رسمة مائية + رسمة مافيوية

[المحاق المشتعل]

السلام عليكم من جديد


هي رسمتين ما عرضتهم من قبل


حاولت إني أعرضهم قبل لا تنتهي عصابة المافيا ( القروب )


لكن ما صار لي نصيب


وأرجع أعيد هاي الذكريات الطيبة مع عصابة المافيا


أتمنى إنها تنال إعجابكم






اللوحة الأولى
( المائية )






اللوحة الثانية
( بطالة المافيا )

[الحساس]

حلووووو

تدري عيبتني الخلقه الي على راسه جنه خنفسانيه... وحلوة حركه Hi Dude ذكرتني بشخص من اشوفه هاي دود وهاي دود ارد عليه هاي بلاك نيغر يضحك ويسب بعدين..


تدري الصورة الاوله كان لها خلفيه لحالها وبعدين انتي ييت وحطيت رسمه فوقها الي هي الشيره.. يعني كانهن رسمتين فوق بعض.. اذا كانت هي رسمها وحده الصراحه حركه عجيييبه..

بالتوفيق دوم..

[حبوبه دبي]

يا ســلاااااااام عليك وعلى رسمــك الفنتــــك ..
ماعليهن كلااام ..

مــاشالله عليــك

والسمــوحه

[أحلى منصوري]

إنــت فنــان ..
عيبتنــي وايــد اللوحــة المائيــة ..

بصب عليها عصــيــر

تسلم لنـا الأنامل المبدعـة

..

[العجيبة]

ما شاء الله .. فنـــان شويه عليك

وايــــد حلوووه المائية .. الصراحه أبدعت فيها

والا عصابه المافيا وخخخخ عجييييبه الرسمه
أنــا اللـي فزت في الـ x & o وخخخ

تسلم يدينك المبدعه

ونتريااا يديدك دوووم ..

[عمة العيم]

السلام عليكم ورحمة الله وبركاته

ياااا محااقنا انت الصراحه انت انت

انت يعني انت


الرسمه المائيه عجيبه احس الالوان المائيه صعب التحكم فيها صح كلامي ولا! يمكن ماعرف استخدمها من جي!

و الرسمه الثانيه نكته الصراحه اتذكرت يدار في فريجنا مكتوب عليه عصابة تو باك تهدد من يعاندها

وحليلهم

انا عيبتني الرسمه الثانيه اكثر راسم عمرك بعد كاتب اسمه على قميصه اقول محاق صابغ شعرك لون بني شوكولاته


يالله سولفت وايد بخليكم

و إليك نصيحتي النصوحه اخينا في الله

فلتستـــــــــــمر


خدافس

[أمطار]

. . .وعليكم السلام ورحمة الله وبركاته. . .

سيدي الفنان
. . .محاق. . .

تبارك الرحمن. . .!
لوحتان قمة في الروعة والجمال. . .

كنت واثقة بأنك ستتقن الرسم بالألوان المائية إن عاجلا ً أم آجلا ً. . .


ولكن لديّ ملاحظة صغيرة على اللوحة الأولى::
((الأبعاد)) سيدي،،
ومستوى ارتفاع البحر. . .!

أما عدا ذلك،، فقد أبدعـت سيدي. . .

الرسمة الثانية،،
جميلة ومتقنة. . .
عشقــــــتـُها. . .

حركة الخياطة رائعة. . .


سلمت الأيادي. . .
وتقبـّل مني أرق التحايا. . .

كل الـــودّ. . .
دمعة العين

[الدلووووعة]

ماشاء الله عليك اخويه
فن صراحة حلويين الرسمات
نتريا منك اليديد
والسموحة

[مخاوية الامل]

اتجـــــــــــــــنن ..
دائمـــــــــــــــــا ..
إبــــــــــــــــــداع ..
موفــــق ..

[هزاايم]

حلو ماشاء الله عليك
تسلم يمنااك غلي ابدعت وربي يحفظك
وعبتنيه اللوحه الثانيه
يا الله خلنا نشوووف الباجي

[المحاق المشتعل]

الحساس


تسلم على هالرد الحلو


الصراحة الرسمة الأولى


كانت حق التجربة بعد


كنت أكمل تجاربي عليها


ومنها طلعت بنتايج إيجابيه ولله الحمد


وهي أكيد لوحة وحدة بالطبع


هي عبارة عن قطعة من اليابس


تعتلي المياه ولا تلامسها


وأتمنى أن أكون قد أتقنت هذا التصوير


أما عن الرسمة الثانيه


فهي مثل ما قلت


رسمة ( أستريتية )


يعني واحد يبغي يكون أمريكي وقاص على عمره بس مايعرف كيف



...

الحساس

جزيل الشكر على مرورك

وتعقيبك


محاق

[المحاق المشتعل]

حبوبة دبي



تسلمين أختي على مرورج الرائع

تقبلي خالص تقديري الدائم لمرورج المنور


محاق

[المحاق المشتعل]

أحلى منصوري


دايماً الأحلى في واحات بن دبي


لكن هاي الأيام سوالفك كلها عن الأكل الهندي والعصير


بسك عاده غيرنا الموجة ما نسيت


..

عزيزي


تقديري الدائم لردودك ولزيارتك الحلوة

بس لا تنسانا

يا الحلو



محاق

[المحاق المشتعل]

العجيبة


يشرفني حضورج دايماً

وأشكرج على رايج على لوحتي التجريبية البسيطة


وإن شالله يكون كلامج من غير أي مجاملة



بالنسبة ل لوحة المافيا


وخصوصاً في ال x o

أحيد أني توني بديت وإلا إنتي حاطه 3 دواوير


وأنا توني حاط x واحد يالغشاشة


تقديري الدائم لمرورج الرائع يا العجيبة الطيبة


تقبلي تقديري الدائم


محاق

[المحاق المشتعل]

عمة العيم



على قولة السوداني


( فشلتوووووووووووونا يا أخوانا )






...

طبعاً عمتنا وخالتنا ( قماشة )


في غنى عن التعريف


دايماً ما تقصر بردودها الجميلة ونصايحها المفيدة من يوم ما داومت في الواحات


( أداوم شفتات فيها )




والصراحة مثل ما قلتي عمتنا


الألوان المائية وايد صعبة

وطبيعي هي من أصعب الألوان على مستوى جميع الفنون


وما أعتقد إني باتقنها كامل الإتقان في يوم لأنها وايد صعبة

إنما للإستفادة أحاول ممارستها أكثر كل ما سنحت لي الفرصة


...

وأنا ما تعيبني الألوان المائية وايد كثر ما تعيبني الألوان إلي هي نفس ألوانج


وكنت بسأل عن نوعيتها لو تكرمتي تفيديني بنوعيتها عشان أشتريها


وإذا كانت من سر المهنة


أنا باييب إن شالله ألوان مشابهه


والسبب إنه في هاي الألوان يمكن التحكم بدرجات الألوان بسهولة


على العكس في المائية والطريقة التي أستخدمها عادةً


لذا أنتظر إجابتكِ

وإذا أمكن أرفقيلي صورة الألوان بالضبط


...


وعن لوحة المافيا


ضحكتيني يوم قلتي عن الكتبة إلي على اليدار في فريجكم


كله ولا عصابة تو باك






عمتنا المحترمة


وفنانتنا الواصلة


تقديري لج ولفنج الرائع


ولا تحرمينا من منافستج القوية


تقديري الدائم

محاق