السلام عليكم
أحلى منصوري
عيني إحوّلت و أنا أقرى من كثر العصبيه شكلك نسيت مفتاح المسافه .
ياخوك هد أعصابك هذا الشي وارد يعني بصراحه أنا لو كنت دكتور و ياني جنس لطيف يطلب مساعده أكيد بوافقهذي غريزه في الذكور و لو ياني واحد شرات أحلى منصوري أكيد برفض
لأنه جنس خشن بعدين يا أحلى منصوري إنته ما عندك مفاتن تحفز غريزة الدكتور
على مد يد العون و ما عندك النظره الخجوله اللي تهلك
الدكتور و تخليه يتعاطف وياك .
لكن خلنا نكون حقانيين المدرسات أو الدكاتره من الإناث تراهن ما يرحمن البنات و يراوونهن الويل هذا بالنسبه للجامعات و الكليات الثانيه يعني حتى البنات متلعوزات من هالشي .
على حسب تقديري
الدكتور الذكر يفضل الجنس الناعم مثل ما قلت بس تبى الصدق اذا كان هذا واقعكم تراه ما ينسكت عنه لأنه وايد مبالغ فيه على العكس من الكليات الثانيه و لو إنه موجود بس مب بالصوره الفظيعه اللي تتكلم عنها (الأمريكيه) فعلا وباء .
أما عن الدكتور الأنثى تكون عادله بين الجنسين في أغلب الأحيان و السبب واضح ما يباله كلام ..
والله مب عارف كيف أواسيك ربي يكون في عونك بس .
هد أعصابك فديت خشمك .
أخوك عايش .
رد مع اقتباس
في سيح الشعيب 
مواقع النشر (المفضلة)