داي الشجــاع

[منصوري الدوله]

الســـلام عليكم ورحمــة الله وبركــاتـــه

وش حـــال عرب الواحات ( هههه الحين خوي الواحات بتييه الصيحه يوم يتذكر مواضيعنا لوّل ) ؟؟

كلــّــن بحــالــــه ..

عســى انــكـــم ابخيـــــر يالطيبيــــــن ؟؟؟

ياليتــكم والله لو تتيمعون حولي خاطري ارمس وياكم؛؛ من زمــان ماهذربنـــــا ؛ واخذوا مني الجزل واتركوا

عنكم الهزل ؛ مــن قلبـي اباكــم حولي وأحــط اصغركــم في ثبــانــــي ( حضني يعني ) ؛

كــنـــّــا في يلســــه خـــاصــه مــع الشيــبــــــه والعيــوز وسوالف ( مابــعـــد الغداء ) ؛ ترى والله احب

وايد السوالف في هالحــزه ؛ يعني الشيبـــه تــــارس بطنـــه ( فديتــه ) و بعــده هوب غاســل يديــه والعيوز

تقطــّـــع لي من هالفواكــــه الجـيــده ؛ وتدور السوالف امبينـــا الى حــزْ العـصـــَـــيـــر قرب الصلاه

عـــاد العيــوز طــالـــت اعماركم مشتريـــه لهــــــا ( آلـــة جري ) ومستانســـه وايـــــد عليهـــــا ؛ والحمد لله

ان الالــه وايد فادتـهـا ونسبــة الكوليسترول نزلت عــن ارتفاعهـــا في دمهـا ( فديته ) ؛

لكــن العيوز اتقول انها منحوســه بعيـــن ؛ حيــث انها خبــّــرت وحده من العيايز عن الصحـه اللي ردت لها

وعن وزنها اللي نقص اكثر من 4 كيلو في شهرين تقريبـــا ؛ ومن ذاك اليوم وهيه متناحسه ويا الاله وكارهتنها

وتحـــس بــــألـــم شديد في صبع ريـيــلهـــا ؛ وتقول انها

مصيوبــه بعيـــــن ؛ لكـــن الشـيبــه ( مسوّي فيهـــا خبيـــر طبي ) ؛ قال لـهـا لو اتييبين لج

سح وتمرسينــه ( يعني تهرسينه من الهرس ) وشويــّــة سمــن والله لتغديــن ( اوووكيــه )

عااااد انتو لو سمعتو الاوووكيه مالت الشيبه فنانه ( اووووووووووو كي ) يمد الـO وايد هالحلــو فديت خشمه.

عاد انا قلت استغفر الله العظيم وين تبون اتحطــّــون النعمــه ع رويــلات ( تصغير ريـيــل ) العيوز ؛

والله لا ينخسف بنــا ونغدي سبلان ( عاد نحن الحين مب من زينــّــــا ) الحمدلله رب العالمين ؛

هنـــاك وفي مثل هذا الموقف المحرج اللي انا سببتــه اعتدل الشيبه وتزهــّــب للرد ؛

قال: لو صدق بننخسف جان انخسفنا من زماااااان ؛ هذا من زمال لوّل ونحن نتداوى به من الرضوض ؛

( حذفت كلمه من رده عليْ تبدأ بــ ( يالثووور ) ... ) بس ماعليكم ترى والله يحترمني ..

المهم قالت العيوز انهــا متويــعـــه ( متوجــّـعــه ) بالحيــــــــل ؛ انا عاد تحريت انها تخاف تحط السح ع

ريــيـــلهـــــا و ( مسوي عمري واحد ) قلت انـــف عليج حريــم اول مال دلـــع ...

قال ابويـــــه تدري ان الاوليـــّــيـــن يوم كانو يشاركون في الحروب وتدخل ( الزانـــه ) الرصاصــه يعني؛؛ في

بطــن واحد مــن ( المقاتليـــــن ) شو يســوّوون بــه ؟؟؟

عاد انا هنيــــه انفحمـــت ولا عرفت ش اقول

قال ( طال عمره ) : انــهـــم كانـــوا يحــّــرون ( يسخنون ) سـِـيـــــم ويدخلــونـــه في نفس الفتحـه اللي دخلت

منها الزانــــه ؛ ومن ثم يطلعــونــهــــــا ( انا هنيه بلا شعور قلت أخخخخخخخ ) واذا يالعيوز تضحك عليــّـــه

واافشيلتــااااه وانا البكـــــر ؛؛

المهـــــم ؛ طالـــت اعمــاركم العيـــوز مانفع وياها علاج الشيبــه ؛ ويوم راحت الدكتور وهيه كل ظنها

ان الحرمه ذيييج ضاربتنها بعيــن ؛ لكــن طلــع ( النقرس مرتفع عندهــا وهو ياللي ضاربنهــا )

احليلهــا ذيــيـــــج العيوز ؛


مراسلكم من خيمــة بـيـتـنــا :

علي بن محمد المنصوري او مايـُـعــرف بـ(منصوري الدوله) في واحات بن دبي




ع فكره ( داي الشجاع) اسم لفلم كرتوني اذا ماتعرفونـه انشدو بزارينكم الصغار وبيخبرونكم عنه لا تستعينون بالشواب هالمره ترى مالهم ف خرابيط الرسوم المتحركه

[مخاوية الامل]

الســلام عليكم ورحمــة الله وبركــاته ..

أول شـــــي ..
مرحبــا مليــون بالغــايــب ..
وصدقوا يوم قــالوا " مطول الغيبــات ياب الغنــايم "
وش حلاتهن هالغنــايم يا منصــوري الدولــة ..
دامهــا سالفة الشيبــة والعيــوز ..
تووووب ..
يعلــكــم تفدونــه شيبتكــــم ..
دواك يوم قـــالك ثــور .. لا تتحــدى الشــياب أخبــر عنك هذيــلا ..
ماشــاء الله عليــك ..
ولا طلعــت حســــاس .. شــي طيــب ..

المهــم ..
أهــلا فيك مــرة ثــانيــة ..
وتســلم ع موضــوعك الحــلو ...

مخاوية الامل ..

[عنود الريف]

مرحبا اخويه منصوري الدولة ..
يا حي من لفانا والله ..
من زمان ما شفناك في الواحه التراثية ..

ويا حي الله بشوابنا وعيايزنا .. سلم لي عليهم وااايد .. وقول حق الوالده .. عنود الريف تقول بعيد الشر ..

انتوا عندكم حزة عقب الغدا تيلسون تسولفون .. نحن عندنا حزة المغرب نيلس نسولف .. يصلون المغرب ويردون وتبدا السوالف عاد .. الله يخليهم لنا يا رب ..
اما عن سالفتك ويا الشيبه والعيوز تراهم ضحكوني .. كله ولا يوم تضحك عليك العيوز ربي يحفظها لكم ..

اما عن داي الشجاع فانا اعرفه شفت اول حلقاته بس .. وعقب ما عيبني ..

اخويه منصوري الدولة .. ما قصرت على الموضوع الطيب ..
والسموحه

[منصوري الدوله]

((يعلــكــم تفدونــه شيبتكــــم .. ))

يعني اغلى منــّـا هالشيبـه الحيــن ..

مخاوية الامل:

على العموم هنــا اشكرج اختي الفاضلـه للمره اليايـه وتبين الصدق ؛ تراني والله اعرف ان المداواه تصير

بالسح لكني قلت الكلمه من باب السوالف ( يوم اقول ان الله بيخسف بنا ) ؛ ومادريت انه بيفتـج عليــّـه وبيرمسني

حتى عن كيف يوسمون لوليــّـيــن ياخووج

يالله الله يسامح اللي كان السبب


عنــود الريـــــف :

تحيــّــه طيبـــه ؛ وما اتصدقين كيف الشعور الجميل اللي ياني يوم حسيت انج قريت الموضوع كاملا

وع طاري اليلسات ترانا فاضيين يعني بيتنا ماشاء الله دووم يبرزون لكن كل وقت وله مكان

يعني الظهر في الخيمه بحكم ( الغدا ) والمغرب في الحوي عسب يتقهووون والمسيــّــان في الصاله

بس لاحظي ان يمعاتهم ع ( أكــــــــــل ) شوو هالفجعانييـــن ...

تحياتي واشواقي ... واهدييييج من عمري الذي باقـــي ....

[الدلووووعة]

مرحبا بك اخويه

صدقها مخاويه امل من طول الغيبات ياب الغنايب

تسلم اخويه على هاي السوالف من اللي يايبنها من

عند الشبه والعيوز ربي يخليها لكم

زين سوى فيك يوم قالك ثوووور اسميني ظحكت عهالكلمة

لنه عمي يوم ايلس اللعب وياه وجي كان دوم يقولي يالثورة

صراحة حلوة سوالف الشواب الله يرحم شوابنا

امي وبوي فيهم الخير نحن في كل مكان نتيمع ونسولف

وخاصة يوم يقولونا عن سوالفهم اللي استوت بهم قبل

هيه والله صدقك ما شي مكان مانسولف فيه ماناكل

عن داي الشجاع ترا حلو ها الرسوم عجيب

انا اتابعة

والسموحة

[الشوق]

حيا الله اب نوووور الواحه التراثيه ...وليتاتها .. والكهربا كلها .. هيههي
صدق انه ياب غنايم وياه يا مخاوية الامل...
الله يعين العيوز .. والله حليلها ما تستاهل اللي صابها ..
يقولك ما يحسد العين الا صاحبه .. قولها ( الشوق اتقولج لا اتسوين دعايات بين ربعج عن هالمكاين ))
خل سر الرشاقه تحتفظه لنفسها ... تستفيد منه زين ما زين ...

طبعا الوالده الله يطول اب عمرها شو كانت اتسوي ..
يشيلون الطعم من داخل السح ... وعاد لا تنسى البهارات ( الملــح والكـــركم ) والدهن اللي ذكره اخونا بو فلاح .. ويمرسونه .. وينحط على الريل وينربط اب خلقه .. ( قطعة قماش)
طبعا الحينه المرهم و الجبس والاقمشه الطبيه هي الوسايل الحديثه حاليا .
يوم يحطونه على الريل طبعا هالمكان يكون الريل ملتف على الشخص .. ويعوره ..
فيحطونه مكان الالم .. ويقولك انت والخير رباعه ..
وجان على استخدامات السح ..
ساعات يوم الانسان يكون فيه لوعه، او راسه يدوور ، وما يروم ياكل ..
ياخذون رماد ، ويحطون السح ويخلطونه ويا الرماد .. ويمرسونه .. وعقب يحطون على جبد الواحد .. ويحاولون يرفعون جبده ..
عاد عقب يصير الانسان غادي على قولة منصوري دولتنا شرات داي الشجاع ..

وسلامي على الشيبه والعيوز ..

ويعطيكم العافيه ..
خويتكم/الشوق

[العجيبة]

هيـه هـذا داي الشجــاع .. أحلــى ما فيه الاغنيــه .. بعد مب لي هنـاك .. أغنية هزيم الرعـد أحلى بوايــد

ســلامتهــا العيــوز ما تشـوف شـر ان شاء اللـه ..

وهاي اللي دقتها عيــن لا تخلوا العيـوز تسيـر تتقهوى وياها .. عنبوو ما اقوى عينها ..

وما شاء الله ع الوالـــد .. مبيـن من كلامـك ان " يلسته ما تنمــل " الله يخليه لكم عمر طويل ويفيـدكـم منه الكثيــر

بس والله صــدقــك يوم قلــت أخخخخخخخ .. احسها شوي ع اللي بيسوونه .. أعتقد لو اتم الرصاصة مكانها أرحم من انهم يطلعونها ..

والحمـــدللـه علـى سـلامـتـــك .. لا تفكــر بالغيــاب مـرة ثانيــة دام مـواضيعــك جيه كشخــه

شكـرا لك

[هزاايم]

تسلم يمناك يا ولد المنصوري
ذكرتني بالوالد الله طريه بالخير يووم أشاغب ويااه يقولي اصطلبي ولا أعطيج ذيج الزانه من ذاك التفك
يعلني أفدااه يوم يهدد يعجبني الصراحه

تسلم والله على الموضوع الحلو والعجيب ولا هنت

[حلم الطفوله]

وعليكم السلام ورحمة الله وبركاته

أخيرا صاحب النظاره الورديه طرح موضوع بواحة التراث

الله يخليلك الشيبه والعيوز ...ويخلي مواضيعهم إلي تخلينا نعيش الماضي وياهم

بس كله ولا السيم إلي يدخلونه ...صدق أخخخخخخخخ من الخاطر...أكيد بيكون داي الشجاع

تسلم منصور دولتنا على الموضوع وأكيد ننتظر يديدك دووووووووووم

[ولد الحكومة]

السلام عليكم ورحمة الله وبركاااته

مرحبا بالغايب الحاضر .... وين هالغيبه اخوي . . . لا حس ولا خبر . . . . بس اهم شيء رجعت سالم .

شخبارك طويل العمر عساك مرتاح

تسلم اخوي عالموضوع وما اقووول غير ( ســلامتهــا العيــوز ما تشـوف شـر ان شاء اللـه .. )

بنتظار اليديد ك الغالي.

ولد حكومتك

[منصوري الدوله]

هلا والله يا شيــخ الطيبيــــن ( ولـــد الحكــووومـــــه )

الله يسلمك ياخويه من كل شر وابشر بالطيــب ؛ وجانك تتريــّــا اليديد تراك هوب متحيــّـــر

عسى خيــر ان شاء الله

وخلني اسمع اخبار طيبه عنك

الله يحفظك


حلم الطفولـه

لســّــه فـــاكــــره اسم اغنيــه لام كلثوم اهديج اياها غاليتي الصغيــره ؛

الله اكبر يا ( حلم ) والله انج رجعتيني لعزّي ايــــّــام المواضيـــــع اللي باربع خمس صفحــات والردود

متعشـّــــم خيـــر انــــــا والله

هالله هالله بعمرج صغيرتي

الله يحفظج


هزايم

اتعرفيــن لاحظت اسمج اول ماحدرت الواحات ؛ انا ما اعرف اذا كنتي عضوه بنك ثاني او انــّـج على ظني

يديده ؛ اللي اعرفــه اني فرحــت وايــــد بوجودج بين ظهرانينــــا ؛ اختي الفاضلـــه: حلو وايد استدعاء الذكريات

اللي سويتيه في ردج ؛ وحلو استحضــار لحظــات أياليتـهــا تعود ؛ بيني وبينج انا ادري اني اعيش مع

هالثنائي المرح ( امي وابويه ) ... ما تقدرين تقولين عنه بــ( عصري الذهبي ) ..

اختي ما اوصيـــج من تشوفين اسم ( منصوري الدوله ) احدري عليه في مواضيعه تراه وايد يفرح

تحيــّــاتي لشخصج ...


الشوق

الله يحفظج يا شيختي ؛ بصراحه ماتيوزين عن طبعج ؛ دايم ترفض انها ترد رد عادي

وتحب التفــرّد في غنــا ردودهــا ؛ كلام حلو عن الكركم لكن اسمعي هالسالفه عنــه :

الكركم طالت اعماركم كانت ( خالتي ) تستخدمه في عقاب عيالها اوّل ؛ كانت تصلبهـم في العمود

واتييب الكركم واتحطـّــه غصب في حلوجهــم عسب يتأدبــووون ؛؛؛ بس الحمد لله الحين العيال كبرت

على قول مسرحيـة عادل امام ؛ واللي يداوم في ادنوك واللي يدرس قانون ؛ ماشاء الله عليهـم

اخت القلب الكبيــره : اسميج ماقصرتي ...

[منصوري الدوله]

الدلوعه

اشوف اسم ( مخاوية الامل ) كثر في الموضوع :( اغار تراني ؛

هههههه طلعتوا شراتنا ( فجعانيـــيــن ) ؛

ولا عيبتــج سالفــــة ( الثـــور ) ؛ اسميـــه يبالج ضرب ؛

ع العموم انتي ياختي ( حشيمه ) ؛ والله يحفظج وياليتـــج والله رمستي عن سوالف شوّابج

ع العموم يالطيبه المجال مفنوح ..


العجيبـــه

يابــــــووج لا تطلعيـــن علينـــا اشاعـــات اونـّـــا نطالع رسوووم ؛ خلاف بيقولون هالشيبه يطالع رسوم عيل

شو بقى للبزران ؛

وجان تبين الصدق والله اهل الواحات يوم يحط كل منهم عقله في راسه ويتفرغون ( بس ) لكتابــة المواضيــع

الجيده والله ان يلستهم ماتنمل ؛ تخبـــري شواب الواحات هنيه ( الشوق وربعهـــا ) والله انا كنت قبل مطيـّــح

في الواحات ؛ حتــى بن دبي احليله نصب لي خيمه في الواحــه ؛

ع العموم انا وايد مستانس من وجودج العطــر ؛ وهذا ما يعني اني مستغني عن الباجييـــن

اللي اشوفهـــم يحوطون حولنــا لكن مايقربونـــا ( حركــات وملك وخنفروش وباجي اخوان شمــّــا )

قمت اشك بعمري ياخوووج يمكن شي يشردهــم ...

[حبوبه دبي]

سلااااام عليـــك ..
اشحـالك ؟؟ عســاك ابخير وسهاله
ويــن طالعه الشمـــس اليـــوم !!
منصــوري الدولــه اهنه

ولاااا ومووضووع عن العيــوز والشيبه الله يحفظهم انشالله ويخليهم لك يارب
وجــان استانس عليهم ..

مــاشالله عليهم سوالفهم ماتنمــل هالشــواب ..
كله كووم والـ اوووووووووكي افـ كووم ثاني خطيـــر والله

دووومك يالمنصــوري تتحفنــا بمواضيعك الغــاويه
وانشالله ماطول علينــا شرات دووم
ويــنك مختفــي ؟؟

نتريــا اليديد منك جريــــب
ولا تبطــي علينا

والسمــــوحه

[منصوري الدوله]

حبــوبــــة دبي

الشمس مــن وين طالــعـــه ؛؛ زعلتيني يعني كل هالنور ولا تدريـــن ؛؛ ياخوووج فيج انتي شي رهيب

اخبرج اول تشجعيني دووووم ما احدر ف موضوع الا وانته معطرتنه بورد مدري رد ...

اختااااااه يفدنــّـــج سوالف علي ... جــان السوالف بتييبكم والله لنهذرب لكن جانج زايغه م الغياب

ابشرج خيـــر تراني راد للغربه ؛؛ بعد حوول 13 يوم ؛؛ يالله الواحد والله ماوده غيـــر ناس يترحمون عليه

اذا مات ؛ وكم واحد يصلــّــون عليـــه ؛؛؛ ويذكرونه بالخيـــر

شيخــة علي : ما اوصـّـــيــــج ع عمرج ؛؛ وانتي لو مارديتي اصلن ع الموضوع جان لقيتيني مطرش لج رساله

اشكرج بها ع تواجدج من حولنا

فـــي داعـــــــــــة الله

[حبوبه دبي]

محـــــد قــالك اتغيـــب عنــا !!

تستـــاهل اللي اييــك كيــفي

ونتريــاك عــاد ..

والسمــوحه