المحبه ما تجي في كل روح

[عاشقة الكتب]

<font color='#000000'><span style='color:indigo'>وهذه التكملة...........

حصة كانت يالسة مع حمد العصر فوق في الصالة و كانت تساله شو سوى في الروضة اليوم
حمد : تعرفين انا دربت ثديقي بوكث خليته يثيح (ظربت صديقي بوكس خليته يصيح )
حصة : ليش هو شو سوى ؟
حمد : ما يعطيني حواوة ( حلاوة )
طلعت نورة من حجرتها و جافت حصة ويا حمد
حصة : حمادي تبا حلاوة .. تعال بعطيك
حمد : الله حواوة اريد وااااااااااااايد
نورة : هي بس خربي ضروس الولد
حصة سكتت و دخلت حجرتها عشان تعطي حمد حلاوة
حمد : خالوه ليش عمو نورة تصارخ وايد ؟
حصة : مادري حبيبي
دخلت مها
مها : هلا ، شو اتسون
حصة : ماشي اعطي ولدج حلاوة
مها : اها انزين قومي انرتب الميلس
حصة : ليش؟؟
مها : ربيع ذياب بيي اليوم ، و الخدامه عندها شغل فنحن بنسير انرتبه
حصة : اوكي يالله ، بس شيخوه وين من الصبح ما جفتها؟
مها : اتصلت فيني و قالت انها في بيت عمي
حصة اضايجت لانها تعرف ان مها تروح بيت عمها حق اجوف احمد .....
المهم نزلت مها و حصة تحت عشان يرتبون الميلس

و في بيت عمهم شيخة يالسة في الصالة مع عمها و احمد .. بس عمها اترخص قال بيسير العزبة مع غانم (ابو شيخة ) لان عندهم شغل فتمت شيخة مع احمد بروحهم و فاطمة كانت راقدة
شيخة : امك وين ؟
احمد : سارت الجمعية
شيخة : اوكي و فاطمة ؟
احمد : ليش انا هب سادنج تبين فاطمة
شيخة : لا سادني و زيادة بس اسال
شيخة : احمد
احمد : فديت هالصوت ..شو تبين ؟
شيخة : احمد انا ياية اليوم بيتكم عشان اقولك شيء
احمد : قولي انا اسمع
شيخة : احمد انا الصراحة ........
احمد : يالله كملي شو الصراحة
شيخة : احبــــــــــــــــــــــ ك
احمد كان يعرف ان شيخة اتحبه من حركاتها ودلعها جدامه
احمد يمزح : شو بتسوين اذا قلت لج انا ما احبج
شيخة يوم سمعت هالكلام قامت و كانت بتطلع برع
لكن احمد مسكها من ايدها بالقو ( طبعا شيخة مستانسة )
احمد : وين رايحة ؟
شيخة : احمد انا ضيعت كل هالشهور و الايام في حبك و الحين عرفت انك ما تحبني ليش ما قلتلي من قبل ؟
احمد : شواخي عاد عن الدلع انا كم شيخة عندي .. كنت اقص عليج اصلا انا اموووووووووت فيج
شيخة مستحية : صدق
احمد : هيه صدق و بعد الي تبينا انا بسويه لج ، مستعد يالله آمري بسرعة قبل لا اغير رايي
شيخة بدون ما تتردد : اباك اطلعني بسيارتك انروح البحر مع بعض
احمد انصدم من شيخة كيف يطلع معاها بروحه من دون ما يدرون اهله ، لكن شيخة ما خلته لين ما وافق
و ركبت شيخة جدام و احمد عدالها و كانت سيارته مخفي وهم طالعين كانت امه رادة من الجمعية بس ما انتبهت ان في حد قاعد مع احمد
و كانت الساعة تقريبا 6 ونصف ، وصلوا البحر و كان ما في وايد ناس نزلوا و قعدوا على حصاه عدال االبحر .. و تموا اسولفون

في بيت غانم خلصوا حصة و مها ترتيب الميلس فسارت مها المطبخ اتقول حق الخدامة اتسوي عصير بعدين سارت فوق عند ولدها اما حصة كانت في الميلس ادخنه ... اتصل فيها ذياب قالها ان هو عند الباب مع سعيد عشان تطلع من الميلس و بسرعة حصة طلعت و نست المدخن و مبايلها فقالت خلاص يوم بيسير بييب المبايل

سارت حصة فوق و هيه اتفكر في احمد
اما في البحر شو صار
شيخة : احمد انت صدق اتحبني ؟
احمد : هي صدق شو عيل اجذب
شيخة : انزين ما فكرت في شيء ؟
احمد : في شو تبيني افكر ؟
شيخة :احمد عاد ما فكرت فيني
احمد : انت دوم في بالي حبيبتي
شيخة :انا هب قصدي هذا
احمد: انزين شو قصدج قولي
شيخة :مافكرت تزوجني
احمد :..........................
شيخة : شو فيك احمد ليش سكت ما عجبك الكلام
احمد :شيخة انا ما فكر بالزواج الحين انزين
شيخة : شو ما تفكر في الزواج ها لين متى تباني اتم جي ، و لا بس تبانا نطلع من دون ما يدرون اهلنا ؟
احمد : هذه اول و اخر طلعة معاج
شيخة : تبا تسكتني بهالكلمتين ، احمد اتزوجني و فك عمرك
احمد : شيخة لا تييبين طاري الزواج تفهمين قلت ما ابا اتزوج فهمتي و لا شو
شيخة مدمعة : ودني البيت ما ابا اقعد معاك
و هم في السيارة رن تيلفون احمد و كان متردد يرد و لا لا فرد عليه
احمد يتكلم بالفرنسي : salut ( مرحبا )

احمد : bonne gue&#39;rison ( اهنئك بالشفاء )

احمد : Excusez-moni de n&#39;avoir pas pu exaucer votre demand ( اعتذر عشاني ما لبيت طلبك )

احمد : Au revoir ( الى اللقاء )

وصلت شيخة البيت كانت الساعة 7,30 و كانت متضايجة من الخاطر، و هيه راكبه فوق جافت مها
مها : هلا شيخو
شيخة : اهلين
مها : شو فيج شيخة ؟
شيخة :ماشي متضايقة اشوي ، و دخلت حجرتها و تمت اتصيح و اتقول ليتني ما اتكلمت

ركب ذياب فوق و سار حجرته و سعيد في الميلس يترياه فرن تيلفون حصة و حصة كانت بتدخل المطبخ يوم سمعت تيلفونها يرن سارت
الميلس و يوم دخلت جافها سعيد انصدمت حصة بس على طول طلعت يعني سعيد ما لحق يجوفها عدل ، فقام سعيد و شل التيلفون و حطاه جدام الباب ، حصة جافت ايده فخافت ، و يوم جافت التيلفون عرفت انه يايبلها تيلفونها و شلته و سارت عند مها .. و سعيد مستانس هب مصدق انه جاف حصة ، رجع ذياب عند سعيد

اما شيخة فكانت زعلانه و ما تبا اتكلم احمد

و اليوم الثاني الكل في الدوام و حصة في المدرسة قاعد في غرفة المدرسات لان ما عندها حصة و قاعدة اتسولف مع وحدة من المدرسات ...
مريم : حصة شو رايج اليوم نطلع مع بعض
حصة : انزين بس وين انروح ؟
مريم : انا عازمتنج على العشاء
حصة : ان شاء الله انا بجوف الاهل و برد عليج خبر اليوم
مريم : اترياج ...
مريم كانت اتحب حصة من اول يوم داومت فيه و حستها فنانه و محترمة فاتعرفت عليها و صاروا ربيعات

الظهر ردت حصة البيت و غيرت ملابسها و صلت الظهر ، بعدين نزلت تحت الكل كان يترياها عالغدى
حصة : مرحبا
مها : هلا
بوذياب : هلا بالزين
ذياب : انورت و اسفرت
شيخة : شو هذا الترحيب كله حق حصة ، و انا شو حقي
بوذياب : انت شيخة البنات شو تبين اكثر من هذا
مها : ابوي
بو ذياب : آمري
مها : عادي اسير المرور افتح ملف حق الليسن
بوذياب : عندكم دريول
مها : بس احسن اطلع ليسن و الدريول طلعوا و انا بوصل حصة الدوام
بوذياب : على راحتج ما عندي مانع
مها : اوكي نورة شو رايج تين معاي و انت بعد طلعي ليسن
نورة : انا اشعرفي في السواقة ما عرف اسوق اخاف ادعم
الكل يضحك.......
مها : اذا ادربتي ما بتدعمين
نورة : الصراحة انا اخاف ما ريد انت خذي ليسن و انا بفكر
حصة : ابوي انا اليوم ربيعتي مريم عازمتني على العشا اسير و لا لاء
بوذياب : سيري حبيبتي
شيخة : وين في أي مطعم ؟
حصة : مادري ما اتخبرتها العصر برمسها

رقدت حصة بعد الغدى و العصر قامت و صلت العصر و بعدين رن تيلفونها
حصة : مرحبـــــــــــــــــــــ ـــــــــــــا الحمد لله يوم دقيتي
فاطمة : اهلين ، حرام عليج هب انت ما اتدقين
حصة : كل ما ادق مغلق او مشغول
فاطمة : المهم انا بقولج شيء بتستانسين وااااااايد
حصة : شو صار
فاطمة : انخطبت
حصة : والله
فاطمة : هيه صدق
حصة : مبروووووووووووووووووووووو وك و منو سعيد الحظ
فاطمة : ولد خالتي
حصة : و شو وافقتي ؟
فاطمة : ابوي و امي و احمد راضيين
حصة : وانت ؟
فاطمة : شورايج ؟
حصة : اكيد موافقة
فاطمة : هيه
حصة : المهم انا يمكن ازوركم باجر او عقبه و احين بخليج اوكي
فاطمة : اوكيك مع السلامة

و اتصلت حصة في مريم و قالتلها انها بتسير معاها ... وطبعا مريم بتمر على حصة لانها اتسوق سيارة</span></font>

[العامري]

<font color='#000000'>بصراحه &nbsp;القصه روووووووووووووووووووووووو ووووووووووووووووووووووووو ووووووووووووووووووووووووو ووووووووووووووووووووووووو ووووووووووووووعه &nbsp;تسلمين والله <img src="http://oasis.bindubai.com/emoticons/smile.gif" border="0" valign="absmiddle" alt=':)'> <img src="http://oasis.bindubai.com/emoticons/smile.gif" border="0" valign="absmiddle" alt=':)'> <img src="http://oasis.bindubai.com/emoticons/smile.gif" border="0" valign="absmiddle" alt=':)'></font>

[درة الشرق]

<font color='#000000'>تسلمين ونترياا التكلمه</font>

[ماوحشتك]

<font color='#000000'><span style='color:blue'>زين تستاهل شيخوه .. &nbsp;<img src="http://oasis.bindubai.com/emoticons/tounge.gif" border="0" valign="absmiddle" alt=':p'> &nbsp;ما ابغيها تاخذ احمدوه .. <img src="http://oasis.bindubai.com/emoticons/tounge.gif" border="0" valign="absmiddle" alt=':p'> &nbsp;واصلا شكله
ما يحبها .. والله وناسه فطوووم انخطبت .. عقبال حصوه م اتاخذ سعيد .. <img src="http://oasis.bindubai.com/emoticons/blush.gif" border="0" valign="absmiddle" alt=':b:'>

&nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp;فديتج لو اطولين لنا الجزء شويه .. <img src="http://oasis.bindubai.com/emoticons/blush.gif" border="0" valign="absmiddle" alt=':b:'></span></font>

[بنت دبي]

<font color='#810541'>هلا أختي عاشقة الكتب

ترا القصة بدأت أحداثها تحلو

فلو سمحتي لا تتأخرين علينا في الأجزاء الثانية

إذا طولتيها وايد بتستوي مب حلوة <img src="http://oasis.bindubai.com/emoticons/smile.gif" border="0" valign="absmiddle" alt=':)'>

يلا نحن في انتظار البقية

بنت دبي</font>

[بن دبي]

<font color='#000000'>مشكوره على القصه...ونتريا التكمله<img src="http://oasis.bindubai.com/emoticons/sad.gif" border="0" valign="absmiddle" alt=':('> <img src="http://oasis.bindubai.com/emoticons/biggrin.gif" border="0" valign="absmiddle" alt=':D'></font>

[عاشقة الكتب]

<font color='#000000'><span style='color:purple'>مشكورييييييييي� �ن على الردود ...هذه التكمله
و العصر سارت حصة تحت و حصلت حمد مع شيخة يالس يلعب و قعدت عندهم
حصة : شيخو بتين معاي
شيخة : وين ؟
حصة : المطعم وي ربيعتي
شيخة : لا خليكم مع بعض خذو راحتكم ، بس أي مطعم ؟
حصة : قصر الهند
شيخة : واو عاد الاكل الهندي لذيييييييييييييذ
حمد : خالوه حصة ابي اروح الدكان

حصة : ان شاء الله حبيبي بوديك
حصة : شيخوه عيل مهايه وين ؟؟
شيخة : في حجرتها ما نزلت

دخل ذياب و بوذياب كانوا رادين من المسيد و قعدوا عندهم

بوذياب : سمعتوا الخبر الإديد ؟
نورة نزلت : و شو هو الخبر الإديد ؟؟
بوذياب : احمد ولد عمكم بسافر فرنسا مرة ثانية
شيخة : شوووو بسافر ؟؟؟؟&#33;&#33;&#33;&#33;&#33;&#33;&#33;&#33;&# 33;&#33;&#33;&#33;&#33;
بوذياب : هيه شو ياج زاعقتي *صارختي* ؟؟
شيخة : لاماشي ....
قامت حصة بتسير فوق
بوذياب : حصة يلسي وين سايرة ؟
حصة : بسير اجوف مها
و راحت حصة حجرتها و عيونها كلها دموع واتفكر واتقول ما كمل من رد غير شهر و اشوي و بسافر ليش ؟؟ شو هالحظ ...

اما شيخة من الطرف الثاني ماسكة عمرها و ما تبا اتفكر فيه من بعد اللي صار..

وسعيد في حال... حصة في باله ليل و نهار ..
لكن ما يعرف شو يسوي ..

سارت حصة حجرة مها و دقت الباب و دخلت كانت مها ماسكة مبايلها و دموعها على خدها حصة قعدت عدالها
حصة : مها شو فيج ؟
مها تمسح دموعها : لا ماشي
وقامت راحت الحمام ..
حصة شلت المبايل و جافت رقم ريل مها و عرفت ليش كانت اتصيح و على طول مسحت الرقم عشان مها تنسى الماضي...

و في المطعم حصة و مريم يالسات يسولفن ...
حصة : بنت عمي انخطبت
مريم : مبروك وعقبالج..
اتعشوا بعدين ردت حصة البيت و قعدت مع اهلها و لعبت حمد بعدين سارت ترقد..
واليوم الثاني قرروا ازورون قوم عمهم عشان يباركون حق فاطمة
وفي بيت عمهم .......

فاطمة وامها وعمها قاعدين في الميلس مع قوم عمهم .. لكن احمد ما كان في البيت و حمدت شيخة ربها لانها ما تبا اجوفه
و تموا اسولفون و يضحكون ...
نورة : ها شيخة ما قلتيلنا متى الملجة ؟
فاطمة : ان شاء الله بعد اسبوعين يوم الخميس

وفجأة و هم اسولفون انفتح الباب و دخل احمد
احمد : هلا و الله العايلة مجتمعة و ما اتخبروني ، و يت عينه في عين شيخة لكن شيخة نزلت عينها بسرعة
و سلم على عمه و قعد عند ذياب اسولف معاه
نورة : سمعنا انك بتسافر
احمد : هيه ان شاء الله يوم الاربعاء يعني ورى باجر
حصة و بدون ما اتحس : و ليش بتسافر هب سادينك اهل بوظبي بتسير عند الفرنسيين ؟؟
احمد انصدم من حصة ، و حصة حست انها متقفطة و ويها احمر و ما عرفت شو اتسوي
احمد : لا و الله فديتهم هل بوظبي محد يسواهم عندي لكن انا عندي شغل في فرنسا و لا زم اسير
حصة : اتروح و اترد بالسلامة
احمد : الله يسلمج
و تموا اسولفون و بعد العشا ردوا البيت

و اليوم الثاني الظهر حصة ما ياها رقاد فقالت بتنزل تحت اتجوف تيلفزيون
يوم نزلت حصلت حمد راقد على الكرسي و يتنفس بصعوبة فسارت بسرعة عنده و حطت ايدها على راسه و كان في حمه قوية ... حصة خافت و ركضت عند ذياب
حصة : ذياب قوم الحق على حمد فيه حمه و يتنفس بصعوبة قوم بنوديه المستشفى
و قام ذياب اتلبس و بسرعة نزل و حصل حصة شالة حمد و ساروا مستشفى خليفة و قالوا لازم انرقده في المستشفى
حصة : ذياب احين شو بنقول حق مهايه
ذياب : انا بتصل حق ابوي و بخبره و هو بتصرف
واتصل في ابوه و قاله كل شيء
و كان حمد راقد و حاطيله مغذي
دخل الدكتور
ذياب : خير يا دكتور
الدكتور : الولد عنده حمى قويه و ما بتروح بسرعة و هذه الحمى وايد خطيره واتصيب الاطفال ..
ذياب : انزين يعني كم بتم عندكم ؟
الدكتور : يمكن اسبوع .....

وصل بوذياب و مها و قعدوا عند حمد و بعد نصف ساعة فتح عيونه و سارت مها عنده و حظنته و حست ان جسمه كله حار ،،
حمد : ماما ليش انا داخل مستشفى ؟
مها : حبيبي لانك مريض ..
حمد : اريد اروح بيت
مها : لا لازم تقعد هني عشان تستوي بخير

مها : ابوي انا برقد عند حمد اليوم
بوذياب : لا ذياب برقد
ذياب : هيه انا برقد عند حمد
والساعة تسع تخلص الزيارة فطلعوا و تم ذياب مع حمد ..

اليوم الثاني قامت مها من الساعة سبع و حصلت ابوها و حصة قايمين بروحون الدوام فقالت حق ابوها انها بتسير المستشفى عند حمد ...
وصلت مها المستشفى الساعة تسع و دخلت حجرة حمد لكن ما حصلت لاحمد ولا ذياب
فراحت عند الاستقبال و سألتهم عند حمد و قالولها يمكن في غرفة الالعاب .. راحت غرفة الالعاب و حصلت ذياب يالس يلعب حمد
مها : ذياب سير انت البيت و انت راك كلية، و انا بقعد عند حمد
ذياب : لا انا ما بداوم اليوم بسير روضة حمد و بخبرهم انه في المستشفى ...
مها : زين اتسوي
و يلست مع حمد و كانت صحته اشوي احسن .....و قعدت اتلعبه ..
حمد : ماما اريد اروح معاج بيت
مها : حبيبي لازم تستوي بخير و بعدين بوديك البيت
حمد : انا بخير وديني بيت
مها : ان شاء الله حبيبي ...

اما حصة في المدرسة ..
حصة : مريم عندج حصة سابعة اليوم ؟
مريم : اليوم لا ما عندي ليش انت عندج ؟؟
حصة : لا بس اباج تين معاي بفصل عباء ..
مريم : اوكي ماعندي مانع بس أي محل اتسيرين ؟
حصة : MY FAIR LADY
مريم : هذا اللي في ماركس اسبنسر؟
حصة : هيه
مريم : اوكي
حصة : و بعد ما انخلص تنزلين في بيتنا انا عازمتنج عالغدى
مريم : لا حصة خليها مرة ثانية ، شكلي مبهدل اليوم
حصة : يالله عاد مبهدل و لا غيره بتين معاي ..
مريم : ان شاء الله ...

ذياب راح مدرسة حمد و قاللهم انه في المستشفى و بعدين رد البيت حصل نورة توها نازلة تحت سلم عليها و سار حجرته برقد لان امس ما رقد عدل في المستشفى ..
و اول ما حط راسه على المخدة رن مبايله ...
احمد : هلا ذياب
ذياب : اهلين احمد
احمد : شومشغول ؟
ذياب : لا انا في البيت احين برقد
احمد : ليش هب مداوم ؟
و قال ذياب حق احمد السالفة كلها و قرر ازور حمد اليوم العصر ..
احمد : اقول انا متصل عشان اخبرك اني باجر الساعة خمس بسافر
ذياب : و متى بترد ؟
احمد : بعد شهر او شهرين
ذياب : يعني ما بتحضر ملجة فاطمة ؟
احمد : لا هب حاضر الملجة بس العرس
ذياب : اتروح واترد بالسلامة
احمد : الله يسلمك

و الظهر يت مريم واتغدت عند حصة و يوم طلعت سارت حصة و غيرت ملابسها و سارت مع الدريول عند مها لانها بروحها وودتلها من غدى البيت و يوم دخلت حصت ابوها قاعد مع مها و حمد راقد
بوذياب : هلا بالزين
حصة : اهلين اشحالكم ؟
بوذياب ، مها : تمام الحمدلله
حصة : ها يبتلكم غدى البيت
مها : مشكورة حياتي

مها : ابوي سير البيت من متى انت عندي روح ارتاح
بوذياب : لا انت سيري انا بقعد
مها : ابوي و غلاتي عندك سير ارتاح
بوذياب حب حمد على راسه و طلع بيسير البيت
و العصر حصة طلعت بتسير تشتري عصير حق مها من الكافتيريا و هيه تمشي احمد كان ياي و يوم مر من عدالها
حصة : احمد انت هني ؟
احمد : منو حصة ؟
حصة ( كانت متغشية ) : هي انا حصة
احمد : اشحالج بنت عمي
حصة : الحمدلله بخير انت اشحالك ؟
احمد تمام بس انت وين سايرة ؟
حصة : بسير الكافتيريا اييب عصير حق مها
احمد : يالله انابيي معاج ما بخلي بنت عمي بروحها
حصة طاير من الوناسة
احمد : انا باجر ان شاء الله الساعة خمس مسافر فرنسا
حصة متضايقة : اتروح و اترد بالسلامة
احمد : الله يسلمج
حصة تمت ساكته دخلوا الكافتيريا و اشتروا عصير و طلعت و هيه ساكته ،،،،،،،
وفجأة حصة : احمد
احمد : نعم
حصة : بتوله عليك
احمد : ...............
حصة : آسفة اذا قلت شيء غلط
احمد : انا بعد بتوله عليج
حصة استانست و استانست زيادة لان احمد بقعد عندهم في الغرفة
دخلوا الغرفة و كانت النيرس اتجوف حرارة حمد و يوم خلصت حطت مغذي و طلعت و احمد طلع وراها
احمد : شو حرارة حمد اليوم ؟
النيرس : الحرارة وايد مرتفعة اكثر من امس
رجع احمد الغرفة لكن ما قال حق مها أي شيء و قعد عندهم و تموا اسولفون
حصة : عيل فطيم ليش ما يت معاك ؟
احمد : سارت اجوف فستان حق الملجة
حصة : اها

اترخص احمد عشان عنده اشوي شغل و اول ما طلع من باب المستشفى كانت شيخة بتدخل و كانت مع نورة بس نورة كانت تشتري لعبة حق حمد و شيخة سبقتها
احمد : شيخة
شيخة سوت عمرها ما سمعت شيء و دخلت و لا سوت حق احمد أي سالفة

المهم قعدوا كلهم مع بعض و تموا اسولفون ..
و الساعة تسع طلعوا و يا ذياب عشان يرقد عند حمد ...
مها كانت تعبانه بس ما ياها رقاد و رقدت الساعة 2 و الساعة 4 خاز الرقاد عن عينها ما تعرف ليش و حست بخوف و ان شيء بصير و تمت تقرا قرآن لين ما حست بالراحة</span></font>

[بن دبي]

<font color='#000000'>مشكوره على التكمله.....بس ما تحسين انها قصيره شوي.....زيدي الاجزاء مره ثانيه.........اوكيه .........سلامي</font>

[ماوحشتك]

<font color='#000000'><span style='color:blue'>مشكور اختيه على التكمله ..
&nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp;وننتظر البقيه ...</span>


&nbsp;<span style='color:red'>ملاحظه :</span>
<span style='color:blue'>&nbsp; لو ااتزودين السوالف والحورات من بينهم .. &nbsp;صدقيني القصه بتحلى اكثر
يعني مثلا من بين حصه وربيعتها .. احس ما فيه من بينهن سوالف او كلام
بس كلمه كلمتين .. &nbsp;وبس .. .. وجي بتبين العلاقه والصداقه الي من بينهم ..

&nbsp; &nbsp; &nbsp;ما بس حصه وربيعتها .. والباجين بعد ..
<img src="http://oasis.bindubai.com/emoticons/smile.gif" border="0" valign="absmiddle" alt=':)'></span></font>

[عاشقة الكتب]

<font color='#000000'><span style='color:purple'>الجزء الاخير

و الصبح الساعة 9 نزلت مها تحت و اتريقت و بعد عشر دقايق نزلت نورة
نورة : صباح الخير
مها : مرحبا صباح النور
نورة : متى بتسيرين عند حمد ؟
مها : بعد اشوي
نورة : اوكي انا بيي معاج

اتريقت نورة و طلعوا ساروا المستشفى عند حمد و ذياب اترخص سار البيت عشان يرتاح
مها : حمد اشحالك اليوم ؟
حمد : بخير

دخل الدكتور
الدكتور : انت والدة حمد
مها : هي
الدكتور : انزين احب اقولج الحين حمد بخير و تقدرون تاخذونه معاكم البيت
مها استانست و لمت اغراض حمد و ساروا البيت

و العصر زاروهم قوم عمهم
فاطمة : عيل وين حمد ؟
حصة : فديته راقد فوق
حصة كانت يالسة عدال فاطمة فحصة دقت فاطمة و قالتلها بصوت خفيف
حصة : فطيم احمد راح المطار
فاطمة بصوت عالي عشان الكل يسمع : صح نسيت اخبركم احمد خلاص ما بسافر
مها : ليش؟؟؟؟؟
فاطمة : امس حلفت عليه انه لازم يحضر ملجتي و طبعا هو ما عنده اخت غيري و بعد الحاح وافق ما يسافر
حصة مستانسة اما شيخة مضايقة و مستانسة نفس الوقت

و اليوم ملجت فاطمة و كل البنات في الصالون
شيخة : شورايكم فيني ؟؟
نورة : اتخبلين
حصة : و انا
مها : قمر
و خلصوا الساعة 8 و كلهم كانوا مطقمين في اللبس ما عدا فاطمة
و في بيت العروس مرتبشين البنات و يرقصون و فاطمة كانت قاعدة على كرسي
و الساعة 10:30 دخل المعرس و قعد عند فاطمة و الساعة 12 طلع و سارت حصة عند فاطمة و سلمت عليها و قعدت عندها و الساعة 1 رجعوا البيت

في يوم كانت حصة ملانة فقالت حق مها : مها انا ملانه خلينا نظهر
مها : اوكي شو رايج انسير بوظبي مول انودي حمد يلعب
حصة : اوكي بسير اجوف شيخة بتي ولا لاء
و شيخة كانت تبا اتروح عند ربيعتها و نورة مالها نفس تظهر فسارت حصة ومها وحمد بوظبي مول
و لعبوا حمد و هم طالعين من المركز جافت حصة سعيد و حست بشيء غريب و تمت اطالعه لين ما طلعوا
و تمت اتفكر فيه لأول مرة بشكل غريب و سعيد ما فارق خيالها و هيه ما تعرف ان سعيد يموت فيها

ومرت الايام وعرست فاطمة و كانت روعة و حصة كانت حلوة و فاتحة شعرها

و حمد كبر صار في الصف الثاني و احمد كل سنة كان يسافر فرنسا و شيخة ما اتكلم احمد الا في المناسبات

و في يوم احمد يالس مع ابوه و كانت فاطمة وريلها عندهم
احمد : ابوي
بو احمد : لبيه
احمد : اريد اعرس
بو احمد : اخيرا سمعت هالكلمه و منو تباني اخطبلك؟
احمد : من بنات عمي
فاطمة استانست وايد و قالت في خاطرها اخيرا يا احمد فكرت في حصة و كانت بدق حق حصة لكن قالت احسن اتكون مفاجأة

و يوم الخميس احمد قال حق ذياب انهم بيون عندهم اليوم و رحب ابهم
و وصلوا قوم احمد و كلموا بوذياب

بوذياب : ان شاء الله انا برمس البنت و برد لكم خبر
و اتعشوا عندهم و ردوا البيت

و اتصلت فاطمة في احمد
فاطمة : ها شو صار ؟؟؟
احمد : عمي قال برمس شيخة و بردلي خبر
فاطمة انصعقت يوم سمعت اسم شيخة و هيه فرحانة تتحرى حصة اللي بياخذها اخوها
احمد : فطيم وينج
فاطمة : ها معاك ،انزين وشو قالوا
احمد : برمسون شيخة و بردولي خبر
وتموا اسولفون بعدين بندت عنه

اما في بيت بوذياب
كلهم قاعدين في الصالة
بوذياب : شيخة ترى احمد ولد عمج اليوم يا عنا و خطبج
حصة انصدمت و سارت حجرتها على طول
شيخة منزلة راسها وهب مصدقة
بوذياب : ها شيخو شو قلتي ؟
شيخة : اللي اتجوفه
بوذياب : فكري و بعدين خبريني
شيخة : ان شاء الله
و نورة ومها مستانسين اخيرا حد بعرس من اخواتهم

وحصة في حجرتها اتصيح و اتقول ليش يا احمد انا شو سويتلك ما اتحبني ....

و اليوم الثاني العصر يت فاطمة اتزور قوم عمها وسلمت على عمها و مها وتمت اتسولف بعدين ظهربوذياب بيسير العزبة عنده شغل
فاطمة : مها عيل وين حصة ؟؟؟؟؟
مها : فوق اوديج حجرتها محد فوق غير البنات
فاطمة : لا ماعليه انا بسير بروحي
دخلت فاطمة على حصة و سلمت عليها
حصة تمت ساكته وفاطمة تعرف ليش
وفجأة ما قدرت حصة تمسك عمرها و تمت اتصيح
فاطمة : حصوه حبيبتي لا اتصيحين
حصة : انا ليش حظي جذي ليش شو سويت ؟؟؟؟؟؟؟
فاطمة : حصوه انت تعرفين ان المحبة ماتجي في كل روح حصوه في ناس نحن انحبهم و يكونون غاليين علينا اما نحن انكون مجرد شخص عادي و يكونون اجاملونا ، و في ناس العكس ، ويمكن احمد ما حس انج اتحبينه او ما دخلتي قلبه و سوري عشاني قلت هالكلام
حصة : لا عادي خلاص احمد صار شخص عادي و اوعدج يا فاطمة اني مابفكر فيه، و الله ضيعت عمري كلا ، بس هذا المكتوب يصير
هدت حصة و تموا اسولفون وبعدين سارت فاطمة

نزلت حصة و ما حصلت حد غير نورة و كانت نورة معصبة و يت نورة صوب حصة و مسكتها من ثبابها و تمت تظربها و حصة مستغربة ماسوت شيء و تمت تضربها بالقو و حصة اتصيح
نورة : اخر زمن تبين تاخذين ريل اختج شيخة ها
حصة : شو... انا... ماقلت شيء
نورة : انا سمعت كل شيء انزين ، و دزت حصة على الارض بالقو حصة ما عرفت شو اتسوي و تمت اتصيح و فجأة دخل بوذياب و جاف حصة اتصيح ونورة راكبة فوق
نورة خافت
بوذياب يصارخ : نورة تعالي
نزلت نورة و عطى بوذياب كف حق نورة على ويهها
بوذياب : آخر زمن اتمدين ايدج على بنتي ها ، و الله ما اتوقعتها منج
نورة : جوف بنتك شو اتقول
بوذياب : بني اعرفها زين ما قالت أي شيء غلط من كانت صغيره لين هذا اليوم
سارت نورة فوق و هيه اتصيح

و قعد بوذياب عند بنته
حصة : ابوي و الله ما قلت شيء غلط والله
بوذياب : حصة حبيبتي اعرف خلاص لا اتصيحين
حصة : ما عرف ليش نورة تكرهني
بوذياب : لا نورة ما تكرهج ، حصة احين انت سيري اغسلي ويهج
حصة : ان شاء الله

و في بيت سعيد
ام سعيد : سعيد ترى انا اليوم سرت و خطبتلك
سعيد : شو خطبتيلي ؟؟؟؟؟؟؟؟؟؟
ام سعيد : هي خطبتلك و ما فيها شيء كل الامهات يخطبون حق عيالهم
سعيد : بس امايه ليش ما قلتيلي قبل
ام سعيد : احين خطبتلك و خلاص ابا اجوف عيالك لين متى بتم جي ....

سعيد اضايق وايد و طلع سار ا لبحر و تم افكر في حصة و يقول خلاص هذا المكتوب مالي نصيب معاج يا حصة ليش
ليش و الله كنت اتمنى اخطبج و اتمين معاي لكن خلاص ما بتحقق اللي اباه ، اعرف انج ما اتفكرين فيني لكن انا احبج مووووووووووت ........

و اليوم الثاني العصر شيخة نزلت سارت عند ابوها و قعدت عنده
شيخة : ابوي انا بقولك جوابي
بوذياب : ها شيخوه شو
شيخة : انا موافقة
بوذياب : بالمبارك بنتي ، انا اليوم بخبر عمج

و اتصل بوذياب حق اخوه و قاله ان شيخة موافقة و احمد استانس عشان شيخة رضت و وافقت ، و ملجت شيخة و صارت كل يوم اتجوف احمد وهب مصدقة ..

و اليوم عرس شيخة و البنات ساروا الصالون و اتعدلوا و كل بنت احلى عن الثانية و طبعا حصة قمر كانت لابسة فستان لونه وردي فاتح و هيه بيضة و كانت اتبين حلوة ، &nbsp; &nbsp; &nbsp;
انتظروا التكمله</span></font>

[عاشقة الكتب]

<font color='#000000'><span style='color:purple'>تموا البنات يرقصون و بعدين دخلت شيخة و كانت وايد حلوة .... بعد فترة دخل أحمد و ابوه وابو شيخة و البنات اتغشوا و حصة ما خوزت عينها عن أحمد و اتقول في خاطرها إن شاء الله تستانس مع شيخة و اتعيشون حياتكم في سعادة ، قعد احمد عدال شيخة و تموا يتكلمون ،
شيخة : اخيرا اتحقق الي كنت اباه
احمد : و ان شاء الله تستانسين معاي
شيخة : اذا ما استانست معاك مع منو بستانس

خلص العرس و حصة و مها و نورة طلعوا عشان يردون البيت مع ذياب ..
و اليوم الثاني العصر يت شيخة و أحمد بيت ابوها عشان اتسلم عليهم و قعدوا يسولفون و حصة كانت عادية جدام احمد و تمت اتسولف و ما كانت مستحية لانها قررت تنساه و يتم احمد ولد عمها مش حبيبها و اتعيش حياتها مرتاحة بدون تفكير...

و بعد ايام في بيت احمد
شيخة : أحمد ما ودك انسافر مع بعض ، مثل انروح فرنسا ؟
احمد : ها لا حبيبتي خلينا في بلادنا احسن ..

رن تيلفون احمد و رد عليه و طلع برع و يوم خلص رجع عند شيخة
شيخة : منو متصل فيك؟
احمد : ربيعي
شيخة : انزين ليش طلعت برع ؟
احمد : شيخة لا تمين تسألين وايد انزين
شيخة : احمد انا شو سويت ليش اتصارخ
احمد : اوف ..

وفي بيت سعيد
ام سعيد : سعيد البنت اللي خطبتلك اياها رفضت تاخذك
سعيد فرحان : ها صدق امايه ، الحمدلله
ام سعيد : ليش مستانس ، المفروض تزعل
سعيد : ليش ازعل انا اصلا كنت اباها ما توافق و اتحقق اللي اباه
ام سعيد : انت شو عندك هب صاحي
سعيد : لا و الله صاحي و الحمد لله


اما في بيت حصة ، يالسة حصة مع مها ويسولفون ونورة كانت رايحة السوق
و فجأة يسمعون صوت صرخة قوية برع البيت و صوت سيارة و حست مها ان شيء صار و قلبها يعورها و بسرعة لبست شيلتها و سارت صوب الباب و حصة لحقتها و يوم طلعوا حصلوا سيارة نيسان داعمة ولد ، نزل الدريول من السيارة و قربت مها من الولد و يوم جافت ويها كان ولدها حمد اللي داعمتنا السيارة : حمد ولد مها الوحيد ، حمد اللي بقالها من ريلها ، حمد اللي ربته سنين حتى صار في الصف الثالث الابتدائي ، حمد اللي ما يرقد من دون امه ، حمد اللي كان يفرحها ، حمد اللي كان يدرس بس عشان امه ، حمد الطفل البريء اللي الكل يحبه توفى

مها من الصدمة اغمى عليها اما حصة ماعرفت شو اتسوي هب مصدقة طاحت على الارض و تمت اتصيح و اتصيح و تحضن حمد اللي ثيابه كلها دم ، بعد عشر دقايق يت الاسعاف و شلت حمد و مها و ودتهم المستشفى
وصل بو ذياب ذياب و نورة البيت و على طوا راحوا ورى سيارة الاسعاف ، المل منصدم من اللي صار محد مصدق شو استوى ...

وفي المستشفى الطبيب يجوف اذا حمد حي و لا اتوفى ، لكن حمد فارق الحياة دخل بوذياب و ذياب و حصة ونورة غرفة حمد و حصة نورة يصيحون و ذياب ما قدر يمسك نفسه طاحت دمعته على خده و طلع برع تم يصيح و بوذياب يحاول يهديهم ،
قامت مها و هيه ما تعرف شو اتسوي وودوها عند ولدها و اول ما جافت حمد و لوت عليه و تمت اتصيح و اتصيح و ما قدرت تتحمل
مها و هيه اتصيح : حمد قوم حمد انت حي ما مت حمد ارجوك رد علي ، حمد افتح عينك ، حمد انا امك مها ليش رحت عني انا اريدك معاي ، حمد ليش خليتني و رحت عند ابوك ليش تكرهوني وتخلوني بروحي ،
حصة يوم جافت اختها في هذه الحالة ما قدرت تتحمل و تمت اتصيح زيادة ، بوذياب حضن مها و حاول يهديها
مها و هيه اتصيح : ابوي انا شو سويت ليش صارلي هذا ؟
بوذياب : مها هذا المكتوب يصير ، اذكري ربج و لا اتصيحين
و فجأة انفتح الباب و دخلت شيخة و عيونها كلها دموع و حضنت مها و تموا يصيحون و حصة راحت عندهم و تمت اتصيح و نورة قاعدة على الكرسي و اتصيح منصدمة من اللي صار
رجعوا البيت و راحوا الرياييل المقبرة يدفنون حمد

و في البيت مها الدموع ما وقفوا عن عينها كل ساعة اتصيح اكثر و حصة بعد اتصيح و اتصيح
نورة قعدت عند مها و حاولت اتهديها
نورة :مها سيري صلي و اذكري ربج ..
مها قامت و اتمسحت و صلت و بعدين يلسوا كلهم يقرون قرآن
و اليوم الثاني يوا الناس يعزون مها ، و فاطمة و شيخة كانوا كل يوم في العزة ايون و اليوم الثاني من العزة كانت حصة يالسة تقرى قرآن فدخلت حرمة و يت صوب حصة و يوم جافتها حصة كانت ربيعتها مريم و قامت سلمت عليها
حصة : كيف عرفتي ؟؟
مريم : سعيد اخوي يعرف اخوج و هو قالي و قلت لازم ايي اعزيكم
حصة انصدمت يوم عرفت ان مريم اخت سعيد لكنها ما قالت و لا شيء
و بعد ربع ساعة طلعت مريم و سارت حصة عند مها
حصة : مها قومي كلي شيء ليش جي اتسوين في عمرج
مها : ان شاء الله احين بيي
و سارت مها تتعشى مع الناس و بعدين طلعوا الناس
و مها طول الوقت ساكته ما اتكلم حد


و بعد ايام اتحسنت حالة مها لكنها كانت حزينة في داخلها ، بس حصة حست بأن مها فيها شيء و حاولت معاها و قالتلها خلاص انسي اللي صار ، و بعد شهور نست مها اللي صار و رجعت نفس قبل ..

لكن شو اللي صار مع شيخة و احمد

شيخة كانت وايد مضايقة من احمد لان وايد يتكلم في التيلفون لكن ماتعرف مع منو
و كل ما تسأله منو اتكلم يغير الموضوع على طول
و في يوم كانت شيخة قاعدة في البيت و رن التيلفون و ردت عليه
شيخة : الو السلام عليكم
مارسيليا : can I speek with ahmed , please?
( ممكن اكلم احمد لو سمحتي )
شيخة : who are you??
( منو انتي ؟؟ )
مارسيليا : im ahmeds wife ,marselya
( انا حرمة احمد مارسيليا )
شيخة : what&#33;&#33;&#33;&#33;
( شووووووو؟؟؟ )
سكرت شيخة التيلفون من الصدمة ودقت حق احمد و قالتلي أي البيت بسرعة
و ما قدرت تتحمل فصاحت و هيه اتقول : انا براويك يا احمد ،
دخل احمد البيت
احمد : نعم شو هو الشيء الضروري اللي تبيني عشانه ؟؟
شيخة : احمد قولي منو هذي مارسيليا
احمد : ها.. اشدراني
شيخة : و الله احمد انت متزوج علي صح
احمد : و كيف عرفتي
شيخة : اتصلت على البيت و رديت عليها
احمد : هيه هذي حرمتي و ما حبيت اقولج عشان ما تضايقين ،
شيخة : نعم ما اضايق ، احمد طلقني
احمد : شو لا يا شيخة
شيخة : احمد طلقني ماريد اعيش معاك
احمد : شيخة حرمتي هذيج بعيدة و انا ما اجوفها خليني معاج
شيخة : احمد طلقني و لا بخبر كل حد اعرفه و خصوصا ابوك و ابوي انزين
احمد : لا يا شيخة خلاص اسوي اللي تبينه بس وعد ما اتخبرين حد اني متزوج
شيخة :وعد
احمد : شيخة انت طالق طالق طالق
سار احمد المحكمة و ياب ورقة طلاق حق شيخة ، شيخة جهزت اغراضها عشان اترد بيت ابوها
و يوم خلصت

شيخة : احمد احين انابقولك كل شيء ،الصراحة انا عمري ما حبيتك
احمد : ما حبيتيني ، جذابة انت اتموتين فيني
شيخة : لا يا احمد انا اصلا فحياتي ما فكرت فيك انزين
احمد : و ليش اتزوجتيني عيل
شيخة : اصلا حصة اختي اتحبك و انا سمعتها و هيه اتكلم اختك فاطمة و اتقوللها انها اتحبك و دايما اتفكر فيك و انا ما حبيت هالشيء و قلت اذا حصة قالتلك انها اتحبك انت راح تزوجها لكن انا سبقتها و حبيت اخرب عليها لاني ما اباها اتعرس قبلي و انا اتم جي في البيت ، و كل الحركات اللي سويتهم تمثيل في تمثيل ، و ألحين انا ما اباك و الحمد لله يوم طلقتني ..
احمد ما حس بعمره إلا و هو يعطي شيخه كف
شيخة : احمد انت هب من حقك تضربني انزين
احمد :شيخة انت انانية انانية الحمدلله يوم طلقتج ، بس انا براويج شو بسوي انزين
شيخة : اكون في علمك ترى حصة خلاص نستك

ردت شيخة بيت ابوها و قالتلهم انها ما ارتاحت مع احمد و قررت يطلقها و فهموا الموضوع ..

وبعد شهرين تقريبا احمد قاعد مع ابوه
احمد : ابوي انا بخطب بنت عمي حصة
بو احمد : شو ، يا احمد ما فينا على الفضايح خذت بنتهم و طلقتهاو احين بتاخذ البنت الثانية ، و لا بعد الكل عرف انك متزوج برع
احمد : يا ابوي خلاص انا هذيك طلقتها و احين بتزوج وحدة عشان اعيش معاها و اسوي عائلة
بواحمد : انا هب راضي على اللي بتسويه
احمد : خلاص اللي تباه هب ساير اخطبها
بواحمد : هي هذا ولدي اللي يسمع الكلام

و في بيت بوذياب
ذياب : ابوي باجر ربيعي سعيد وابوه بيون عنا
بوذياب : حياهم الله
و اليوم الثاني يوا قوم سعيد تموا يسولفون
بوسعيد : الصراحة يا بو ذياب انا ياي اخطب بنتك حصة حق ولدي سعيد
بوذياب : ان شاء الله برمس البنت و برد خبر

قال بوذياب حق حصة كل شيء و بعد ما فكرت و صلت استخارة
بوذياب : ها شو قلتي ؟؟
حصة مستانسة : رايي من رايك يا ابوي
بوذياب : يعني موافقة
حصة :هي

و ملجت حصة ، وعرف احمد و انقهر وايد بس قال اكيد حصة اذا خطبتها ما كانت بتوافق

وفي يوم زارهم سعيد و قعد مع حصة
سعيد : والله يا حصة انا وايد مستانس يوم عرفت انج موافقة
حصة : تعرف يا سعيد ان المحبة ما تجي في كل روح يعني انا قبل يوم جفتك ما حبيتك لكن احين الله اللي حطها لك في ضميري احبك موووووت..
&nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; النهايه
أتمنى تكون نالت إعجابكم
و في انتظاااااار الردود و الآراء</span></font>

[درة الشرق]

<font color='#000000'>تسلمين عاشقة الكتب القصه رووووعه

صدق المحبه ما تجي في كل روح

درة الشرق</font>

[العامري]

<font color='#000000'><img src="http://oasis.bindubai.com/emoticons/smile.gif" border="0" valign="absmiddle" alt=':)'> <img src="http://oasis.bindubai.com/emoticons/smile.gif" border="0" valign="absmiddle" alt=':)'> &nbsp;تسلم ايدج الغاليه بس &nbsp;بليييييييييييييييز &nbsp;بسرعه ننتظر &nbsp;التكمله <img src="http://oasis.bindubai.com/emoticons/smile.gif" border="0" valign="absmiddle" alt=':)'></font>

[بنت دبي]

<font color='#810541'>مشكووووووووووورة اختي على القصه

الصراحه القصة رائعه .. والحمدلله إنها الحلقة الأخيرة

وصدقتي يوم قلتي <span style='color:red'><span style='font-size:15pt;line-height:100%'>المحبة ما تجي في كل روح</span></span></font>

[العامري]

<font color='#000000'>اختي الغاليه&nbsp; ننتظر التكمله&nbsp; لاتتاخرين علينا&nbsp; يعلني افداج <IMG src="http://oasis.bindubai.com/emoticons/biggrin.gif" border=0></font>