سكران حادر بيتنا

[ألم ترى]

بسم الله الرحمن الرحيم

الجنيـــه
الحمدلله ع سلامتــكم
انا وياج فكل اللي قلتيه اللى ف نقطه وحده
الشرطــــة
والله ان الحكومة تبذل كل مافي وسعها المهم تريح المواطن والمقيم وبكل المعدات والاجهزه
انا عايش هالظروف اكثر من 7 سنوات في الحوادث ومهنتي مسعف يعني كل يوم اشل ميت ومتكسر
المهم بخبرج نحن اول مايوصل لنا البلاغ واقصد يوم يوصل البلاغ مكتب المخابرة او الاتصالات اللي يخص المكان الحكومي مثل الدفاع المدني او المرور او الاسعافات المدنية المهم يوصل البلاغ وعقب يخبرون الفرقه او المتخصص في هالموضوع وع طول نطلع بدون اي تهاون في العمل ونحن طالعين عدنا احتمال 99% ان يصير لنا شي في الدرب من كثر السرعه ولكن عندي سؤال
ليش نحن مسرعين ونجازف بحياتنا جي ؟!

ادري الجواب موجود لكن الواحد يحسب
للجهه المتخصصه شوتسوي اللحين وشو الاجرائات اللي تتنفذ
عالعموم انا قلت بخبرج بنقطه في بحر من الحياه اليوميه لانا واذا تبغين زود انا حاضر
الحمدلله ع سلامتكم مره ثانيه وربي يحفظكم ويرعاكم
:)
مع السلامة

[تحفه]

السلام عليكم

قبل لا انسى ... الجنيه لو سمحتي وتفضلتي لا تعتمدين هذا الخط .. والله اشلقيت وانا اقرا

الموهيم

والله ما ادري شو اقولج ..
بس معظم الاحيان ( إلا هي مره ومرتين ما ادري ثلاث .. في حياتي لول ) .. اذا استوى شي ( مره غرزنا و مره اخويه انصك عليه باب الحمام ومحد رام يفتحه .. ومره دخل بيتنا حرامي )

قبل لا الشرطه يوصلون .. الامن يوصلون

يعني عادي اتشوف واحد داخل بكندورة البيت يقولك والله انا امن ولا ما ادري شو او هنود وبتانيه يتحولون بثواني مواطنين .. معنه اشكالهم ولا توحي !! .. يقولون شو مستوي وجي

ف عن حالتج ..

ذكرتيني بسالفه صارت في وحده من مدارس بوظبي

واحد سكران ( متفصخ ) دخل مدرسة بنات ؟!!!! .. بس اتحلاقو عليه .. حمدلله الله ستر

تحياتي لج يا حلوه

والحمدلله ما صار فيكم شي

[الجنيه]

عليوي
العفــــــــو
صدقني لو كانوا شباب البيت موجودين جان رقدت وأنا متطمنه
أسمي فيهم نزعه إجراميه عادي يسدحونه في المستشفى ....


ولد الحكومه

حضي ردي من يومه ... والمفروض هاييل الي ما عندهم شهايد يقاعدونهم أو يستغنون عن خدماتهم الصراحه بدل لا يكونون لنا عون يصيرون فرعون

الدلووعه

الحمدلله ما صار لنا شي

[الجنيه]

الحساس

صدق شرطتنا أحيانا مافي أحسن منهم بس بعد مرات يتصرفون تصرفات بايخه
أتشوه صورة الشرطه بشكل عام ...
الله يهديهم ...

محب الشيخين

الله يسلمك من الشر
أنا وياك فكل اللي قلته وما أقول غير الله يردكم لبيوتكم ساليمن ويبعد الشر عنكم
أخوي أنا مقدرة موقفهم وعاذرتنهم بس إعتراضي على أسلوبهم في التعامل ..
يعني صدقني أنا يوم قدمت البلاغ ومن طريقة اللي رد عليه ما تطمنت وقلت أكيد نحن بنموت وهاييل بعدهم ما يوا الشي اللي خلاني أتصل بأهلي أخواني نسايبي المهم شخص أقدر أعتمد عليه أدري لو أستنجدت به بيلبي ..
وأكيد أنتوا عليكم ضغط أكثر وأشياء وايده وما تتهاونون بس العيب في التعامل مع الموقف... على العموم حصل خير والله لا يحوجنا لهم مره ثانيه ....

[كبيرة بعيوني]

أمي ــيييه زيغه !

وزين ان الله ستـــر ،، وما صابــج شي

بس ليش الشرطــه جي بااارده

حتى لو عندهم مشاكل ثانية

اعتقد انه مب مجموعه وحدة فـ الشرطه !!

لازم بيكونون محطــين فـ بالهم ان في اشيا ثانية ممكن تصيــــر !!


الله يعين ويعدل من حااالهم !!

نحن مرة دش علينا حرااامي وكان سكران البيت نص الليل ..
اتخيلي اخوي وصل وطب البيت
وبغا يجتله من كثر الضــرب !!
والشرطه عقب نص ساااعه وصلت او اكثر اعتقد !!

وغيرها وايد .. يوم يتأخرون عن الحـوادث ايي تقريبا نص ساعه بعد !!


الله يعين
.
.
،؛،