نبـــدأ من المشــرف العــام " عايــش وهــم " وأتمنــى أن لا يــكون الحــوار " مشعّـب " وأن نــرى حواراً " هادئــاً " وكلا الطرفيــن يبينــا وجهــة نظــرهــم الخاصـــة ..

..

* يوم طـرحت هذا الموضوع توقعــت ردود اعتدنــا عليــهــا في كــل موضوع من قبلي في هذا الصدد .. إنت يا أحلى منصــوري تنتقــد ونحــن منزهيــن عــن الخطأ ونحن نعتــرف بالخطأ وانت ما تذكــر أفضالنــا شرات ما تذكر أخطائنــا .. وكأن المثـل اللي يقــول " الخيــر في البقــر " موجه لــي من الإدارة الكريمـــة .. شكراً

..
* أخي الفاضل عايــش وهــم :
نحــن طرحنــا هذا الموضوع وكنـّـا نأمل إنـّـا انشوف وجهــة نظــرك كعضــو قـبـل مااتكون إداري .. وكذا عضــو فوقك تكرموا بالرد بس هب شرات طريقـة ردك " دفاعاً عن الإدارة وضـد المنتتقديــن " ؛ الأعضــاء العادييــن ردوا وكان كلامهــم منصــف .. الجميــع يتحمــل الخطــأ .. وانت رديت وقلت لنــا : انتوا اللي تتحملون المشكلــة .. يا أخي الفاضل كانت الواحات متميـزة ودام هذا رد الإداريين في كل موضوع نطرحه وننتقدهم من خلاله فعلى الواحات السلام ( إنت شو دخلك .. تبى اتم في الواحات تم ما تبى اظهــر .. الباب يوسع لجمــل .. قالها بن دبي وما استبعد اسمعهـا مــرة ثانيــة ) ..

..
* الواحــد يوم يبنــي لــه بيــت ويشوف فيــه صدوع وشقوق في الطوفـة بعـــد كذا سنــة يسارع لعمليــات الصيانــة وما انشوف ( صراخ في الطريـق أو زعيــق في السكك ) .. الصراخ يؤدي لإربــاك الجميــع وخاصــة السكـّـان .. والواحات من كذا سنـة تعاني من شقوق وكل ما تكلمنــا شفنــا عمليــات الشجــب الإداريية وكأنّـا نحـن " المستعمريــن " وانتوا هل البــلاد .. لكـن كلنــا أهل البلاد ومن أعضــاء الواحـــات ..

..

* نقطـة مهمــة : شرات ما قلت نحن المتذمرين ودوم نطرح نقاط " إنتقــاد " على الإدارة الكريمــة ولكــن مـاذا لــو:
كل ما طرحنــا نقطـة " إنتقــاد " صحيحة على الإدارة لقينــا رد " مُفحـم " وتحــرك إداري سريــع .. هل راح اتشوف كل هالتذمــر .. يمكــن لأنـّـا نحن أعضــاء ما نطرح غير الشي المتذمــر

..

الإدارة بشــر ونحــن نعذر البشــر بس ليش يوم الإعضــاء يخطئون اتحاسبونهم ويوم الإداري يخطئ ما انشوف أي عقــاب لــه ؟؟


..

إقرا موضوعي كذا مــرة وبنظــرة " العضــو العادي " وهب بنظرة المشرف العام " المتعصب " للإدارة وبتشوف بإني لمـت كلا الطرفيــن " من إدارة وأعضــاء " وذكــرت الأعضــاء قبــل الإدارة واللي نذكـرهم في المقدمـة هم الأهــم في لغتنــا على عكـس اللغـة الإنجليزيـة ..

..

خلاصــة القول استنتجه من كلامــك بإن :
الإدارة لا تتحمل مسؤوليـة " المنقــول " بس لازم تتحـرك واتبيــن للأعضــاء بعض النقــاط يوم هالظاهـرة " السلبيـة " تنتشــر وموضوع واحــد مثبــت " عند عدم وجود الضوابـط " يوضح للأعضاء ما لهم وما عليــهم وشو هو الممنوع وما راح يأثر على الإداري الكريم ..

..

مثــال أخيــر :
الإدارة ماتتحمــل أي شي شرات ما قلــت ولكــن شوف هالمثـاليــن في دولتيــن مجاورتيــن :
الإمــارات وعدالة حكامهــا وإنصافهم للمظلوميـن أغلب الأحيــان وتوفيرهم لجميــع متطلبــات الحيــاة .. قد يوم شفت إن أغلبية الشعب متذمــر على هذي الدولة الحبيبــة !!!!!!!
ولكـن في دولة خليجيـة مجاورة انشوف التذمـر بعيــن ذاتــه من حكومتهـم ويبونها تنحل اليــوم قبــل باكــر ,, والله يعيــن هذي الدولـــة ..
فهل يعقل بإن الإدارة ما تتحمـل أي شي !!!
وهل شعب الإمارات أحسـن من شعب الدول الخليجـة المجاورة وهذا عكـس على مستواها أم أن الحكومـة الإماراتيـة هي الأفضــل ؟؟

..

* سؤال خـاص : ليش عايش وهم هو الإداري الوحيـد اللي ما حاولت أنتقـدهم لهذا اليوم رغم اختلافي معه في العديد من النقاط وليش انتقدت بعض الإداريين اللي اتفق معهم في الكثـيــر من النقــاط ؟؟



أتمنى ما أشوف " تطنيــش " من نوع آخـر في هذا الموضوع ..

شكراً لك سيــدي الفاضــل ولوجودك بيننــا

كل التقديــر

أخــوكم
أحلى منصـوري