سرق الايميل

[عنود الريف]

السلام عليكم ورحمه الله وبركاته
ما بطول السالفه عليكم..
بغيت خدمه ..
اللي هي طريقة استرجاع الايميل اذا انسرق ..
مع العلم ان تم تغيير السؤال السري مثل ما يسمونه .. ومغير كل شي..
بس ضروري لازم نسترد الايميل ..
اللي له علم بهالسوالف ... تراني اترياه ..
وانتظر اخويه الحاضر الغايب .. اعتقد يعرف لسوالف الكمبيوتر والانترنت اكثر ..
والسموحه

[كبيرة بعيوني]

ماعـندي أي فكرة حبيبتي
ان شالله حـد يساعدج وتردون الايميل ..

[عنود الريف]

تسلمين الغاليه كبيرة بعيوني ..
ما تقصرين ..
وانا بانتظارهم والله ..
والسموحه

[حبوبه دبي]

السلام عليكم ورحمه الله وبركــاته ..

والله انـــا بعد من فتره طويله انســرق ايمــيلي
بس ماحــاولت ارده خله يزوووول وحلال عليه

بــس عندي الطريقه عشان اتردين الايميــل .. اول حــايه كم تعطيني خخخخ اسولف

المهم ما بطــول عليج تراها قصيده طــويله

شــوفي وافهمــي عدل
انا بخبرج شو اتسوين بالضبط ...

اول حــايه : طرشي هالايميل

Dear Hotmail Staff,

My email account has been stolen by some hacker using a program called Sub 7. He has been using my email account until today and I hope I can provide you with the enough information that can retrieve my stolen email. If I'm missing any information, please contact me again to tell you any other needed information.

My email address is:
اكتبي ايميلج المهفوف

My first & last name:اكتبي اسمج الأول و الأخير اهنه

My country:
الامــارات ولا انتي شو كاتبه اعترفي !!

My city:


My postal code:
اكتبي الرمز البريدي

My Birthdate:


Last successful sign in was in :
اكتبي اهنه تاريخ آخر مرة رمتي ادشين ايميلج بنجــاح

In Hopes to hear from you soon,
Best regards,
اكتبي اسمك اهنه

ثاني حــايه : اكتبي عنوان الرساله :
"PW VERIFICATION INFO ENCLOSED"
وطرشيها على هالايميل :
service_x@hotmail.com

...........

بيوصلج الرد إنشاء الله خلال فترة تتراوح بين 24 إلى 48 ساعة ، وهيه رسالة من مركز الهوتميل تحتوي على أحد هالاشياء:

1) بيطلبون منج معلومات إضافية عن البريد، و ذلك للتأكيــد طبعًا .. مثل : (اسم مزود خدمة الانترنت ISP، تاريخ تسجيل البريد الإلكتروني، عناوين البريد الإلكتروني الموجودة في دفتر العناوين إلخ ).
طبعا إذا وصلتج مثل هالرسالة يعني كل شيء يسير على ما يرام

2) ممكن يخبرونج بأن المعلومات اللي عطيتهم غلــط ، يعني ردي جربي وديه ثــانيه

اهـــــــــــم شي : اذا وصلتج الرســاله وبغيتي اتردين عليهم سوي بس REPLAY ع الرساله اللي مطرشينها ..

وانشـــــــــــــــــالله ينرد الايميــل

والسمـــــــوحه

[قلب الوصال]

يا سلااااااااام عليج طلعتي هب هينه حبوبة دبي
ينخاف منج هااااا

عنووود الله يرد لج ايميلج المأسوف على شبابه

[حبوبه دبي]

احــم احــم
بــس انشالله ينــرد ايميلهــا
خبــرينـا عـاد

قلبــــــــــــــــون لا تخلينــي اهف ايميــلج

والسمــوحه

[أمواج]

هلا اختي

اللي صار مع ربيعتج صار مع بنت خالتي بس بنت خالتي ردته لانها بلغت عليه في الشرطه يعني بتحسين انه شي بسيط انه تبلغ على السارق بس لانه مهكر على لابتووبها و لابتووب اخوها و ربيعاتها فبلغت عليه في قسم في شرطت دبي مال الكومبيوترات و الهكر و سرقت الايميلات و بالاخير رجعلها

فماعرف اذا تقدر ربيعتج تبلغ عليه في هالقسم اللي قتلج عنه

وبالفعل عرفوااااا السارق

[عنود الريف]

اختي حبوبه دبي ..
ان شاء الله بخبر ربيعتي تطرش الايميل لهم ..
قلب الوصال .. ان شاء الله يردونه لها ..
المتفيزرة عالعرقوب ..
والله سوينا حق الشرطه البارحه وقالوا بيردون عليها ..
ولين اليوم ما اتصلوا ..
بنجرب نحن طريقة حبوبه دبي ..
مشكورين كلكم ..
والسموحه