السلام عليـــكم...

في البدايه... أؤيد كلامك في انتشار المنقول بشكل كبيـــــــــــــــــــــر في الواحات...

والعتب الأول هو على عاتق الاعضاء " الجدد " اللي ماعندهم خلفيه عن طبيعة الواحات.. كون انه أغلب المنتديات تحتوي على كم كبير من المنقول بدون اي ضوابط..

وموضوع انهم مايقرون الضوابط..اتوقع كلنا ما نقرا الضوابط لما انسجل اشتراك في أي مكان.. انا قلت اتوقع.. ويمكن يكون ظني في غير محله..! اما كوضعنا في واحات بن دبي.. وكونا أعضاء صارلنا فتره طويله فيها.. فعرفنا الضوابط و اتبعناها لانا انعرف أهميتها ومعاقبة كل من يخالفها... اما الاعضاء الجدد فيمكن ع بالهم انه الضوابط حالها حال اي قوانين موجوده و غير معمول بها..

والعتب أو السبب الثاني... هو لغياب مراقبين الواحه ، والسبب هو الامتحانات... و الحمد الله .. دموع قلم متواجده ما بينا الحين و ان شاء الله بتنحل هالمشكله جريب..

فيه شي لاحظته من فتره.. انه في أعضاء يحطون المنقول.. بدون لا يذكرون انه منقول ، و تتوالى عليهم الردود من بقية الاعضاء بالشكر على كتابته للموضوع... وهذي هي الغلطه اللي اتشجع الناقل في تكرار محاولته... فهل السبب هو كون الاعضاء يعرفون انه منقول و يطنشون ؟.. ام انهم يظنون انه العضو بالفعل كاتب هالموضوع و من هالمنطلق يكتبون عبارات الشكر و الامتنان له..!

..

موضوع الحاضر الغايب.. و كل ما اتطرقت له.. لا تعليق عندي كوني كنت غايبه و ما شفت شي من اللي ذكرتوه..

بس كنت أتمنى أشوف سعة صدر منكم.. لاحتواء الموضوع..


..


ع العموم.. أتمنى انه الواحات تتخطى هالفتره بسلام...

و الله المستعان..