°o.o.. كـ ـ ـوكـ ـ ـيـ ـز ..o.o°

**طير الغرام** · 19-05-05 ||, 12:37 AM

مرحبـــــا بكل من حدر إضافتيه المتواضعه

مرت مده طويله من حطيت خبصه

من خبصاتيه

واليوم إن شاءالله ييتكم بخبصه

يديده .. أول مره أسويها

وحبيت أعرضها

عليكم

كـ ـ ـوكـ ـ ـيـ ـز

المقادير :

- 2 وربع كوب طحين (رقم 1 )

- ملعقه صغيره بيكينج باودر

- نصف ملعقة صغيره ملح

- قطعتين زبده

- 3/4 ( ثلاثة أرباع >> أقل من الكوب الكامل بربع ) كوب سكر ناعم

- 3/4 كوب سكر أسمر

- ملعقة صغيرة فانيليا

- بيضتان

- كوب ونصف قطع شوكولاته >> chocolate chips ( جاهز ف الجمعيات )

الطريقة :

- يتم خلط الدقيق + PB + ملح في وعاء كبير

- يتم تقليب الزبده + السكر الناعم + السكر الأسمر + الفانيليا

في خلاط كهربائي حتى ينعم الخليط ثم تتم إضافة البيض مع الخلط المستمر

- يتم إضافة خليط الدقيق تدريجياً مع التقليب

>> إذا حسيتوا العجينه مب متماسكه واايد زيدوها طحين

وطبعاً يتم التقليب باليد

- تضاف قطع الشوكولاته >> أنا حطيت اللي ف الجيسه كامل

تقريباً وصل كوب واشوي >> ع حسب مب لازم واايد منه

- يتم تشكيل العجينه ع شكل قطع دائريه صغيره مسطحه في الصينيه >> انا سويتهن اكبار

وعقب وااايد انتفخن

- ثم توضع في الفرن حتى تنضج >> تقريباً ربع ساعه مب أكثر

وهني وعافيه

**نور السنا** · 19-05-05 ||, 11:26 AM

ياحيالله الخبصااات,, هيه والله صدج اشتقنا حق خبصاتج الغالية طير الغرام, اتحراج خلاص ما بتكتبين خبصاتج خلاص... بس الحمدلله الله ردج لنا و رد لنا وياج خبصاتج... خخخخخخخخخخخ

تسلمين الغالية على هالخبصة الرائعة و نتريا جديدج انشالله....

على فكرة بس عندي تعليق بسيط يا جماعة,, ترا قطع الشوكولاته خذوها من الجمعيات نص محلاة, لأن المحلاة بالكامل بتكون وايد دسمة داخل الكوكيز و الكوكيز أصلا دسم وايد....

نصيحة مطبخية.....

و تسلمين عزيزتي مرة أخرى

**عمة العيم** · 20-05-05 ||, 04:19 PM

ممممممممممممممممممممممممم مممممممممممممأه

بسويها

قررت اجرب كل الاكلات اللي في الواحه

وحليلي عرست و لازم اطبخ حبتين على قد حالي اتفنن

ترا الرياييل يبون الاكل من ايد حريمهم عسب نملى عينهم

تسلمييييييييييييييييييييي يييييييييييييين طير الغرام على التخبيصه الخطيره

خدافس

**نور السنا** · 20-05-05 ||, 09:59 PM

حيالله عمة العيم في واحة المأكولات,, و لااازم تجربين طبخاتنا,, و خصوووصا طير الغرام تراها فنانة, فتحي البحث و دوري تخبيصاتها و بتجوووفين شي خطييير الصراحة....