قلووووووووب دبـــي ويـــنه!!

[خيال الحب]

السلام عليكم ورحمة الله وبركاته


الاخو قلوب دبي صارله فتره طويله غايب.. عسى المانع خير,,


ان شاء الله بس حد يعرف عنه اي شي ويطمنا

[الشوق]

خيال الحب
اخونا عايش وهم يقووول انه حاليا عنده امتحانات ... وهم يسلم عليكم كلكم ..
بس ما يبي منكم الا دعواتكم له بالتوفيج
والسموحه
الشوق

[العجيبة]

الله يــرده بالســلامه

صدق الواحات تفتقد وجوده ونشــاطه

[خيال الحب]

الله يرده بالسلامه ,,

ومشكورين خواتي ع الرد

[عايش وهم]

السلام عليكم


حبوب توني أرمس الريال و أنا أرمسه أسمع صوت أوراق و خرخشان و تخبرنا عن حاله ولا إنه طيب و بعافيه لولا إنه عيونه غاديه جذه >>> من المذاكره و خبرني عن سؤال يالس يذاكره طول السؤال ما يتعدى السبع كلمات و الإجابه ما تقل عن سبع صفحات مسكين غمضني شكله متخادي من هالدراسه ربي يكون في عونه بس .... يقول على آخر هالشهر بينط عدنا في الواحات بعد ما ينتهي من امتحاناته ..

وصلت رسالتك له و بلغته باستفسارك عن غيابه ...


دعواتك له

أخوك عايش وهم

[خيال الحب]

هــــلا باخوي عايــش وهـــــــــم,,

ياحـــليله قلووووووووووووووووووووووو وووب ,, الله يوفقه يارب

وتسلم يالغالي انك طمنتنا عليـــه

الله لا هــانك

تحيــاتي لك:)

[كبيرة بعيوني]

مسكيـن لو أنا مكانــه بنقــز من أعلى بنايه .. !
خخخخ ..
الله يعينـه ويوفجــه ان شالله .. !

[قلوب دبي]

السلام عليكم

عزيزي الكريم خيال الحب
سيدي الراقي في التواجد
لك مني ارق باقه شكر فواحه بمعانيها
شكرا اخي على السوال و يزاك الله خير
عندنا من جديد اليكم

قلوب دبي

[دموع قلم]

وعليـكم السـلام ورحمـة الله وبركـاته,,

مرحبــا بعـودتــك أخـي الكــريم
.. قلـــ ــــوب دبــــــــي ..

وأخيــــرا نـــورت الـواحـــات
فعـلا افتقـدنـا لمشـاركـاتك الرائعـة,
وأتمنـى تكـون هـذه آخـر غيبـة

:)


يحفـظــك ربـــي

[قلوب دبي]

عليكم السلام و رحمه الله

تسلمين ختيه على الترحيب الطيب
و الواحات منوره بوجودكم
تسلمين وربي يحفظج دوم

قلوب دبي

[خيال الحب]

يامرحبا فيك اخووووي قلووب

نورتنا وشرفتنا يالغالي:)

وسامحنا ع القصور طال عمرك