الرعـــب من جديد

**عمة العيم** · 26-05-05 ||, 01:33 PM

السلام عليكم ورحمة الله وبركاته

هذه هي لوحة الرعب

بحلة جديده و استخدمت مواد جديده

و طريقه جديده

و اتمنى ان تنال على اعجاب الجميع

خدافس

**أتمنى** · 26-05-05 ||, 05:51 PM

مرحبـــــــا

تسلم الأيادي على اللوحة الرائعة :)

تعطي احساس بحرارة و نــار ..

جزء النفق أو المدخل عجبني كثير

لكن عجزت أعرف البقع الذهبية ايش هي !

لانها ما توحي انها الوان

،،

ربي يوليك العوافي :)

**فركوشه** · 27-05-05 ||, 08:32 PM

اتخبل اللوحه والله حلوه وايد الالوان رهييييييييييييبه

تسلمين الغاليه

**وصلاوي** · 27-05-05 ||, 11:21 PM

السلام عليكم

ماشاء الله

الرسمه حلوه وايد

و أتمنالج التوفيق واستمري دائما للإبداع

**خنفروش** · 28-05-05 ||, 09:10 AM

و عليكم السلام ورحمة الله وبركاته \ عموتناااا\ ماشاء الله عليج و حواليج \ لوحة جميلة \ أنا أحس الغموض فيها أكثر من الرعب (( مجر رأي شخصي طبعا )) \ و السموحه عمتي

**قلب الوصال** · 28-05-05 ||, 09:21 AM

مرحبا عمة العيم
لوحه جميله ........
تداخل الالوان صوب المرجيل فنتك
امممممم انا اقول بعد ما فيها رعب

تسلم الانامل ........

**سود الأهداب** · 28-05-05 ||, 11:16 AM

الرسمة وايد حلوه وعجيبه ..
بس مثل ما قالت الاخت اتمنى شو استخدمتي مع الالوان ؟

**عمة العيم** · 28-05-05 ||, 02:06 PM

السلام عليكم ورحمة الله وبركاته

أتمنى...تسلمين على الرد الطيب و انتي من اول الردود... استخدمت الأوراق الذهبيه ماعرف شيسمونها بالعربي اللي اعرفه golden paper

يحليلك ياهل...ردك رهيييييب

وصلاوي...ان شاء الله دائماً استمر و ألف شكر على ردك ياخوي و لازم انشوف ابداعك انت و بترياك هاه

خنفرووش خنفروووش يا خنفروووش...اسم الله عليك و ربي يسلمك يا صديقي الصدوق على رأيك اللي اسعدني

قلب الوصال...يسلم لي قلبج صديقتي الصدوقه...صح مافيها رعب وايد...بس لو شفتي الرسمه الأولى اللي اسمها الرعب بتشوفين فيها رعب..لكن انا عدت و رسمت لوحه ثانيه بنفس الألوان و الفكره لكن بطريقه ثانيه و جديده..

سود الأهداب...انتي العجيبه يا رفيقتي الرفيقه ... و بقولج لو تبين تعرفين شو اللي استخدمته اقري ردي على الأخت رفيقتي الرفيقه أتمنى

و

خدافس

**المحاق المشتعل** · 28-05-05 ||, 06:21 PM

عمتنا

يا عمة الفنانين الكبار

عفيا عليج وعلى هاي الرسمة الغاوية جداً

الصراحة ألوانها تجنن

وأنا أتفق مع أخويه خنفروش

اللوحة مب مرعبة مثل الأولى

ولكنها لوحة في غاية الروعة

أكثر شي عيبني في اللوحة

لمسة الألوان إلي هي على شكل x

وايد غاوية هاي الطريقة

والقسم الي أعجبني أكثر من اللوحة

هو القسم الأيسر السفلي الصراحة ألوانه رهيبه جداً

عمتنا وتاج راسنا

إذا مرة ثانية فكرتي في لوحة رعب

إمشي على نصيحتج إلي علمتيني إياها

وهي إنج تغطين الخلفية بألوان مخيفة عشان اللوحة تكون مرعبة بحق

أما إذا غطيتي جزء لكن بألوان تسر العين

وتركتي جزء يغطيه اللون الأبيض

طبعاً ما بتكون لوحة رعب

بس بتكون لوحة ذات رونق جميل آخر من لوحاتك الرائعة عمتنا وخالتنا ( قموش )

عمتنا المتألقة بإبداعك

هكذا عمتنا كما عهدناها

لا نريد تقاعسها أبداً

وان تتحفنا دائماً بما يزين أطلال واحاتنا

تقبلي فائق إحترامي لهذا الفن الراقي

محاق

**عمة العيم** · 29-05-05 ||, 11:55 AM

تسلم يا اخونا المحاق صديقنا الصدوق

انا اوافقكم الرأي بعد

بس شسوي

مافيني ضيق

ولا كدر

بالعكس

رسمت هاللوحه وانا في قمة التفائل

و السرور

مثل ما قلت لكم انا ما رسمت اللوحه

احاسيسي اللي رسمتها هههه

لو تلاحظون ما كثرت من اللون الأسود للدرجه المطلوبه

لكن على قولتنا من نفس الدقه نفس دقة لوحة الرعب القديمه

و حبيت انفذ طلبكم

و يالله مشكورين على هذه الآراء القيمه

والله انتوا اللي تاج راسي

و خيلي ممنون كاكا زرشكي

خدافس