شو احلى هدية وصلتكم؟

[الحساس]

:

:


:


:>]

[عنود الريف]

مرحبا اخويه الحساس ..
فكره حلوه ..
انا ما صورت اغلى هديه وصلتني .. والحين فليل ما اروم ايلس اصور .. فان شاء الله باجر .. بصور وبحط الصور في الموضوع ...
اما عن صورك ..
الصراحه حلو شكل المصحف .. لونه بعد واايد حلو .. وصدقت في قولك كفايه انه غذا للروح ..
في الصورة الثانيه .. حبيت حوض السمج .. واايد حلو شكله ..
وان شاء الله .. باجر احط صوري ..
والسمووحه

[ذنـيـنـي]

هذا المصحف هو اغلى هدية وصلتني
المناسبة:

بسبب انتقالي للقسم الجديد في بيتنا الخاص فيني و في اخوي

على فكرة الشخص الي هداني المصحف توفى عقب يوم من اهداءه المصحف

و توفى و المصحف جدامه عقب ما صلى الفجر

الله يرحمه و يدخله فسيح جناته
=====


هذه اخر هدية وصلتني " DVD لحفلة ياني في الهند و الصين "

اليوم

قصة الهدية:
الله يسلمكم انا واااايد احب موسيقى هالعبقري الي اسمه ياني yanni

و هذه الحفلة من متى ادورها

في محلات فيرجن اذا بغينا هذه الحفلة لازم اسوي اوردر لأنها تكون مبيوعة قبل ما تنزل في السوق, مع انه الحفلة جديمة (1997)

فانا وصيت واحد من الشباب و يابلي اياها من كندا

[الحساس]

الله يرحمه ان شاءالله ويغمد روحه الجنه يارب..

واحب اسمع لياني مريح للعصاب وايد... ومرات ارقد على موسيقاه...

ماشاءالله عليك يانصور.. تدري كل يوم اكتشف فيك شي من شخصيتك حلو ويعيبني.. كاني ايمع اجزاء من شخصيتك وارمسها ببالي!!

هههههههه غديت محلل نفسي يالله تحملني شو تسوي بعد!

نترياج اختيه عنود..

[ذنـيـنـي]

خخخخخخخخ

الحساس,

ليكون تدرس علم نفس و انا ما ادري

شكلك بتطلع طبيب نفساني


هههههههههه

بالنسبة لياني
دام انك من محبين ياني فانصحك تاخذ هالحفلتين DVD

الاولى Tribiute

و الثانية live in the Acropile

كفاية على ياني انه حفلته الي في الصين حضرها 250 مليون شخص (نعم مليون)
بتقول كيف

وزعوا شاشات ضخمة في عدة اماكن في المدينة و في هذاك اليوم التاريخي كانت حالة الطوارئ في المدينة بنسبة 100%

خخخخخخخخخ

مب جني قمت ارمس في التاريخ
خخخخخخخخخخ

تحياتي لك

و اذا بغيت اي شي من هالانواع من الموسيقى ترا ما يردك الا لسانك

[ذنـيـنـي]

خيبه شو 250 مليون

قصدي 25 مليون, اسف خطأ مطبعي

[خسووفه]

كل الهدايا الي وصلتني عقب مارجعت من الحج تعتبر غاااااااااااااااااااليه لأنها تذكرني بأحلى و أجمل و أغلى أوقات قضيتها في حياتي وأنا في الحج

الصراحه ماجربت احط صور في الواحه بحاول احط في وقت ثاني

[عنود الريف]

مرحبا اخويه الحساس ..
رجعت ومعايه اغلى واحلى هديه وصلتني ..


هذا عقد الماس .. وصلني يوم تخرجي من الثانويه العامه قبل اقل من سنه تقريبا ..
واللي تخرج من الثانويه ,..
اكيد حس بحلاوة النجاح .. والتهاني .. وغيره .

والسمووحه

[الحساس]

والله يا نصور حتى لو قلت 250 مليون عادي لياني فنان بمعنى الكلمه..


خسوفه بنتريااااج


عنود الريف.. الصوره هب واضحه اظنها من الموبايل بكل بيبن عليه العقد راهي وانيق.. الله يعطيج زود من خيراته ونعمه..

بس ذكرتيني!! انا اهليه ما عطوني هديه نجاحي بالثانويه!!! بطالبهم فيها!!

[عنود الريف]

هيه صورتها من الموبايل .. شو اسوي .. كيمرتيه خربانه ...
بس بما اني وعدتك اني احطها .. فحطيتها ..
يالله طالب اهلك ..
انا ما شاء الله وصلتني هدايا وااااايده من اهليه ومعارفيه ..
والسمووحه

[خسووفه]

بما أن الموضوع عن الهدايا أريد أعقب على شي إذا ممكن

أنا مب مع الناس لي تهدي مصحف لأنه مايخلو بيت من مصحف ياكثر المصاحف الي عدنا علينا نقرا و نطبق إلي في المصحف

إذا الهدف الأجر ليش ما تفكرون في شي ثاني مثلا حفر بئر بإسم الشخص لي بتهدونه و انا الصراحه سألت و خبروني انه الاجر بإذن الله ينكتب للشخص الي بتهدونه و هب مكلف يمكن الهدايا الثانيه تكلف أكثر

[تحفه]

آخررر هديه وصلتني lately

جلابي من ماماتي .. بس الحين كبرو شوي .. هني اول ما يابوهم حوطتهم في المطبخ

وكانو بس اسبوعين .. وكانو يرتجفون وحاله لأنهم اول مره يفترقون عن امهم

وهني كانو يطالعون ولد يرانا الصغير .. كان يسويلهم حركات ارعى لول

( اتعرفون عاد انتوا اليهال يوم يبون يتفلسفون )

سيارتي المغفور لها باذن الله بتعفن افقاراج بيت يدوه

الموهيم

.. هديه من خالي يوم خذت الليسن من اول تراي

او بالاحرى كان مراهنني جان يبت الليسن من اول تراي بيشتري لي ايدد سياره

وعاد يوم بورش اول ما نزلت كانت شي

.. بس من بعد الحادث اتعقدت ما قمت اسوق

وابوي رد السياره و شل الليسن عني

( الحين بفتح مناحه )

[الحساس]

اختيه خسوفه..

كلامج صحيح.. بس منو الي بيسمع عاد بهالزمن!!

ان شاءالله بحاول اطبق ها الشي .. المهم هي اخرتنا..

===========================


ام خدود


حلووووين جلابج .. خاطري اضمهم.....

شي جلاب الواحد يحب يلمسهم وشي الواحد يتمنى يرفسهم من خسافتهم!!

اما عن البورش ماشوف شي ولا ها غطى الموتر؟
على اي حال احساس يقول عندج هدايا بس زايغه تحطينهن لنا صح ;)

[تحفه]

ههههههههه .. عيل انته لو شفت جلابي القبلينين ( قبل هالجلاب ) شو بتقول عن هاذيله ..
كان عنا جلب ( الي يصيدون اسود ) هاللي كله شعر ويكون طويل .. للاسف نسيت اسم نوعيته ..

وبعدين .. يابو لنا جلب بوليسي .. لونه اسووووود .. والبلديه الخايسه ذبحته .. (سممته) ! وانا بعيني شفت الريال يوم يسممه و بسرعه مات يحليله .. معنه من النوع الغالي .. ربيع بابا يابلنا اياه .. كان صدق بوليسي اصيل ( مال مخدرات وهالسوالف )

وبعدين يابو لنا جلب .. من النوع المستطيل الي ما يكبر وكللللللههه شعر .. شكله كيوت مال افلام

وبعدين خالي اشترا حق اختي جلب ( في الشرق الاوسط فيه منه سبع وعشرين و ثلاثه بس في الامارات )
وهم في العالم كله يمكن ميتين و ثلاث .. بس وحده من بشاكيرنا الي شردو باعته وشردت !!

وبعدين يابو لنا واحد مشعر وابيضضض .. بس توفى لانهم ما يعيشون الا عشر سنوات ويوم يابوه لنا كان عمره خمس سنوات ..

وهذا تاريخ الجلاب في بيتنا لولز ..

الموهيم .. هيه عندي .. بس هاذيله هم الصدق المميزين عندي .. لأنهم يوني بطريقه مميزه ^.^

[هزاايم]

آخر هديه وصلتنيه قبل يومين وفرحتني والله على راعي الحركاتhttp://upload.bindubai.com/download/hummer/Sa3o0d.jpg
من :ولد الخال
المناسبه:يوم خذووله الصوره تذكرني و تم يغني يا علي ..يقلد بنت عمته يوم تقردن أبوها

حلوه الفكره يا حساس وتسلم يمنااك على الموضوع