إجازة الصيف

[ذنـيـنـي]

السلام عليكم

اول شي مبروك للي خلص امتحاناته و عقبال الباقين

والحين الصيف والاجازه عالابواب بعد تعب هالشهور..
واالاجازه طويله ولازم طبعا نستغلها في اشيا اتفيدنا في الاخر ..
عالاقل نظهر من الاجازه ونحن مكتسبين مهاره او شي مفيد ..

أكيد كل واحد يتريا هالشهر والاجازه والبعض اكيد خطط شو بيسوي في اجازته ..

فشو رايكم كل واحد يقولنا شو ناوي يسوي في الصيف فنستفيد من مشاريع بعض, ناخذ افكار ونستغل الصيف

المهم
كل واحد يقولنا شو ناوي يسوي في الصيف
يعني بيشترك في نادي,
او مثلا ناوي يسير منطقة ثانية, يعني اذا هو من الامارات الشمالية يسير يغير جو في ابوظبي و العين مثلا و العكس كذلك
و الي بيسافر يقول وين بيسافر و ليش هذه الدولة بالذات

يعني قولونا عن خطتكم للاجازة بشكل عام

اتمنى من الجميع المشاركة

[روح القمر]

وعليكم السلام ورحمه الله وبركاته
الله يبارك فيك ماصدقنا انخلص من الامتحانات

انا عن نــفسي..
ناوين هالسنه نســافر لــبنان.. تعرف جو البلاد ما يساعد ان الواحد يتم..
بس طبعا الفتره اللي بتم فيها فالدوله...بشترك فنـــادي ويا اربيعاتي..حلات الصيف ويا الربع
هذا اللي عندي..بنشوف مخططات الباجين يمكن ايعيبنا شي

ماقلتلنا انت شو ناوي؟؟

[الدلووووعة]

تسلم اخويه على الموضوع
انا السنه قلت يمكن ادخل معهد انجليزي وكمبيوتر
وخاصة الانجليزي لنه بيتكون ورانا ثانويه عامة وبسير للاهل ويمكن نمر صوب الشماليه
ونتريا الباقين
والسموحة

[ولد الحكومة]

السلام عليكم


اممممممممم والله لين اللحينه ما اتفقوا الربع وين بيسافرون . . . بس يمكن انسافر استراليا .

اشكرك اخوي نصووور عالموضوع الصيفي

اخوك / ولد الحكومة

[ذنـيـنـي]

الــــوردة الحمــــرة

الله يوفقج و مبروك عليج الوظيفة اليديدة

===========
اوتار القلب

تسلمين اختيه على مرورج

و شي حلو انه الواحد يكون عنده موقع

و عن هواية التصوير, تراها هواية حلوة ومميزة و كل حد يقدر يصور لكن مب اي حد يعرف يصور

اتمنالج التوفيق
===========
هزاايم
الله يعينج, حالتج مثل حالتي

هذا يسمونه برنامج "غصبا عنك" كل سنه اتسيرون نفس البلاد

و احسن شي بتسونه انكم بتاخذون جوله في بلدان ثانية

لأنه اليلسة في لندن ما تنشهى

[تحفه]

اذا بسافر وي ماما وبابا ..
يمكن اروح المانيا و اسبانيا ( أو ) او استراليا و بانكوك ما ادري ماليزيا < بعدهم محتارين

واذا بسافر وي قوم يدوه وخالي ..
بنسير جنيف وفالس

واذا بتم في البلاد .. بكون انشوي في بوظبي >.<" ... بس ما اعتقد انهم بيخلوني لأن افنص السنه يالله يالله وافقو اتم وما اسافر .. وطبعا بيكون صيفي بين نادي السيدات و والمعهد الثقافي ( ابي ادخل دورة خط اعدل خطي المؤساوي لول )

[ذنـيـنـي]

لمسه أمل

تسلمين على ردج اخيه

من متى في خاطري اسير لبنان, لكن الين الحين ما شي نصيب
=========
الدلووووعة

ما شاء الله عليج

زين والله بتستغلين اجازتج في شي بيفيدج
=========
ام خدود

ثانكس خيتو على مرورج

و كل البلدان الي ناوين عليها حلوة

[بريد ألكتروني]

Hi نصووور

I think that , I will go to Venice City whin I finish my Examinations .

e-mail

[ذنـيـنـي]

انا عن نفسي بسافر ويا اهلي و قوم عمي

بنسير النمسا و بالتحديد بنسير ((زل اام سيي))>>> اسـّميه برنامج "غصبا عنك"

و السبب لأنه دوم نسير هناك و نعرف البلاد عدل

و ثانيا البلاد في موقع متوسط على قولتهم

يعني ساعتين بالسيارة من ميونخ

و ساعتين عن مدينة فينيسيا في ايطاليا

و قريبه من سويسرا اعتقد ثلاث ساعات بالسيارة

هذا برنامجي للصيف هذا
و بس

[ذنـيـنـي]

بريد الكتروني

حلوة فينيسيا سرتلها السنة الي طافت, يوم كنا في زل اام سيي

خذنا ساعة و نص او ساعتين بالسيارة

[الــــوردة الحمــــرة]

انا اجازتي بتكون في الدوام لاني موظفة يديدة وما كملت 6 شهور بس طبعا اكيد في الصيف بسوي شي مفيد غير الدوام يمكن اروح النادي او اشترك في معاهد ما ادري لين الحين لان اصلا قبل كنا ناوين نسافر العمرة بس ما عندي اجازة

[أوتار القلب]

انا ها الاجازه ماعرف شو بسوي صراحه
ابى اسوي شي مفيد و مسلي في نفس الوقت
بس ماعرف شو
يـــالله بيعين الله

هيه صح ان شاء الله بطوّر هواية التصوير عندي
و يمكن ادش معهد عشان تصميم صفحات انترنت
و افكر اني اسويلي موقع على قدي

يلااا عطوني اشياء اسويها في الصيف

[هزاايم]

نحن دوووم وعيونه مغمضه على وين ناوين لنــــــــــدن لوعت جبد ...أكيد رايحين علاج وبعد ترفيه و ترس البطوون و تسوق أكيد...و لكن هالصيف شكلنا بنحاوط في أوروبا يعني صوب فرنسا و ألمانيا ويمكن لكن نخطف على فلينسيا نطمن على الدار كم من إسبوع لأن 3 شهور برع البلاد بنكون "الله يعين شو ما بفتح مناااحه على راسهم"و استعد للثانويه و اتشررج بالمعنى عسب الرده
هزاايم

[بنت الدلع]

سلامن عليهم

انا عن نفسي
شهر سته بكون في البلاد
انشالله باخذ لي كورس انجليزي وكورس تصميم
وبشترك في النادي ويا البنات >> تغيير جو
واكيد ظرب حواطه في البلاد
اما في شهر سبعه يمكن اسير ويا ابويا استراليا
وشهر ثمانيه بنسير قطر اسبوع ونرد
ومن بعدها بتجهز حق الامتحانات

انتهت نشرة الأخبار

[كبيرة بعيوني]

نحــن أول شهـر بالاجازة .
لازم بنحــاوط فـي ربوع البــلاد
وشهـر ثمانيـه بنســافر ..
بس أخــوي مب طايع يقول وين
اونـه موفـاجععععععه > مفاجأة (=
وجي يعني (=