إذا انتي في جامعة زايد.. ممكن المرور؟

[شمعة أمل]

في ناس يمدحونها وفي ناس مايمدحونها نفس كل جامعه

بس عشان تريحين نفسج خذي التوفل وسات

واول سنه بتكون من أصعب السنين لج بس الباقي بيكون أوكيه

[عنود الريف]

مرحبا اختي اخت اختي
والله انا درس في جامعه زايد وهاي كانت اول سنه لي ..
عديت التوفل في ثلاث ليفلات ... يعني 6 شهور ونص .. لاني ما كنت ماخذه التوفل من قبل ..
الشي اللي معقد البنات في جامعتنا هو التوفل .. اما الباقي انا ما اشوف فيها شي .. هم قالولنا ان الياي اصعب .. بس دام انج قررتي تحصلين شهادة بكالريوس لازم تجتهدين .. وهذا اللي يبغي يوصل لهدفه ..
وبعدين الدراسه استوت اصعب عن قبل لسبب واحد ...
ان الدفعة الاولى اللي تخرجت من جامعه زايد وتوظفت .. لقوا ان البنات ما يعرفون يسوون اشياء واايده .. وهالشي عرفوه من قبل واحد يشتغل في شركه تشتغل وياه بنت من بنات جامعه زايد .. فهو مستغرب ان كيف بنت متخرجه بشهاده بكالوريوس .. بنت التقنيه احسن عنها ..
عرفتي ليش الدراسه استوت اصعب ... ولو الدراسه محد يروم عليها محد بيتخرج منها ..
وقوانينها تضبط البنات على الحضور .. ويعطونج فرص ... بس انتي امشي سيده وياهم وهم بيمشونج ..
انا تكلمت عن جامعه زايد دبي ... المبنى اليديد بيكون في منطقة الروية على طريج العين .. بس اقرب لدبي طبعا .. يعني على شارع الامارات اللي يوديج على القرية العالميه .. عدال تقنية دبي (( شباب))
اما عن فترة الانتقال .. فالمبنى يتوقعون يكون جاهز على شهر 9 /2006 يعني مب هالسنه .. بتكون السنه اللي بعدها .. وعارضين مجسم المبنى اليديد في الكافتريا اذا بتين خلال هاليومين لان اخر يومين عندي .. بحوطج الجامعه كلها وبراويج مجسم المبنى ..
السموحه على الاطالة اختي .. بس اقولج اذا ييتي جامعه زايد ما بتخسرين ..