اجـــــــدادنا والتكنولوجيـــــــا

[روح القمر]

حــــياة الاولـــين..كانت تتصف بالبســـاطه..
المسكن: خيــــــــمه...عريـــش
وسيله النقل: النوق..
الاكل: تمر ولبن..ومن نعم الله..
وسنـــه عن سنــــه...الدنيا اطورت..الخيمه والعريش..تحول لمساكن شعبيه..
والنوق اتبدلوا بالسيارات...
مابتكلم عن زمانا هذا..ولاهذاك الزمان البعيد..بتكمل عن زمـــان يدي الله يرحمه...اللي للأســــف ماشفـــته...بس كــانوا يخبرونــــي عنــــــه...
ع زمان يـدي اي شي يديد يكون بالنســـبه لهم شي غــــريب..وعجــــــــيب..
ويخـــوف فنفس الوقت..
فـــــــــريجهم:
يــدي - الله يرحمه- ..كان اول واحد يشتري تلفزيون في الفريج...طبعا هالشيء الغريب يجذب الكل..
واهل الفريــج شافوا من الواجب انهــم يباركوله ع التلفزيون!! (( ويحليهم الأولـــين ))

مواقف اتظحــــك..

الموقف الاول:
كـــــــل الرياييل اتيمعوا ويشوفون القنوات...بس ماخلو حريمهم ايشوفون...لان اللي يطلعون فالتلفزيون رياييل ...خخخ يتحرون ان الريال يشوفهم!!....
والحرمه لو شافت ريال فالتلفزيون..اتغــــشت ع طـــول...

الموقف الثاني:

يدي- الله يرحمه- .. كان مشغــــل التلفزيون..شـــاف ناس يورون الضــــو...عاد هو زاغ تستـــوي حريجـــــــه...سار وجـّــب الماي كله ع التلفزيون!! ....<<< لو شاف كمبيوتري اخاف يسبحه بالماي

[ولد الحكومة]

السلام عليكم ورحمة الله وبركاااته

فعلا كانت حــــياة الاولـــين..كانت تتصف بالبســـاطه... وعلى كل هذا كانوا مرتاحين وعايشين الحمدالله .

الله يرحمه ويغمد روحه الجنه . . . وموقف يدج ( الله يرحمه ) يوم جب الماي ع التلفزيون وايد يضحك وطريف.

اشكرج اختي الكريمه ع الموضوع ويعطيج الف عافيه.

ولد حكومتج

[عهد الوداع]

الله يرحم ايام اول ....شحلات ايام قبل ....يا زييييييييينها مب الحين ...

مشكوره اختي ...

[عنود الريف]

مرحبا بج الغاليه لمسة امل..
شوابنا الحين يقولون يا ليت الشباب يعود يوما ..
وانا اقول يا ليت الزمان يعود يوما ..
من كثر ما اسمع سوالف الاوليين ..
حبيت حياتهم ...
حبيت اكلهم ..
حبيت بساطتهم ..
حبيت كل شي في زمنهم ..
وقمت احسدهم عليه ..
مع انه العكس ...
المفروض هم يحسودنا لان كل شي متوفر الحين .. غير عن قبل ..
بس انا برايي .. ان الواحد يوم يتعب لين ما يحصل الشي ..
فانه يحس بشعور غير عن الحين يوم كل شي موجود جدامه ..
يحس بتعب صح .. بس بعد يحس ان يسوي شي ..
اما عن المواقف المضحكه .. هاي السالفه استوت في كل بيت ياب تلفزيون قبل ..
الحريم يتغشن يوم يظهر لهن ريال .. ونحن نموت من الضحك يوم نسمع السالفه ..
بس سالفة يدج الله يرحمه الثانيه ..
الصراحه اول مره اسمع عنها .. عجيب يدج ربي يغفر له ..
عزيزتي ..
اشكرج على هالموضوع ..
وربي يرحم امواتنا واموات المسلمين ..
اللهم آمين
والسمووحه

[مخاوية الامل]

السلام عليكم ورحمـة الله وبركــاته ..
إختيه .. لمســة أمـل ..

.. الله يرحمــه يدج ويرحم يدودنــا كلهم ويغمــد روحهم الينــة إن شاء الله ..

وايــد كووول المواقف .. اتضحــك ..
ولا الموقف الثاني طااااااااااااااخ يجنن !

أحيد أبويه قايليه .. إنه أول كمبيوتر طاح ف حارتنا ف بيتنـا ..
وكانوا يسمـونه صخـر ! .. << حد يروم علينـا .. !
ويقوليه من ذاك الوقت كل عيال الحارة ايون بيتنا ..
يتعلمون ع الكمبيوتــر ..
وناسـة أنا ماكنت حد حراام فاتني

مشكورة ع موضوعج الكيــوت غنــاتي ..
ربي يحفــظج ..
مخاوية الامل ..

[أحلى منصوري]

وعليــــكم الـ،،،ــــلاام
( شو رايـكم بحــرف السيــن اليديــد )

،،،ـلامي حليــج يا لمـ،،،ـة أمــل
( بسك عن المصاخـة )

الرضيعات استوى بهـم موقـف شرات موقـف يدج الله يرحمــه
دوم كانن يلبســن الوقايـه يوم يطالعن تلفزيووون ..


..

يخبرني ابويــه ويقــول :
أول مــرة شفنــا طيــارة الكــل بدى يصــارخ ,,
يوم الحشــر قرّب يوم القيـامـة وصــل

مساكيــن شيابنــا ,,

تشكرات لمسـة

خويـكم
المنصـوري

[طير الغرام]

" زمان أول تحول "
وسوالف يدودنا الحلوه ما اتخلص



ربي يرحم يدج برحمته
وماشاءالله عليـــه ســــوالف

أشكرج ع موضوعج الروووعه
وربي يوفقج إن شاءالله

[أحلى منصوري]

كلكم تشكرون الطارحه ( يغار المنصوري ) بس ليش ما تطرحون مواضيع تراثيــة نشكركم عليهـا

[حبوبه دبي]

والله ايـــــــــام
يــوم ايلس وسمع سوالفهم استــانس والله ..

ياليت كنت وياهم

تسلمين الغاليه ع المــوضوع الحلـــو
والله يرحم ايدادنا ويغمد روحهم الجنه يارب ..
كــانو البركه وامحلين حياتنا وكان لهم طعم ثاني ..

والسمــوحه

[روح القمر]

ولد الحكومه -ضحيه امس - عنود الريف-مخاويه الامل- طير الغرام...حبوبه دبي
صدقكم ايام قبل ماتتعوض..ومشكورين ع المرور..

احلى منـــ××وري...((شرايك بحرف الصاد)) لوووولز
اخ عــ الغياااااااره الزااااايده مايمدحونها الاولين
وعـــــن المواضيع التراثيه...ان شاءالله اول ما اخلص امتحاناتي بحطلكم مواضيع غـــاويه...طبعا بمساعـــده يـــداتيه ...
عاد اتصــدقت النت عندهم "انترلوك" بس يدتيه الثاني اونها مطوره "عــنترنت"
انا دايما اشغل الــTV والكمبيوتر فنفس الوقت..يــدتيه تقولي: ليش بعد مشغله تلفــزيونين!!

ارتحت!!

[الدلووووعة]

تسلمين اختيه على الموضوع وايا اول كانت حلوه الكل يتمنى يكون فيها

لو كان عدنا الساعة السحرية كنا سرنا زمان اول شفنا حياتم وردينا

انا احيد امي كانت تقولنلنا انهم يوم واحد من فريجهم ياب التلفزيون في بيتهم

الفريج كله متيمع بيت الريال وطبعا امي كنت ياهل وياهم بعد يعني ماكنت تتغشى

او تتشيل لنها اصلا ماكنت تتشيل





المنصوري ويوم تغار نزل موضوع في التراث بنشكرك بعد ليش الغيرة



والسموحة

[روح القمر]

الـــــــدلوعه:
قبــــل يستـــانسون ع الاشياء اللي يحـــصلونها مب الحينه...
اشكــــــــــركج عــزيزتي ع المــــــرور...
:)

[الشوق]

السلام عليكم ورحمة الله وبركاته ....
لمسة امل ..
تسلمين يالغاليه ... تدرين من كثر ما ابويه العود يكلمنا عن اللي صار معاهم على ايام التلفزيون ..
اسمعي مني هالخبريه .. يقولج على ايام الاولانين ما كان شي اسمه تلفزيون ( بالملون )
عندهم الابيض والاسود ..
اقولج كان عنا ييران وكانو ناس راهين ...
اقولج اول ما يابو التلفزيون .. كانو هم اول بيت في الفريج اييبون في بيتهم تلفزيون ..
عسب جي اقولك كانو نص اهل الفريج يتيمعون في بيتهم
وكل ما سالهم ابويه .. يا عيالي وين رايحين
يقولون رايحين على بيت فلان الفلاني .. علشان انشوف التلفزيون اليديد اللي عندهم ..
وهذا دليل على ان ايام قبل ايام حلوه ..
حتى البيوت ما تخلى من اليلسه الحلوه والغاويه ..
وطبعا التجدد صار كبير من خلال فتراتهم السابقه الين الحينه ...
فرق بين الابيض والاسود .. وبين الملون ..

وتسلم صاحبة الموضوع على الموضوع الغاوي ..
خويتكم/ الشـــــــــوق

[عذبة الكلام]

السلام عليكم ورحمة الله وبركاته

سلمتي أخيتي على هذا الطرح الرائع جدا

" وحليلهم والله " ليت الأيام تعود


شكرا لكِ ووفّقكِ الله

[بنت ابدوي]

مرحبــا الساع

.

يمكن انا ييتيه للموضوع متاخره

بس

شو اسوي قريت الموضوع وعيبنيه وقلت بزيد شي من عنديه على لي عندكمـ ..

هممم

مره رايحين معاريس .. كان عرس عمتيّـه

وابويه يرمس عن الاعراس لي في الفنادق ..

فـ يقول ..

لول يعرسون في الخيامـ

وكانوا في المنطقه " الفلانيه " ما جد حد عرس من عيالهمـ الا في الخيام .. وفي بيوتهمـ ..

فـ اطوروا العرب وصار شي فنادق .. والعرب يعرسون فيهـن

جان يعرسون " قومـ بن ..... " هاذيلا ورى مزرعتنا في الفندق ..

وكان بالتحديد هيلتون ..

وهمـ أول عرب يعرسون في فندق

الكل احتشر .. خص الشواب

بس

توكلوا على الله وراحوا العرس

بصراحه ما اذكر بالضبط تعليقات على العرس

بس

اذكر انه ابويه قال انهمـ تعشوا خاري .. وما شافوا شي مغاسل غير الحوض لي جدامهمـ وتغسلوا من الحوض

هنيه نقعت من الضحكـ عليهمـ



والحين العرب كل ما يبون يرمسون عن اعراس الفنادق رمسوا عنهم

(( عرب فريجنا بس خخخخ ))