شرات ما يقـولون السلام ببلاش

الســـلاام عليـــكم ورحمــة الله وبركــاته

..

الكثيــر من النــاس من يوهــم عمــره بالمــرض ومع إنــه ما بـــلاه أي حايــه أو أي عــوق ..
ولكــن ولأسبــاب نفسيــة قــد يمــرض الإنســـان ..
فمن المعروف بإن سبب المرض أو أي خلل في جســم الإنســان يكــون خارجــي ..
ولكــن للأسبــاب الداخليــة والحالــة النفسيــة عنــد الإنســان دور كبيــر إن لك تكن في تكويــن المرض فستكــون في مضاعفــة المرض الصغيــر ليصبــح أكبــر وأكبــر ..

والكثيــر من النــاس من يعيـّـش عمــره في دوامــة الأمراض المتتاليــة وهذا خطــر على عمــره ..
شرات ما قالوا .. كثــر التفكيــر يقصـّـر العمــر

موضوعي لم يكــن ســوى حادثــة تتكـرر وبشكــل مستمــر في مجتمعنــا ..
فمــره أحــد من أهلي .. ماكل الحلاوة اللي اتصبــغ الإلســان ..
والمسكيــن يوم دخل الحمــام ( الله يعزكم ) ..
بدى يغســل حلجـه ويتمضض ..
وفجـأة يشوف المــاي لونــه أحمـــر ..
تعقــد ..
مرة مرتيــن ثلاث ..
على طول على المستشفــى .. يحســب نزيــف دم ..
مع إنه ما يحس بالدم وما شاف إلا اللون الأحمــر ..
ومع هذا كان خايف ومرتبـك وحيران وما يعــرف شو يســوي ..
وزيــن منــه إنه وصــل المستشفــى ..

حادثــة ثانيــة ..
العيــوز ( الله يطول بعمــرهــا ) الصبــح وفي كل ريوق تاخذ لهــا كم كوب شاي مع خبـزه أو أي شي ثانــي ..
ذاك اليــوم كثـّـرت شــرب الشــاي ..
وراحت الساعــة تســع عندي يدي ..
وفي بيــت يدي عندهم جهــاز يكشــف السكــري ..
فيـت حرمــة يدي وقالت لأمـي بإنها بتكشف عليــهــا ..
اوووووب ..
والنتيجــة .. السكــر مرتفــع فووووووق ..
وتعالوا شوفوا الحالــة الهستيريــة اللي كان في البيــت ولمدة 24 ساعــة ليــن اليــوم الثانــي ,,
وبعـد نتايـج المستشفــى طلع والحمــد لله ما عندهــا سكــر

الخلاصــة ..
الوهــم .. أخطــر الأمــراض

والسموحه من الجميــع

أخــوكم
أحلى منصــوري