طلعت البنت ويا ربيعاتها...

[ندى]

اختي.
الام والاب لما يمنعوك من الخروج مع ربيعاتك ما يعني تفكير رجعي لان العادات والتقاليد تحتم عليهم منع كل ما يعارضها وأنا متفقة معهم.
وكونهم اباء يعرفون تمام المعرفة السلبيات التي تنتج عن الطلعات.لان مجتمعنا عبارة عن فئاة وكل فئة منه لها فكرة معينة.

[ورديّـه]

صحيـح أن الفتـاة المحتـرمـة من الصعـب أن تقـع في الهاويـة ولكـن هـذه الفئـة نادرة جـدا,
فـ إن كانت هنـاك فتـاة محترمـة تصـاحب فتـاة سيئـة, ألـن تنـحـرف بسهـولة نحـو الفسـق؟!!
فأنـا اتحـدث عن ما أراه خـلال معرفتي وتعـاملي مع الفتيـات, وأحيـانا تصـارحني فتـاة محترمة
بأنهـا فعـلت كـذا وكـذا, حينهـا لم آخـذ فكـرة سيئـة عنهـا لأنـي أعـلـم بـأن الفتيـات ضعيفـات
بكـل سهـولة تقـع في المعصيـة, ولكـن لا يمنـع أن الفتـاة المحترمـة تتغيـر وتعـود لربهـا فور
صحـوهـا من غفلتهـا

شي آراء عجب عجاب لأنها تعميمية وجنها أمر مسلم به و حقيقة

البنات ينجرفن بسرعه ويتأثرن برفقاء السوء أوكيه ممكن بس هب الكل

انا طول عمري مرابعة فئاااات من الزين والشين والفالت ومن سن المراهقة وكل شي الحمدالله تحت ايدي من يوم يومي , سيارة موبايل الخ , وغيري يتمنى نص الحرية اللي عندي / وحياتي ما غلطت لا من ورااا حد ولا جدامه

عيل ليش يقولون لا تخاف غير من بنات المطوع شي جيه

الانحراف إختيـار ترا!

أموت فيكم انا P:

[بنت ناس و عرب]

الصراحه .. انا لا جيه و لا جيه ..

انا اظهر مع الاهل و ربيعتي معايه .. احسنه اخير لانه مافيه اي شبهات تصير .. و حتى لو بنسير السينما مع خواتي و ربعي و لا اكون انا و ربيعتي بس لانه يكون الظن و الكلام و الاشيا هاي كثيره و خاصه لو كانت السياره معروفه و متردده على مكان اكثر من مره الخ ..

[مزون]

انا اقول البنت المحترمة محترمة حتى لو طلعت بروحها لا حسيب ولا رقيب

[أمواج]

اوكي يا اختي مزون هذا الكلام صح بس مايصلح لها الزمن يعني الحين كل شي تغير الحين النت بكل شي تتأثر
وووووو....بس

[وردة الحب]

مرحبا اختــي ..

رد الاعضاء اممم كل حد له وجهة النظر بالنبسة لي انا
ممنوعا منعا باااااتا .. عندنا عيب منقوود .. اصلا مااتخيل عمري يوم من الايام ظاهره ويه شلة بنات .. من اربيعاتي .. احس غلط .. اشكالنا تحفه .. لازم يكون ف محرم .. حتى لو اربيعاتي بنات ناس وعرب واخلاقهم عاليه .. ممنوع اظهر وياااهم .. وبالاساس مااخذ راحتي الا ويه اهليه من كل جانب ..ولو مثلا هو مستحيل هالشي ان اظهر ويه اربيعاتي عادي .. انا اعارض هالفكــره .. اخاااف .. فظهره ويه اهليه تجنن ولااروع الصراحه ..

رد انسان عادي وايد مثالي ..

السموحه

[أمواج]

مشكووووره على مرووورج اختي وانا نفس حالج

[ألم عابر]

مرحبا اول شي.....
الصراحه تعبتوني لين قريت كل الآراء.......
أنا أقول البنت تقر فبيتهم احسن لها...... وتفك عمرها من الصدعه وعوار الراس......
تراها ان طلع تويا أهلها والا ربيعاتها...... اللي ربها كاتبنا بيصير...... في كل الحالتين ممكن تتعرض لأي شي......

أدري ان ردي عبيط شوي....... بس والله من متى وانا أقرا لين كملت كل الردووود......
ييت على آخر شي سطلت ما عرفت شو اكتب


أختكم اليديده عالمنتدى .....(ألــــــ عابر ــــــــم)

[المقاتل]

أوب أوب المتفيزره على العرقوووب سلام عليـــج .. شحالـــج .. ؟؟

إعذريني ياي متأخر .. والصراحـــه في ردود حلوه وفي ردود كح كح ( غبار )

طلعةالبنيه و يا ربيعاتها (يعني شلة بنات) .. سواء كانت للسوق ؛ او للأماكن الترفيهية... هل تأيد أم ما


كح كح .. نعم نعم ؟؟!!! .. الجواب ( لا أؤيــــد مررررره .. إذا كانت في المراكز المعروفه بإزدحامها الشديد أو أماكن يتردد عليها الشباب .. أو أماكن ألعاب مختلطه) فهي بالطبـــع ( منقــود عند العرب ) إن البنت إتسير عنـــد هاي الأمـــاكن .. أو بالأحرى دينيا .. أختصر ( لا ديننا يسمــح ولا عاداتنا تسمـــح ) إلا .. إلا .. إلا إذا كانـــت في أماكن محترمه تليـق بمكانتهم كفتيات مع رفيقات محترمات وفي أوقات غير مزدحمــه وخصوصا إنها تكــون عوده وعاقلـــه .. أما إذا لا فلا إذا لم تفقه الواقـــع والدنيا والدين ..

وإذا كانت صغيره ويا ربيعاتها خلها تطلع وتاخذ راحتها مع أهلها وشو خانتهن يطلعون رواحهن ؟؟

هل تأيد حرمتك تطلع و يا ربيعاتها السوق أو الاماكن الترفيهيه .؟؟ إذا كنت لاتأيد فليش؟؟

والله على حســـب :crosseyed نحن ما بنحبسها ولا بنهيتها .. على حسب الظروووف .


والسموحه على الإطالـــه .. وتراه موضوعج غاوي .. سلمت يمينج

[ورد جوري]

وعليكم السلام اختي المتفيزرة على العرقوب


انا افضل اني اروح ويا خواتي مو الوالدة والوالد لان الاهل يستعجلونك في الرجعه للبيت

وماايد اني اروح ويا ربيعاتي لانا مابناخذ راحتنا من الشباب والمعاكسات الي تستوي في المول

ويوم بكون ويا خواتي الاهل بيرتاحون ومطمنين


ولو كنت اريد اروح ويا ربيعاتي الوالدة مو راضية



وانا اشوف هذا الشئ في مصلحتنا ولو كنا نريد انا انروح ويا ربيعاتنابس الاهل افهم بالي يستوي برع واحنا كل شئ يكون عندنا عادي وما نشوفه عيب

بس الاهل يعرفون اكثر منا



مشكورة على الموضوع الاكثر من رائع

وبنتظار جديدج


اختج ورد جوري

[الجنية الحلوة]

الصراحة موضوع حلو....... انا ما اييد هذا الشي ..لان البنات يوم يتيمعن يلسن يسولفن ويضحكن وينسن عمارهن.. وهذا تصرف مب حلو من البنت فالاماكن العامه..وبعدين شي وايد اهل ما يرضون بهذا الشي..
واشوف احسن يوم يتيمعن فبيت وحده منهن.. ومب اي وحده لازم تكون بنت ناس زينين والاهل يعرفونهم..بس في اهل ما يخلون بناتهم يسيرون عند ربيعاتهم.. حتى لو يعرفونهم(وهذا اللي يقهر ) وانا ما اييد هذا الشي لان الضغط يولد الانفجار ..

وتسلمين اختي عالموضوع..

الجنيــــــــــ الحلوة ـــــــــة