فكرت مره إنا نحن عايشين....

[هزاايم]

السلام عليكم والرحمه
يا مرحبا بكل من قرب وحضر صوبنا
توني يديده لكني ماني بغريبه
ياقاري الموضوع فكرت مره إنك عايش بالصحره
إيه بالصحره
طبيعة بلادنا صحراويه لكن هل شعرت إنك عايش بالصحره
ما ظنتي التقدم إلي غدينا نحن فيه ما قام يحسسنا
لكن الغايه من الموضوع جد مره شعرت أو فكرت إنك عايش بالصحره لو لا
هل تشعر بالفرحه و راحه يوم تسهلت حياتنا
هل فكرت كيف تعب غيرنا عسب نوصل على هذا الحال
هل فكرت على الأيام اليايه بننسى إن نحن من أهل الجزيره تغطيها الصحاري
وهل ...
أسئله كثيره لكن عطني رايك على هذا الشعور
>> شو طرى على بالك >>
سمعوني آراءكم
وانا بنتظاركم
هزاايم

[الغاليه]

تساؤلج ياهزايم اضني يراود الكثيرين .. مثلا يوم اكوون في السياره دوووم اطالع حواليه

واشووف الدنيا ويطلع مني الحمد من صميم القلب .. لانه صدق سبحان الله .. الامارات كانت عبارة عن صحرا ,, يمكن نحن على ايامنا ماحضرنا الامارات يووم كانت بهالصورة لكن اهلنا حضروها وعايشوا التحول والنمو السريع لدولة شيدت اركانها وبنت اساساتها في غضون 30 سنه بس ,, وحجزت لنفسها مكان في صفوف الدول المتقدمة في جميع المجالات .. وصدق يعني يووم الواحد يفكر في هالشي ,, يحس بالنعمة من رب العالمين .. ويحس بنعمة العيش تحت قيادة حكيمة ورشيدة .. لان الواحد لو قال ترى الفلوووس اتسوي كل شي .. بنشووف دول الخليج كلها شرا الامارات لانهم كلهم عندهم فلوس ,, لكن ماشي دولة مثل الامارات وصلت لهالتقدم والحضارة والتطور في كل المجالات تقريبا ..

وزيادة على هالشي نعمة الامان ( الحمدلله ) ,, وهالشي الامارات متميزتبه عن باقي الدول .. والله يحفظها آمنه دوووم وجميع بلاد المسلمين ..

واكثر شي يشد الزوار الاجانب في الامارات في الزيارة الأولى كيف انها خضرا وآمنه .. هالميزتين اللي اكثر شي تدهشهم في الامارات .. طبعا غير عن التطور والتقدم الحضاري..

وعلى طاري الامارات وكيف كانت صحرا وتحولت لجنة خضرا .. لازم ماننسى انه ورا كل هالانجازات وكل هالتطور- بعد الله - رجل اسمه ( زايـــــــــــد ) ,, رجل الله رزقه الحكمه والفهم في الامور وكان عنده تفكير دائم في كل شي .. في الصناعه والزراعه والتعليم والمرأه والشباب و و و ....الخ
يعني كان عنده هاجس التفكير في كل المجالات وهاللي وصل الامارات لهالصورة اللي كلنا انشوفها ..

الله يرحمه برحمته ان شاالله ويسكنه الفردوس الأعلى من الجنة يارب ,,

ذكرت الاغنيه اللي دووم كنا نغنيها,, ياربي اتخلي زايد ,, خلاص مارووم ايود دمووعي

زايـــــــــــــد خلى الصــــحرا تصبح مثــــــــــل الزهره
زايــــــــــــد تاج البيئـــــــــة رمــــــــــز الدار الحـــرة
يــــــــــــارب توســـــع قبـــــــــره


اسمحيلي اختي هزايم .. خذت راحتي فموضووعج بس صدق هيجتي الاشجان عندي ..

ومشكووره عالموضوووع ,, تحياتي لج :)

[تحفه]

هي و الله ..

الحمدلله والشكر ..

على فكره انا وايد ادعي حق الي مخترع المكيف .. لول

صدقوني ادعي له الله يغفر له و يبرد عليه يوم القيامه ..

حتا ادعي له يمكن اكثر من ما ادعي حق عمري لول

ودايما اتخيل .. كيف بتكون حياتنا اذا كنا في زمن اول

اقول افنسي .. اكيد بكون ميته ..

والله صدق .. ما اتخيل عمري اعيش من دون تيلفون و تلفزيون و مكيف ( اهم شي لول )

والله الحمدلله والشكر

ألله يرحم الشيخ زايد والشيخ راشد .. لولاهم .. يمكن لما وصلنا لكل هالتقدم

[هزاايم]

لحظه لحظه خليني استوعب وأخيييييييييييييرا حد رد
ألف الصلاة والسلام عليك يا حبيب الله محمد
كلالالالوووووووووووووش

الغاليه(دايمه دووم)
تسلمين الغاليه على رايج وبالعكس ونستيني برايج و مثل ما قلتي يعود الفضل للوالد "عليه الرحمه"وللشيوخ البلاد

أم خدود"خاطريه امطهم"...
تسلمين الغاليه على ردج هيه والله لو لا هذا الإختراع الفنان جان متعفصين تحت البراجيل عسب نحصل ذاك النسيم

سلمتن يالشيخات على الرد ولا هنتن ربي يعطيكم القوه وفرحتوني الله يفرحكم
هزايم

[دموع قلم]

وعليـكم السـلام ورحمـة الله وبركـاته,,

غالبـا لا يشعـر الإنسـان بالنعـم التـي أنعمهـا الله بهـا
إلا إذا كـان هـذه النعـم من جهـده وتعبـه وعـرق جبيـنـه,
كـ الابـن المسـرف فهـو لا يعـرف قيمـة المـال الذي لديه
ولكـن عنـدما يكبـر ويمـر علـى هـذه التجـربـة سـ يعلـم
أن المـال لا يأتـي بهـذه السهـولة

..
..


أشكـركِ أختـي هـزايــم على الموضـوع
وننتـظر كـل جـديد من مواضيـعكِ المفيـدة

:)

[هزاايم]

دموع القلم
يبتها يالشيخ محد بيحس بقيمة النعمه إلا لو تذوق طريقة الحصول عليها
سلمت يالشيخ على الرد ولاهنت ونحن ورى النفعه والفايده داييمين دووم