الجنية

تمنيت انج اتقولين كل الي فخاطرج لان الموضوع مهم \ خاصة لما نوصل لمسألة الردود و التعقيبات اباكم بعد ما تقرون إضافتي اتقولون نظرتكم لنقطة التعقيبات المقبولة و المرفوضه انزين لا تنسون

أظن أن إنتظار التعقيبات أمر مباح لأنه ينبع من الجو التفاعلي للمنتدى - يعني انت تكتب و تنتظر ردود الافعال و تجاوب الاعضاء مع الموضوع او فكرته
(( أحيانا تترقب اي تعقيب - و يمكن تترقب اشخاص معينين ))
المهم ان الترقب و حب ان الموضوع يشارك فيه نسبه كبيره من الاعضاء شي طبيعي
(( وهو يرجع لمسألة الشعور بالقبول من الآخرين ))
و ما ادري كيف يكون طبيعي ان البعض يكتب موضوع و ما يهتم ردوا الاعضاء او ما ردوا \ يمكن تكون هالنوعيه هي نوعية الاشخاص الي ينقلون المواضيع ما يكتبونها عشان جييه ما يهتمون ردوا و الا طنشوا عجبهم او ما عجبهم ... اقول يمكن


قبل لا اذكر مسألة الردود احب اذكر جانب ترى محد مغصوب على الرد فنحن نتكلم من باب ان الاليق بالعضو يسوي جيه او يمتنع عن جيه و مسألة الأليق و الأفضل واسعه يمكن تحصل الموافقه او الرفض و هذا شي عادي ... فالي بيشوف كلامي غريب لا يتهم عمره ولا يتهمني بشي ... بس عليه يقول الله خلق وفرق اقصد يعني يقول هذا ذوق خنفروش و رايه الشخصي

في نقطة التشجيع و الاعجاب تختلط الامور \ و بقول لكم كيف

في البدايه لازم انفرق بين موضوع في الخواطر او الشعر مثلا و بين موضوع ينطرح للنقاش \

الموضوع الي ينطرح في الخواطر أنت ممكن تكتفي بتسلم الأيادي او يعطيك العافيه
(( أو بما تجود به قريحتك \ هذا إن جادت ))
يعني بسطر لما تعجز عن مجاراة الكاتب
(( مع العلم مب المطلوب منك مجاراته \ المجاراة هي نوع من المشاكلة في الكتابة \ يعني انت عطينا الزين و خذ منا )) النقطه المهمه اهنه انك اترد على الناس

المصيبه العوده انك اترد على كل مواضيع عضو معين او قول غالبها وهو ما يرد عليك حتى بسطر لانه ما يؤمن بالردود المقتضبه في المواضيع الجميله \ يعني اما يكتب لك معلقه في رده و الا لا تحلم \ يا جماعه ليش هذا التصنع وليش نعطي الاخرين انطباعات ان مواضيعهم مب داخله مزاجنا مع انها داخله و معشعشه فيها \ لا ترد اليوم رد بعد شهر حتى بس رد \ الزم نفسك بإظاهر تقديرك لمواضيع الآخرين

(( نحن نتكلم على المواضيع المميزة \ يعني مواضيع خنفروش بروحه محد معاه اسكتوا ولا كلمه خخخخخخخخخخخ ))

و في اعضاء ما يردون و السبب انه يخجل يظهر ضعفه امام كتابتك ما حصل كلمة أو عبارة فيجلس الحبيب يتجنب الموضوع انزين ليش \ لا شو بيقولون عني الاعضاء رديت برد خفيف \

اما مواضيع النقاش فيكون الرد المقتضب الي ما يعبر عن رأيك في الموضوع نوع من الاستعباط (( سامحوني على الكلمه )) لاني شفت كم عضو يدش يرمس على شي ثاني ولا ايخصه في الموضوع حتى اني في بعض الاحيان اتمنى لو يحذفون رده (( اخساس )) انزين الحين ما عندك شي اتقوله قول عجبني الموضوع و ان شاء الله برجع مب عيب (( ترى مسألة الاستحضار \ استحضار الادلة \ او صورة الموضوع الي داير حوله النقاش \ ممكن تختلف من شخص لآخر \ و قرب المسالة للذهن او بعدها عنه ))
فأظن مواضيع النقاش هي الي تستحق الردود التفاعليه اكثر يعني اترد و تطرح تساؤلك و الاعضاء الي اييون بعدك يجاوبون على كل ما يطرح و جيييه يبقى الموضوع داير و كل من يدخل يقول الي يعرفه \ و ترى احيانا انت تفهم من السؤال جانب و غيرك يفهم جانب ثاني و هالشي مب غلط ولا مبرر انك ما ترد على الموضوع مره ثانيه بالعكس الي يظن نفسه فاهم كل شي فهو ما فهم شي
ما ادري شو خربطت (( أظن هذا من جنون الجنيه والا و حليلي اعرف شو اكتب ))