حلم والكوبي بيست

[حلم الطفوله]

السلام عليكم ورحمة الله وبركاته


قصتي اليوم عجيبه وأكيد ما أقدر أعتبرها مجرد صدفه؟؟



هالانسانه ...حيرتني.... وبمعنى أعمق وأوضح ويعبر أكثر خبلت فيني؟؟



سمعت إنه الصدفه خير من ألف ميعاد ...ولكن صدفه لهالحد؟؟ ومع نفس الشخص؟؟

انسانه ما أعرفها؟؟ جمعتني معها سفره ...يعني تعودت ألاقيها جدامي وين ما أروح بالسفره

وبرحلة العودة كانت وياي على نفس الرحله

طبعا ...هالشيء أكيد بيكون صدفه



رديت لبلاد ....ولمدينتي الغاليه....وبعد شهر بالتمام والكمال شفتها جدامي بمركز ثقافي



أكيد صدفه ...وقلت يا سبحان الله



وعلى طول السنه ....أشوفها بأماكن عامه ...وأتعجب من هالشيء واااااااايد



أكيد صدفه ....اقتنعت بهالشيء



وتطور الأمر.......... كل ما أروح إماره أشوفها جدامي بمركز من المراكز

لا لا ....أكيد صدفه غير عاديه

معقوله أشوفها ...أرض ...بحر ....جو

لكن أمس تخيلوا ؟؟؟؟؟؟؟؟؟



شفتها ..... وبمركز من المراكز....بس؟؟



هالمره كانت كوبي بيست؟؟



ثنتين منها ؟؟؟ يعني توأم ؟؟ هل كيف ...الله أعلم؟؟

بس أول مره أشوف توأمها وياها؟؟

لا لا ما أتخيل... أكيد كانت توأمها ....بعدني بعقلي وأشوف زين



السؤال إلي يفرض نفسه وبقوه الحين.... تستوي هالمواقف وياكم؟؟



يعني معقوله الصدفه تلعب بحياتنا لهالدرجه ؟؟

[العجيبة]

ههههههه ما شاء الله ما شاء الله عليييييكم

رادارها يتابعـــج بشكـــل أكثــر من ممتــاز

هالشـي عمـره ما استـوالـي .. ولا اباه يستويلي ..

لانه لو استوالي .. بدق وياها صحبه ..

صدفـــه غيـر شكــل!

[كبيرة بعيوني]

ربًّ صـدفة .. خير ان شاء لله
لول
.
.
نعـم حلمي
الصـدف تكررت مرارا مع نفـس الأوجـه
.
.
اندهـش أحيانا ..
وأحيانا أقول .. لا بأس صدفة !
.
.
ولكـن لا يزال هناك غموض
فـ ذات الموقف الذي ذكرتيــه
أتعـرض له مع أحدهم
.
.
في المراكز .. في المعارض .. في اماكن كثيرة !
.
.
قـد تكون صدفة .. وتمضـي
وقـد تلازمنا هذه الصدفـة لتصبح .. عادة
فـ بعد ان تندهشي بهذه الصدفة
تستغربي من عـدم حدوثها هذه المرة !
.
.
مجـرد صدفة .. قـد تشكل منعطفا في حياتك
قـد يكون إلى
الأحسـن
أو
الأســوء
.
.
اختك
ريماني

[الجنيه]

سبحان الله صدق شي غريب


أنا عن نفسي صار لي هالموقف لين تعرفت على البنيه (فضوليه)
الله يسلمج البنت هاي كنت أشوفها بكل مكان حتى في الدوام لقيتها وأكتشفت أنها تشتغل وياي بس فقسم ثاني ... قلت مابدهاش وسرت كلمتها جان تقولي أنا بعد خاطري أتعرف عليج من زمان لأني كل ما رحت مكان أشوفج فيه وآخر مره شفتها فيها كانت في عرس ولد عمتي الاسبوع الي الطاف وطلعت بنت خالت العرووووووووس كنت بتخبل ...


عادي تحصل في أحسن العائلات

تحيـــــ الجناويه ـــاتي

[حلم الطفوله]

والله يالعجيبه رادارها ما يزخ غيري

وكل مره تتأكد لي إنه هالصدفه غير شكل ...وأبغي أتعرف عليها أكيد

المره اليايه ... بدق وياها صحبه

عجيبتنا ....شو صار بلــتوكس ...بعدني أترياه

[حلم الطفوله]

ريماااااااااني.....ليكون إنتي

سؤال يفرض نفسه وبشده الحين.......عندج توأم تشبهج؟؟

صدقيني بديت أشك بالموضوع كل مره أشوفها فيها....أقول ليكون بالأمر حكمه

بديت أستانس كل ما أشوفها ... عل وعسى أشوفها بهالسفره

[كبيرة بعيوني]

ههه لا حبيبــتي .. مش أنا .. !

[خنفروش]

حلم أنا عندي شي مقارب للي تذكرينه بس مع نوع من الاسماء و هو (( اسم مؤنث ))
هالاسم هو اسم يدتي و اسم بنت اخوي و اسم بنت بنت خالتي
بس لاحظت من فتره طويله طبعا
(( و انا من الاشخاص الي ما يظهر هالشي ابدا إلا إذا احتاج الموقف - ولا مرة احتاج ))
المهم هالاسم اذا تعاملت او التقيت معاه لازم يصير بيني وبينه ألفه - يعني بسرعه ايصير تفاهم و حسن تعامل
و اكثر عن مره في تعاملاتي مع الي يحملن هالاسم ما بتصدقين بعد ما ينتهي التعامل الودي -
ايي فبالي هالآدميه وايد وديه و سلسه في اسلوبها \ اكتشف ان اسمها (( فلانه )) اقول سبحان الله

[حلم الطفوله]

والله يا ريماني لو تعرضت لمثل هالموقف بتستغربين شراتي

صدفه غريبه ...مشكوره لمرورج عزيزتي


خنفروش

سبحان الله....

شاكره لك مرورك أستاذي الكريم

[حلم الطفوله]

بو فرووووووووس

زواجي كان فيه مصادفة غريبة بس ما بقولهافضولي اشتغل

لو على الأرقام أنا الرقم خمسه لو دور كبير بحياتي...وايد أتفاءل فيه

وكل خميس وإنته بخير وشاكره مرورك الكريم

[شوق القلوب]

السلام عليكم...

والله هالصدف تستوي..!
وأحس انه شي حلوو... يونس..

وحده من ربعي... لازصق فيها الرقمين 6 و 8 ..!! حتى في نسبة الثانويه
يحليلها بتتخبل منهم..

..

اما عن مصادفة الاشخاص... دايما انشوف شخص يتسوق ويانا في الجمعيه... نفس الشخص كل اسبوع.. ... وذاك اليوم بالصدفه مرينا فاين فير... جان انشوفه شي غريب و عجيب..!


..

[أمطار]

. . .وعليكم السلام ورحمة الله وبركاته. . .

الغالية
. . .حلمي الطفولي. . .

الصدف تلعب في حياة الكل ((أدوار)). . .
وياما لعبت في حياتي. . .
والحمدلله أحمد الله على هالصدف العجيبة. . .
((أكون معصبة في البداية وفي النهاية تنقلب الموازين)). . .


عن نفسي كان لزيمي الرقمين 2 و5 ،، سواء كان في تواريخ أو حتى أرقام الجلوس في الامتحانات. . .
ورقمي الجامعي . . .
وحتى في الـ IELTS بعد. . .


مرة كان عندنا امتحان،، في أول سنة لي بالكلية. . .
ونظامهم أنه يجمعون كل طالبات الليفيل الفلاني بمكان واحد. . .
ويوزعون عليهم ارقام ،، تكون أرقام جلوسهم. . .
فـ أنا كان نهاية رقمي الجامعي 2252 . . .
ورقم جلوسي بالصدفة كان 2252 . . .
و ورقة الإمتحان كان رقمها 52 . . .

حتى المراقب يوم مر عليه عسب يتأكد أني كتبت كل البيانات تلخبط. . .
ع باله اني كنت كاتبه رقم جلوسي بدال رقمي الجامعي. . .


وفي امتحان الـ IELTS . . .
كان رقمي في المقابلة 5 . . .


وعن المصادفات ويا ناس في الأماكن العامة. . .
كنت أصادف بنية،، بس ما أتذكرها. . .
أقول يا ربي أنا وين كنت شايفة هالانسانة من قبل. . .
ذاكرتي شوي ضعيفة،،


ففي مرة،، كنت سايرة للصالون. . .
ويلست أتريا لين ما ايي دوري ((كان زحمة شوي)) . . .

البنية اللي كانت المصففة تعابل شعرها ألتفتت صوبي. . .
وقالتلي شخبارج؟!


مع أني ما أعرفها،، بس هي نفس البنية اللي كنت أصادفها قبل. . .
وتذكرتني . . .
بعد ما سولفنا شوي،، قالتلي ((اوففف باجر لازم اسير للكلية ،، عندي تسجيل)). . .


وجان أكتشف أنها وياي بنفس الكلية ((بعد)) !!


رُبَّ صدفةٍ خيرٌ من ألفِ ميعاد. . .
يمكن في الأمر حكمة مثل ما قلتي غاليتي. . .

وعسى الله يكتب لج فيها خيرة . . .


تقبـّلي مني أرق التحايا. . .

كل الـــودّ. . .
دمعة العين

[حلم الطفوله]

أغلى شووووووووووق

شوق متى بتروحين فاين فير المره اليايه؟؟؟

مع تكرار الصدفه تحسين إنج تشتاقين تشوفين هالشخص بالذات

يمكن الصدفه لها دور ....ولكن احساسج إنج أكيد بتشوفينه صدق يونس

أكثر من موقف جمعني مع أشخاص أحسبهم قراب مني ...نفس شخصيتي...نفس اهتماماتي

صدق إنه تعاملي وياهم ما يتعدى ساعات ...لكن تحسين إنج تعرفينهم من زمان


هالصدف وإلا بلاااااااااااش

[حلم الطفوله]

الغالية
دمعة العين

الظاهر إنه هالرقمين بالذات أرقام الحظ بالنسبه لج 5-2

يعني أنا وإنتي متعادلين بالرقم 5 خمسه وخميسه علي وعليج

سبحان الله.... يعني هالبنت وراج وراج حتى بالكليه وراج

أكيد في الأمر حكمه وعسى الله يكتب الخيره للكل

شاكره مرورج عزيزتي ...وعقبال ما أشوفج صدفه

[دموع قلم]

وعليـكم السـلام ورحمـة الله وبركـاته,,

الغـاليـة علـى قلبـــي .. حلـــم الطفـولـة ..

مـاذكـر أي صـدف مـرت بحـيـاتـي, لكـن وحـدة من الأهـل كل حيـاتـي على رقـم 5
ميـلادهـا 5 / 5 / 1955, ويـوم زواجهـا هـو يـوم ميـلادهـا 5 / 5 وهي الخـامسة
من الأخـوان والأخـوات, وهـم 5 بنـات و5 أولاد !!

إن شـاء الله تشـوفيـن البنيـة وتتعـرفيـن عليهـا
وعسـى الله سبحـانه يكتـب لك الخيـر في حيـاتك

:)