الشاورما والدجاج المشوي عرضة للتلوث بالرصاص بسبب عوادم السيارات

[مرجانه]

لا أنا ما أداني الشاورما موليـــه
حدي برجر واللا فيليه
هذا غير المشاوي

بس سمعت وايد شكاوي على الأكل اللي توزعها شركة سبينس
لأن هناك موليه ماشي رقابه~ والأكل مبيت

فما أنصح أحد يشتري من هالشركه
وبالأحرى قاطعوها أحسن n_n

[ولد الحكومة]

السلام عليكم

مرحبا الساااع

الدلووووعة
الحمدالله انج اقتنعتي من الموضوع وان شاء الله بتودرين الشاورما.
ومشكورة عالرد وعالمشاركه الطيبه منج..... ويعطيج العافيه.

عنود الريف
افاااا ليش زعلتي ، وزين انج اقتنعتي بالعادة صعب تقتنعين من اي شيء .... واحلى مافيج با عنود انج ما تحبين اكل المطاعم .... الصراحه اكل البيت احسن من كل المطاعم.
ومشكورة عالرد وعالمشاركه الطيبه منج. زيعطيج الف عافيه.

مرجانه
فكيتي عمرج من الصدعه .... ومشكورة وايد عالنصيحه.
يعطيج العافيه عالمشاركه الحلوة منج.

السموحه ولكم مني احلى وارق تحيه للجميــــــــــــــــــــ ـــــــــــــع

[ذنـيـنـي]

تسلم ولد الحكومة على موضوعك

البارحة تذكرتك يوم كنت عند الكفتيريا شفت باص من الباصات الكبار (باص تاتا مال المدارس)

و مثل ما تعرف الباصات هذه تشتغل على الديزل و ينتج عنها كميات كبيرة من الدخان الاسود

المهم البص طاف حذال سيارتي و عطانا كمية كبيرة من الدخان و طبعا نص الدخان سار صوب الكبينة الي يسوون فيها الشوارمة

من الحين و رايح مستحيل اكل من اي كافيتريا على شارع رئيسي

اذا باخذ شوارمه باخذه من الكافتريات الي شوي بعيدة عن الشوارع الي فيها حركة
او باخذ من عند الفروج و ربيع عجمان لأنه الشوارمة يسوونها داخل المحل

لوووووووووول سويت دعاية حق الفروج , لازم باكلوني ببلاش لمدة شهر

[ولد الحكومة]

السلام عليكم

هلا براعي عيمان " نصووور "
صح كلامك والله ، حاول انك تاخذ الشاورما من المطاعم الفخمه الي تكون بعيده عن ازدحام السيارات .
مشكور الغالي عالرد وعالمشاركه الطيبه منك ويعطيك الف عافيه.

اخوك / ولد الحكومة

[ملك]

مسا الورد

ولد الحكوومه

امايه ما تخلينا ناخذ شوارما وايد .. لانها دوم تقولنا نفس الرمسه هاذي

الاكل كله ملوث بدخان عوادم السيارات .. و غيرة لانه مكشوف و في الشارع

اشكرك اخويه عالموضوع

لا عدمناك

مرجانه

اكل سبينيس مبيت و ما علييه رقاااابه !!

بس اكل الجامعه كله من سبينيس

نصوووور

قصدك فروج الطازج ..؟ و في مطعم ثاني اسمه الطازج بس

المكسيكي ماله .. جنااااااااان

نظيف و لذيذ

:

:

اختكم اللي تحبكم

ملك