفين التلفزيون روحج لو تواجدت مثل هالدعايات ..
بس اللمه ويا العايلة حلوة ...
تسلمين الغاليه على مرورج ورايج .. وبانتظار تعقيبج ..

لمـــــاح + خيال الحب
تسلمون على المرور ..
بس كنت اتمنى اقرا واعرف رايكم في مثل هالاشياء ...

عذابة الطاير ..
يا هلا والله يالغايبه .. حياج الغاليه ..
تولهت على ردودج .. ومواضيعج ...
اختي نحن لو نرمس من اليوم لين باجر محد بيسمعنا ولا حد بيسويلنا سالفه
ياما حاولنا نشارك في مشكله فلسطين والعراق ..
ويا ما سوينا مظاهرات ..
ويا ما سوينا .. بس محد يسمعنا نحن ..
مجرد نكتب آرائنا في مثل هالمواضيع ... غير هذا ما نروم ..
وصح ان الكل يخاف على منصبه ولا يبا يخسره ..
بس الساكت عن الحق شيطان أخرس
ونحن مب شياطين اختي ..
لو محد سمعنا.. بس ما نسكت ..
مشكورة على مرورج الغاليه ..

[عنود الريف]

دموع قلم
الغرب هم من يحاولون تشويه صورتنا وتخريب عاداتنا
وابعاد أبنائنا عن دينهم ..
نعم كما قلتي اختي ان المرأة عندنا ملكة .. لا يفوز بها الا من يستحقها
وهي لؤلؤ يحتفظ في الخزنة (( التجوري )) للحفاظ عليها ..
ولكن من يفهم الآن ؟؟
معلومة جديده منكِ
{ فـ حتـى في علب الكبـريت
يعرضـون صور المرأة وهي عاريــة!!}
أشكر مرورك على موضوعي

[عنود الريف]

الفارس 2000
تسلم يا اخويه على تقديرك لي ..
شرف كبير لي ..
هذا حالنا الآن ..للأسف الشديد ..
ويقال .. كل ممنوع مرغوب ..

كنت أتوقع حذف الموضوع من قبل المشرفين ..
ولكن لله الحمد ..
أشكر كل من شجعني وقرأ الموضوع وان لم يعقب عليه ..
ولي عودة بإعلان جديد ..
والسموحه