المحبه ما تجي في كل روح

[بن دبي]

<font color='#000000'><span style='color:royalblue'>يزاج الله خير ،، قصه حلو <img src="http://oasis.bindubai.com/emoticons/smile.gif" border="0" valign="absmiddle" alt=':)'></span></font>

[عاشقة الكتب]

<font color='#000000'>

<img src="http://oasis.bindubai.com/ubbc/smileys/0040.gif" align=absmiddle border=0>&nbsp;<img src="http://oasis.bindubai.com/ubbc/smileys/0040.gif" align=absmiddle border=0>&nbsp;<strong><font color=#009900 size=3>تسلمووووووووووون كلكم على الردود <img src="http://oasis.bindubai.com/ubbc/smileys/0040.gif" align=absmiddle border=0>&nbsp;<img src="http://oasis.bindubai.com/ubbc/smileys/0040.gif" align=absmiddle border=0></font></strong></p>


<strong><font color=#009900 size=3>و أنا فرحانه لأن القصة نالت اعجابكم <img src="http://oasis.bindubai.com/ubbc/smileys/0203.gif" align=absmiddle border=0>&nbsp;</font></strong></p>


<strong><font color=#009933 size=4>و أحب انبه بعض الإخوان إلى أن هذه هي نهاية القصة و لا يوجد تكمله <img src="http://oasis.bindubai.com/ubbc/smileys/0064.gif" align=absmiddle border=0></font></strong></p></font>

[بن دبي]

<font color='#000000'>مشكوره على التكمله.....بس ما تحسين انها قصيره شوي.....زيدي الاجزاء مره ثانيه.........اوكيه .........سلامي</font>

[بنت دبي]

<font color='#810541'>يلا أختي كملي القصة تراج شوقتينا</font>

[عاشقة الكتب]

<font color='#000000'><span style='color:purple'>وصلوا البيت والكل رقد اما نورة وصلت البيت الساعة 2.30
و الصبح قاموا الساعة 11.30 و تمت نورة اتسولف و تمدح اختها و بنات عمها
و بعدين ساروا ذياب و بو ذياب المسيد اصلون الظهر اما البنات صلوا في البيت....
يوا قوم عمهم يتغدون معاهم و كان احمد موجود في الصالة يتريا ذياب اما الباقين كانوا في الميلس ، وشيخة نازلة بدون شيلة و شعرها مفتوح و كانت صابغتنه يعني حلوة اتبين و اول ما دخلت الصالة جافت احمد ، تم احمد اطالعها و يقول في خاطره ( هذي شيخة بكل هالجمال )استحت شيخة وويها إحمر و ركضت بسرعة برع ...
اتحجبت و دخلت مرة ثانية منزلة راسها وويها أحمر
شيخة : اشحالك احمد ؟
احمد : الحمدلله انت اشحالج ؟
شيخة : دام انك بخير انا بعد بخير
احمد استغرب من شيخة لانها اول مرة اتكلمه بنفس و بطريقة ثانية ، و من عادتها انها ما تعطي احمد ويه لكنها اتغيرت فجأة
شيخة : ليش قاعد بروحك؟
احمد : اتريا ذياب سار فوق و بعده ما رد
شيخة بدلع و نظرات غريبة : تتريا ذياب و لا تترياني ؟
احمد ما رد عليها و لا اهتم إلها ، و دخل ذياب و شيخة سارت الميلس اتسلم على عمها و قعدت معاهم اتسولف ...
( نورة ما كانت موجودة سارت بيت اهلها )

اما سعيد يفكر في حصة يبا يكلم ذياب و يقوله انه يحب اخته لكن اتردد و ما اتصل ... و قاعد يسمع :
و الله لحظة مانسيناك و الله حبك ضايقيني تحلا لي الدنيا بلقياك لي صار كفك في يديني ........
قررت حصة و فاطمة اسيرون المارينا لكن طبعا مع ام فاطمة ..
ساروا المارينا العصر و كان سعيد في المارينا فاتصل حق ذياب علشان إيي عنده .. وصل ذياب و تموا يتمشون و مروا من جدام محل nine west و حصة كانت داخل و عاقة الغشوة عن وييها فجافها سعيد و ما عرف شو يسوي فقال حق ذياب انه يوعان ويبا ياكل في الكوفي اللي يقابل هالمحل ..
طلب سعيد شيء ياكله و ذياب طلب كابشينو ...
كان سعيد قاعد بطريقة غريبة ، كان يجوف المحل اللي حصة فيه و يجوف ذياب بنفس الوقت و ما خلا ذياب يحس انه يطالع حد
ذياب : سعيد شلي شله
سعيد : شو جايفني جدامك شاعر و لا عيضة ؟
ذياب : و الله عيضة احسن عنك ... يالله شل خلنا نسمع صوتك
سعيد : احم احم شو تبا تسمع من برنامج ما يطلبه المشاهدون ؟ هاهاهاهاها
ذياب : يالله عاد جان بتشل شل و إلا اسكت
طلعت حصة من المحل و طبعا متغشية لكن سعيد عرفها و مرت من جدام الكوفي و سمعت حد يشل يوم لفت إلا سعيد و ذياب و انصدمت لان صوته كان رهيب يجنن ، طول ما هي ما شياعينها على سعيد ، اما ذياب فكان سرحان و ما انتبه حق حصة و فاطمة و مرت عمهم
وكان سعيد يشل : مالوم عيني تسهر عليك و احلمك في غمضت عيوني طبعك حلو ميت انا فيك واللي شراتك من يكوني.........
ذياب : سلمت..صوتك وايد حلو
سعيد : تسلم ..
حصة ماتحب سعيد لكنها تمت اتفكر فيه .. و اتقول في نفسها "مستحيل احب سعيد مستحيل ماحب حد غير احمد "
حصة ما تقدر تنسى احمد اللي طول الوقت في بالها ( احمد شخصيته وايد حلوه و هو من بونه وسيم و طويل و عيونه تذوب الواحد لكنه عمره ما فكر يحب بنت و لا مرة فكر يغازل بنت )
واليوم الثاني الصبح حصة و ذياب مع بعض في الصالة
حصة : شو ذياب ما بنسافر السنة ؟
ذياب : و الله ما دري .. بسال ابوي اليوم
حصة : تدري ذياب خاطرية اسافر العالم كله
دخل بو ذياب و نورة ويلسوا وياهم
ذياب : ابوي ما بنسافر هالاجازة ؟
بوذياب : و الله انا كنت مخطط انسافر مصر
حصة : الله مصر ، يعني بنسافر
ذياب : هي بتسافرون ....، وانت يا نورة شو رايج بتسيرين مصر ؟
نورة : و الله عادي عندي بسير ، و هذي مصر الكل يمدحها
بوذياب : و متى تبون اقص التذاكر
نورة : الاسبوع الياي عسب نتجهز
بوذياب : ها حصة الاسبوع الياي زين؟
حصة : هي زين
( واتدور خطة في بال نورة ما تبا حصة اتسافر وياهم و تبا اتخرب عليهم السفرة )

يوم الاحد قرر بوذياب يسير يقطع تذاكر بس ما قال حق حد ... و نورة على بالها بسير يوم السبت .. المهم مرت الايام وهذا يوم الجمعة و نورة تبا أي فرصة علشان اتنفذ خطتها ، و اختارت وقت المغرب لان محد يكون في البيت غير حصة و شيخة ونورة
و المغرب نورة يالسة في الصالة و هي اتجوف تيلفزيون قطع عليها صوت التيلفون فردت عليه و كانت فاطمة متصلة تبا اتكلم حصة
نورة : ها فطوم اترييني بسير ازقر حصة
فاطمة : ok
سارت نورة عند السلم : حصة ......... حصة حبيبتي تعالي بسرعة تيلفون .. يالله تعالي فطيم تباج ضروري..
سمعت حصة خالتها تزقرها فنزلت بسرعة تركض و فجأة وهيه تركض اتزحلقت ريلها و طاحت على ايدها و ظهرها....... وطبعا حصة الحين متألمه و ما تقدر تقوم ..
نورة : حصة فديتج شو صارلج ..؟؟
ودخل ذياب البيت فجاف حصة طايحة و ركض عندها و شلها و قعدها على الكرسي
نورة ما تعرف شو اتسوي فراحت و قالت حق فاطمة ان حصة مشغولة
ذياب: نورة شو صار حق حصة وكيف طاحت ؟
نورة : ما دري حصة الله يهديها كانت تركض على السلم فطاحت
لمح ذياب ان على السلم زيت فقال : و هذا الزيت منو حاطنه على السلم ؟
( كانت نورة هيه اللي حاطة الزيت حق حصة )
نورة : مادري مش انا ، انا توني اجوفا
ذياب : شو ، الزيت مايي هني إلا بسبب ( ذياب ما يحب نورة يكرها )
نورة : اسمع ذياب قلتلك انا ما حطيت شيء تفهم و لا لا ، يمكن الخدامة
حصة : ذياب ما اقدر احرك ايدي
ذياب : ما تقدرين .. حاولي مرة ثانية
حصة : ما اقدر اتعورني وايد
راح ذياب فوق و ياب شيلة وعباة حصة و لبستهم وو داها المستشفى
واتصل ذياب حق ابوه و قاله شو استوى ،
و في المستشفى جبسوا ايد حصة لانها مكسورة و رجعوا البيت
و يوم دخلت حصة البيت حصلت ابوها ، لوى عليها بالقوة و عطاها باقة ورد
بوذياب : سلامات حصة و ما جوفين شر
حصة : الله يسلمك و الشر ما ييك ابوي
نورة : سلامات حبيبتي
حصة : الله يسلمج
سارت حصة حجرتها و هيه داخله جافت شيخة
شيخة : هلا ، شو فيها ايدج ؟ ( اونها ما تعرف )
حصة : ماشي انكسرت
شيخة : محد قالج تركضين على السلم
دخلت حصة حجرتها و هيه تفكر و تقول ليش شيخة جذي تعاملني ما جني اختها ، ليش تكرهني انا شو سويت و تمت اتصيح
و دخل ذياب عليها بعد ما دق الباب
ذياب جاف حصة تصيح راح و قعد عدالها
ذياب : حصوه حبيبتي ليش اتصيحين ؟
حصة : مافيني شيء
ذياب ك حصوه انا اعرف ليش اتصيحين ، علشان شيخة صح ؟
حصة : كيف عرفت ؟
ذياب : سمعت كل شيء
حصة :...............
ذياب : حصوه ما عليج منها هذا كلا من نورة هيه خلتها جذي ، حصوه انا معاج لا تفكرين اني بستغنى عنج في يوم مثل ما سوت شيخة لا يا حصة انا احبج ، ولا تمين اتصيحين انا عندج اذا كنت تبين شيء تعالي حجرتي و صدقيني ما بردج ، و اذا كان شي في خاطرج قولي علشان ترتاحين ... المهم انت ارقدي الساعة الحين 12 و انا بعد بسير ارقد
حصة ارتاحت من كلام ذياب
اما نورة من الصوب الثاني مع بو ذياب في الحجرة
نورة : ها غانم حبيبي متى بنسافر ؟
بوذياب : ما بنسافر من دون حصة
نورة : ليش يعني خلنا انسافر و حصة بعدين تيي مع ذياب
بوذياب : لا يا نورة انا اتهمني صحة حصة و هب مسافر لين ما يفتحون الجبس عن ايدها يعني بعد شهر
نورة : نتريا شهر كامل ، يعني نهاية شهر سبعة بنسافر
بو ذياب : هي
نورة عصبت وايد
و اليوم الثاني يت فاطمة و احمد عسب يسلمون على حصة و يطمنون عليها
فاطمة : سلامات غناتي
حصة : الله يسلمج
احمد : ما تجوفين شر حصة
حصة مستحية و منزله راسها : الشر ما ييك
نزلت شيخة و لقت احمد و فاطمة و سلمت على فاطمة و سارت صوب احمد
شيخة ( مسويه عمرها مستحية ) : هلا احمد
احمد : اهلين
شيخة : اشحالك ؟
احمد : بخير الحمدلله انت اشحالج ؟
شيخة : والله انا تمام ...إلا اقول ما بتسافرون السنة ؟
احمد : لا انا عندي دورة في فرنسا و لازم اسير و ترى هذي اول مرة و ما بفوتها ....
شيخة : اها .. نحن بنسافر مصر
احمد : ان شاء الله تستانسين
شيخة : ان شاء الله
لاحظت حصة تصرف شيخة و انصدمت لان اول مرة اجوف شيخة اتكلم احمد
حس احمد ان شيء يجذبه لشيخة و حس انه يرتاح إلها و يوم يجوفها يستانس .......... سبحان مغير الاحوال
و مرت الايام و كثرت الزيارات لبيت بو ذياب و كثرت السوالف من بين احمد و شيخة و قامت شيخة تروح بيت عمها بس علشان احمد..
و قرب موعد سفر احمد
مرت شيخة من جدام حجرة حصة و كان الباب مفتوح فسمعت حصة تتكلم في التيلفون ، دخلت عليها
شيخة : حصوه وين الابتوب مالج ؟
حصة : لحظة اشوي فاطمة ، ها شو تبين شيخة ؟
شيخة : حشا انت ما تشبعين من فاطمة؟ المهم الابتوب مالج وينه ؟ يالله بسرعة هب فاضتلج
حصة : في الكبت خذيه
شيخة : نعم اخر زمن انا خدامتج قومي هاتيه
حصة : بس انا اتكلم في التيلفون الحين
شيخة : جب بسرعة قومي هاتيه و بعدين جنه مكالماتج مهمة الحين مالت ...
عطت حصة الابتوب حق شيخة و كانت متضايقة وايد من تصرفها
حصة : هلا فاطمة ، سوري اذا تاخرت عليج
فاطمة: لا غناتي ما عليه ،( حست فطمة ان حصة متضايقة ) المهم انا بخليج الحين
حصة : اوكي باي

واليوم الثلاثاء بسافر احمد ، و قبل ما يسافر راح بيت عمه علشان يسلم عليهم
دخل احمد الصالة و كانت حصة اطالع تيلفزيون
احمد : هلا بالزين هلا ( احمد اتغير و صار كل ما يجوف بنت تعجبة يغازلها ، احمد صار شخص ثاني )
حصة مستغربة من تصرف احمد : اهلين
احمد : اشحالج بنت عمي حصوه ؟
حصة : الحمدلله بخير انت اشحالك ؟
احمد : تمام ,,,,,,,,,,,
احمد : عيل وين الاهل ؟
حصة : الحين بسير ازقر ابوي وذياب ......... سارت حصة فوق علشان تزقرهم يسلمون على لحمد و اول ما عرفت شيخة ان احمد تحت نزلت على طول من دون ما تغير ملابسها ، كانت لابسة قميص نوم ايده قصيره
دخلت شيخة الصالة : هلا احمد اشحالك ؟
احمد: الحمدلله و انت اشحال الحلوين ؟
شيخة : دامك بخير انا باحسن حال
احمد : انا اليوم بسافر الساعة 11 الفليل
شيخة : احمد انا بتوله عليك وايد لا تتأخر عليه
احمد : و انا بعد بتوله عليج يا حبيبتي
شيخة : صدق
و دخل ذياب و بو ذياب الصالة و سلموا على احمد
بوذياب : ها شيخوه وين عيل نورة ؟
شيخة : ما دري في حجرتها اظن مشغولة
بوذياب : انزين سيري قولي حق الخدامة اتسوي عصير
شيخة : ان شاء الله ابوي
و سارت شيخة اتقول حق الخدامة
و بعد ربع نصف ساعة طلع احمد من عندهم و سار البيت يقعد من اهله


اما سعيد يتصل على ذياب لكن محد يرد عليه فقرر انه يتصل على البيت لانه يبا ذياب ضروري
رن تيلفون البيت و ردت شيخة على التيلفون
شيخة : مرحبا
سعيد : مرحبتين ، ذياب موجود
شيخة : و منو يباه ؟
سعيد : سعيد
شيخة : سعيد ذياب مشغول الحين
سعيد : بس انا اباه ضروري
شيخة : انزين انت تعراف رقم مبايله اتصل فيه و فكني من حشرتك
و هني ذياب دخل الصالة و سمع شيخة تتكلم في التيلفون مع واحد ، شيخة يوم جافت ذياب سكرت التيلفون في ويه سعيد
ذياب : منو متصل ؟
شيخة : مادري واحد مغلط
سار ذياب صوب التيلفون وجاف الكاشف و حصل رقم سعيد و إلتفت صوب مها
ذياب : شو الكلام اللي قلتيه حق الولد ؟
شيخة : ماقلت شيء انزين
ذياب : عن الجذب انا سمعت كل شيء انزين ، و من الغيض عطى شيخة كف على ويها وشيخة راحت حجرتها بسرعة و هيه تصيح
دخلت نورة الصالة و جافت ذياب
نورة : شو اللي صار؟
ذياب : اسالي شيخة و جوفي جان بتقولج
نورة : شيخة ما تسوي شيء غلط انزين
قال ذياب حق نورة اللي صار و نورة ما اهتمت


&nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; ان شاء الله يعجبكم و اسمحولي على التقصير
&nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; و ترى الاحداث الياية فنانة و ان شاء تعجبكم</span></font>

[عاشقة الكتب]

<font color='#000000'><span style='color:deeppink'>تسلمين درة الشرق على الطله<img src="http://oasis.bindubai.com/emoticons/blush.gif" border="0" valign="absmiddle" alt=':b:'> <img src="http://oasis.bindubai.com/emoticons/blush.gif" border="0" valign="absmiddle" alt=':b:'>
بنت دبي على الرد و أن شاء الله بكملها و أتمنا تنال اعجابكم<img src="http://oasis.bindubai.com/emoticons/smile.gif" border="0" valign="absmiddle" alt=':)'> <img src="http://oasis.bindubai.com/emoticons/smile.gif" border="0" valign="absmiddle" alt=':)'> <img src="http://oasis.bindubai.com/emoticons/smile.gif" border="0" valign="absmiddle" alt=':)'></span></font>

[عاشقة الكتب]

<font color='#000000'><span style='color:purple'> المحبة ماتجي في كل روح

الشخصيات:
- حصة: أهم شخصية في القصة و عمرها 20 سنة
- مها: اخت حصة الكبيرة و هي معرسة و عندها ولد أسمه حمد
- شيخة اختهم و هيه اصغر من مها و تشتغل
- ذياب : اخوهم و عمره 18 سنة في الكلية
- غانم : أبوهم
- نورة: مرت ابوهم وعمرها 28 سنة
- امهم اتوفت يوم كان عمر حصة 16 سنة


يوم الخميس
حصة في المطبخ قاعدة اتسوي الريوق، دخلت عليها نورة (مرت ابوهم )

نورة : يالله عاد متى بتخلصين الريوق...بسرعة تراني يوعانة.
حصة : ان شاء الله الحين بخلص.
نورة : يوم بتخلصين هاتيه في الصالة.

راحت نورة الصالة
غانم : حصة خلصت الريوق؟
نورة: لا بعدها الحين بتخلص
غانم : انزين ليش ما ساعدتيها؟
نورة : قلتلها بساعدج لكنها حلفت علي ما اساعدها

خلصت نورة الريوق وودته عندهم في الصالة ، نزلت شيخة وذياب و قعدوا كلهم يتريقون مع بعض.

نورة : يابو ذياب ليش ما تييب خدامة ، كم بشتغل انا و حصة ما احب اجوف حصة تتعب (و تغمز حق شيخة)
غانم : ان شاء الله قريب

في حجرة شيخة... نورة دخلت على شيخة

نورة : شواخي بتسيرين معاي المارينا؟؟
شيخة: بتشترين حق عرس عنود ؟؟(عنود اخت نورة الوحيدة)
نورة : هيه وانت تعرفين ما بقى إلا أسبوع
شيخة : خلاص بيي معاج و بشتري حق العرس انا بعد..

مرت حصة من عدال غرفة شيخة و سمعت انهم بيسيرون المارينا

حصة : وانا ما اشترت شيء بيي معاكم
نورة : لا حبيبتي تمي هني ، نظفي البيت يمكن امي تيي اليوم
شيخة: انا بشتريلج فستان ، شو تبين بعد...

و ساروا المارينا و اشتروا اللي يبونه ، بعدين مروا على السوق واشتروا فستان حق حصة حيالله كلام ( يعني هب حلو ) و قالت نورة حق شيخة انها ما تبا حصة اتكون كاشخة و لا حلوة في العرس
( لأنها احلى وحدة فيهم الشعر طويل و العيون عسلية و طويلة و عليها بياض ما شاء الله يعني هيه حلوة من دون مكياج و هالخرابيط)

دخلت نورة على حصة

نورة : هالفستان حقج و تلبسينا في العرس فاهمة
حصة : مشكورة
وفرت عليها الكيس و طلعت
فتحت حصة الكيس و جافت الفستان و كانت الوانة هب حلوة و الموديل ما عجبها يعني عنقـــــــــــــاش و كان واسع عليها ..
شيخة : حصـــــــــــــــــــــة.. ....حصـــــــــــــــــــــ ــــة تعالي جوفي.....
دخلت حصة عليها و جافتها لابسة فستان روعة اجنن

شيخة: شو رايج بفستاني؟
حصة : وايد حلو
شيخة : أدري وايد حلو شلرتنة بألفين.....

حصة سارت حجرتها حصلت في مبايلها مس كول يوم جافت الرقم كانت ربيعتها متصلة ، ما اتصلتلها لانها كانت متضايقة..

يوم السبت

ذياب : حصة..حصة..حصوه يالله عاد قومي الساعة تسع..
حصة: شو تسع&#33;&#33;&#33;
ذياب : هيه .... ليش ما رحتي الكلية؟
حصة : اوه نسيت اضبط المنبه..و شيخة الله يهديها ما وعتني بعد ..الحين ما روم اداوم لان ان داومت والا ما داومت بحسبوني غيـــــــــــــــــــــاب .
ذياب : ok روحي اغسلي ويهج
حصة : انزين لكن انت ليش ما داومت؟
ذياب : عندنا اجازة عشان الامتحانات
حصة : هيه صح

و قامت غسلت ويها و نزلوا تحت يتريقون

ذياب: الحمدلله ابوي ياب خدامة
حصة: هيه و الله انا مرتاحة
ذياب : كل شغل البيت كان عليج

نزلت نورة و قعدت معاهم

نورة : سيري حصة هاتيلي خبز من المطبخ
ذياب : عندنا خدامة قوليلها اتييبلج
نورة : انا أريد حصة اتييبلي
حصة قامت بتييب خبز لكن ذياب مسكها ما خلاها تروح

ذياب : حصة ما تسيرين ...نورة حصة هب خدامة عندج انزين
ذياب و حصة راحوا فوق و خلوا نورة في الصالة، و في حجرة نورة رن تيلفونها

حصة : هلا والله
فاطمة: اهلين اشحالج
حصة: تما و انت
فاطمة : تمام الحمدلله بخير.... اقول حصوه
حصة : شو
فاطمة : بتطلعون اليوم؟
حصة : لا ما اعتقد
فاطمة : خلاص بني عندكم اليوم
حصة : حياكم الله نترياكم
فاطمة : إلا اقول انت مش في الكلية؟
حصة : لا ما قمت الصبح بسرعة و محد و عاني فغبت
فاطمة : أها ok عيل بخيخ حبي
حصة : ok بـــــــــــــــــــــأي

حصة : هذي فاطمة بنت عمي بون عنا اليوم
ذياب: كلهم بيون؟
حصة: ذيابو إلا هم فطوم و احمد و عمي وحرمته
ذياب : يعني كلهم
حصة : هيه كلهم

خبر ذياب ابوه ان قوم عمه بيون عندهم اليوم .
بعد ما صلوا المغرب وصلوا قوم عمهم راشد و رحب ابهم غانم و ولدة ذياب و حصة ، حصة و فاطمة قعدوا في الصالة اما الباقيين في الميلس..

فاطمة : و الله اتولهت عليج حصوه
حصة : انا اكثر
فاطمة : شو فصلتي حق عرس اخت نورة؟
حصة منزلة راسها :هيه و اختي شيخة ساروا المارينا و بعدين ما دري وين ساروا و اشترولي فستان عنقاش
فاطمة : okليش ما سرت وياهم؟
حصة : نورة ما خلتني و انت تعرفينها كيف تكرهني
فاطمة : جوفي حصوه انا بمر عليج يوم الاربعاء بعد الدوام او العصر و بنسير نشتري ويا بعض ..
حصة : و بوافقون اسير معاج ؟؟؟
فاطمة : انت خبري ابوج و ما اظنه ما بوافق..
حصة : و منو بوصلنا ؟
فاطمة : أحمد
حصة : أحمد&#33;
فاطمة : ها حصوه اشبلاج ، شو لين الحين اتفكرين في احمد؟
حصة : ها ... لا... لا ما افكر
فاطمة : حصوه انا اعرفج زين .. بس و الله مادري شو اقولج....&#33;&#33;
حصة : شو قولي
فاطمة : كلمة مرة ثانية عنج و قلتله شو رايك في حصة قال أنا يا فطوم ما فكر في الحب و البنات و هالخرابيط..
حصوه خلاص انسيه ... خليج عادية
حصة : والله يا فطوم ما اقدر ما اقدر دايم في بالي و كل ما اجوفة ما دري شو يستوي فيني احبه زيادة
فاطمة : انت لا تبينيلا و حاولي تنسينه صح في البداية ما بتقدرين لكن مع مرور الوقت يمكن..
حصة : بحاول.........

و راحوا اتعشوا و بعد العشا ردوا البيت

و اليوم الثاني الكل راح الدوام ما عدا نورة لانها ما تشتغل

العصر حصة نزلت تحت و حصلت ابوها في الصالة و قعدت معاه ..

حصة : ابوي و الله اتولهت على مها وايد ( اخت حصة اللي معرسة )
بو ذياب : هي والله انا بعد ، خلاص بخلي ذياب اوديج يوم الاربعاء العين عندها..
حصة : والله صـــــــدق&#33;&#33;&#33;&#33;
بو ذياب : هيه صدق عيل شو كم حصة عندي انا
نزلت نورة و قعدت معاهم

نورة : شو هو الصدق ؟
بو ذياب : ما شي حصة اتولهت على اختها مها و بتسيرلها يوم الاربعاء...
نورة : هيه ..... كنت بسير معاهم لكني مشغولة حق عرس اختي..

و ياء يوم الاربعاء و اجهزت حصة و طلعت هية و ذياب بعد ما ردوا من الكلية يعني الساعة وحدة وو صلوا الساعة اربعة ...

مها : هلا بالضيوف
ذياب: اهلين اشحالج مهاية ؟؟
مها : تمام ، هلا بالزين
حصة : اهلين حبيبتي شخبارج؟
مها : الحمدلله

و دخلوا صلوا العصر و بعدين تموا اسولفون و ذياب سار يلس مع ريل مها

مها : اشتقتلج وااااااااايد
حصة : انا بعد اكثر
مها : و شو اخبار نورة و عرس اختها
حصة : اونها مشغولة واااااااااايد
مها تضحك : و شو فصلتي؟
حصة : الصراحة لا نورة يتبتلي فستان عنقاش
مها : خلاص و لا يهمج بخلي ذياب اوديج العين مول
حصة : اوكي ، عيل وين حمد ؟
مها : راقد ما قام

وتموا اسولفون و بعدين دق تيلفون ذياب و رد عليه كان ربيعه سعيد في العين ، بعد المغرب سار ذياب و حصة العين مول
المهم حصة اشترت فستان و اشوية اغراض و هم نازلين ذياب جاف ربيعه و سلم عليه و حصة كانت واقفة ورى ذياب لأن المول كان زحمة و كانت شالة الأكياس و كانت الاكياس ثقيلة و كانت متغشية و فجأة طاحت غشوة حصة و سعيد ربيع ذياب جاف ويه حصة..


<img src="http://oasis.bindubai.com/emoticons/sweatdrop.gif" border="0" valign="absmiddle" alt=':swe:'> ان شاء الله عجبكم هذا الجزء و اتريوا الباقي <img src="http://oasis.bindubai.com/emoticons/whoohoo.gif" border="0" valign="absmiddle" alt=':who:'></span></font>

[ماوحشتك]

<font color='#000000'><img src="http://oasis.bindubai.com/emoticons/biggrin.gif" border="0" valign="absmiddle" alt=':D'> &nbsp;<span style='color:orange'>دخيييييييييييي� �ييييلج بسرعه ........ ..</span></font>

[عاشقة الكتب]

<font color='#000000'><span style='color:purple'>مشكوره أختي ماوحشتك على الطله<img src="http://oasis.bindubai.com/emoticons/blush.gif" border="0" valign="absmiddle" alt=':b:'> <img src="http://oasis.bindubai.com/emoticons/biggrin.gif" border="0" valign="absmiddle" alt=':D'> <img src="http://oasis.bindubai.com/emoticons/smile.gif" border="0" valign="absmiddle" alt=':)'></span></font>

[عاشقة الكتب]

<font color='#000000'><span style='color:indigo'></span>وصلنا يوم طاحت غشوة حصة و سعيد ربيع ذياب جاف ويها ، استحت حصة وويها إحمر و عدلت الغشوة بسرعة قبل لا يجوفها ذياب ، راح سعيد و رجع ذياب عند حصة و شل الأكياس عنها و ردوا بوظبي.
و في الطريق حصة تذكر الموقف اللي صار مع سعيد و مرة تذكر حبيب قلبها أحمد تمت ساكته فترة طويلة.......
ذياب : حصوه اشعندج ساكته؟
حصة : ها... لا ما شي
ذياب : متى بتخلصون الكلية ؟
حصة : الأسبوع الياي آخر أسبوع و كلا امتحانات يعني بدح..
ذياب يضحك
وصلوا البيت و على طول راحوا يرقدون لأنهم كانوا هلكانيين..

و الصبح..
بوذياب: نورة وين حصة؟
نورة : بعدها ما قامت..
شيخة : أمس ردوا متأخرين عشان جي راقدة
يو ذياب : انزين ليش ما وعيتيها؟
شيخة : دقيت عليها الباب كان مقفول

نزلت حصة الساعة 11:30

بوذياب : هلا و غلا
حصة : اهلين
بو ذياب : ها استانستي أمس؟
حصة : هيه واايد و مهاية اتسلم عليكم كلكم
نورة : الله اسلمها شخبارها؟
حصة : تمام الحمدلله

و سولفوا اشوي بعدين سارت حصة فوق عشان اذاكر لان الاسبوع الياي امتحانات و فجأة رن تيلفونها
فاطمة : هلا اشحالج حصوه؟
حصة : تمام ،انت اشحالج ؟
فاطمة : هب بخير
حصة : أفا ليش ؟؟؟؟؟
فاطمة : لأن في وحدة قالتلي بتسير معاي المارينا يوم الاربعاء و ماسارت معاي و لا حتى اتصلت.
حصة : هيه صح والله نسيت sorry فطوم انا يوم الاربعاء سرت عند اختي مها في العين و بالمرة اشترت فستان من العين مول
فاطمة : ok عطينا خبر ما بتين : اتصل فيج كلا مغلق
حصة : التيلفون نسيته في البيت
وتموا اسولفون و بعدين سكرت عنها و كملت دراستها
و مرت الأيام و امتحنت حصة و خلصت و طبعا هيه ما عندها ربايع إلا ثنتين و هب وايد معاهم يعني ربيعتها الروح بالروح هيه فاطمة ، و ذياب امتحن و خلص..

و اليوم عرس عنود خت نورة .. الكل مستانس و خصوصا نورة لأن عرس أختها ..
نزلت حصة العصر و حصلت أبوها في الصالة مع ذياب

بو ذياب : حصة انت هني .. ليش ما سرتي معاهم الصالون؟
حصة : ليش منوراح &#33;&#33;&#33;&#33;&#33;
بو ذياب : شيخة و نورة
حصة : ما دري ما قالولي
بو ذياب : احين تبيني اوصلج ؟
حصة : لا ابوي خلاص اكيد بيكون زحمة
بو ذياب : وين بتتعدلين عيل ؟
حصة : ودني بيت عمي بتعدل مع فاطمة هيه تعرف اتمكيج ..
بو ذياب : ok يالله سيري اتلبسي و شلي فستانج و قشارج معاج و يو م بتخلصين دقيلي
و هني حصة اذكرت احمد و قالت اذا سرت بجوف أحمد
بوذياب : ها حصوه يالله قومي

سارت حصة فوق ، اتصلت حق فاطمة و قالتلها انها بتي عندها هيه ناز لة اشوي و بأذن المغرب حصلت ذياب تحت متعدل و لابس العقال
حصة : ذياب وين ساير ؟
ذياب : و الله ساير عند ربيعي سعيد بيلس عنده اشوي و بعدين بنسير ويا بعض العرس الحبيب سيارته اختربت
حصة : ليش ربيعك يقربلهم
ذياب : هي يقرب حق هل المعرس

و سارت ويا ابوها بيت عمها و دقت الجرس فتح الباب أحمد
حصة : السلام عليكم
احمد : و عليكم السلام اشحالج حصة؟
حصة : الحمدلله بخير انت لشحالك
احمد : الحمدلله بخير .... أكيد تبين فطيم
حصة : هيه
احمد : فطيم فوق تترياج

و سارت حصة عند فاطمة و سلمت عليها
حصة : فطوم منو تتوقعين فتحلي الباب
فاطمة : امايه
حصة : لا أحمد
فاطمة : غريبة قاعد في البيت

و صلوا المغرب و اتمكيجوا بعدين يت تتصل حصة حق ابوها لكن فاطمة ما خلتها قالت لازم اتسيرين معانة و قالت حق ابوها انها بتسير مع فاطمة و امها

وطبعا نورة ما قعدت في العرس طول الوقت اتسلم على الحريم أما شيخة فعلى الكوشة قاعدة ترقص مع بنات عم نورة ، و حصة و فاطمة ماشاء الله ملاك حصة فاتحة شعرها و مسويه من الطرف بالرول و حاطة مكياج بنفسجي وفاطمة نفس الشيء ، اما مها ما حضرت العرس لان ولدها تعبان اشوي فتمت في العين ، و في حرمة قاعدة تسأل نورة عن حصة و اتقولها : منوهذيج البنت من قرايبكم ؟ نورة : هذي لا لا ما عرفها.. دخلت العروس و العروس ( عنود ) كبر حصة و هيه طيبو عكس اختها نورة .. سلموا على العروس و دخل المعرس .. بعدين طلعوا عشان اردون البيت و كان ذياب اللي بوصلهم اما فاطمة و امها ردوا مع الدريول
طلعت حصة و شيخة و سارن صوب السيارة فجافت ذياب واقف مع واحد .. قربوا من السيارة و قالهم ذياب انه بوصل ربيعه سعيد بيتهم مثل مل قلنا لان سيارته خربانه ...
شيخة كانت قاعدة ورى سعيد اما حصة ورى ذياب واذكر سعيد ان وحدة من هالبنات اللي جافها في العين مول ..
وشغل ذياب شريط عبدالله الرميثي ( شلات ):
لا تلوموني في حبه من زمان القلب مولع به اعشقه و اهواه من قلبي و لو يعذبني رضيت به لو يعذبني رضيت به....
واذكرت حصة احمد

وصلوا البيت و الكل رقد ، اما نورة ردت متاخر يعني الساعة 3

و اليوم الثاني يوم الجمعة البيت هدوء محد قام غير بو ذياب و اساعة 11:30 نزل ذياب و حصة و وراهم شيخة و نورة ..وقعدوا بعدين سار بوذياب وذياباصلون في المسيد اما البنات صلوا في البيت

بعد الصلاة يوا قوم عمهم يتغدون معاهم و كان احمد موجود و كان قاعد في الصالة يتريا ذياب أما الباقي في الميلس و شيخة نازلة بدون شيلة و شعرها مفتوح و كانت صابغتنة يعني حلوة اتبين و ما كانت تعرف ان احمد في الصالة و اول ما دخلت جافت احمد...
&nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; انتظروا الباقي .... &nbsp;<img src="http://oasis.bindubai.com/emoticons/biggrin.gif" border="0" valign="absmiddle" alt=':D'></font>

[درة الشرق]

<font color='#000000'>ننتظر التكمللللللللللله بسرعه عمررررررررييييييي

درة الشرق</font>

[بنت دبي]

<font color='#810541'>عاشقة الكتب

شوقتينا بقصتج الرائعة

ننتظر التكملة على أحر من الجمر

تحياتي لج

بنت دبي</font>

[عاشقة الكتب]

<font color='#000000'><span style='color:deeppink'>مشكوره بنت دبي على متابعة القصة <img src="http://oasis.bindubai.com/emoticons/smile.gif" border="0" valign="absmiddle" alt=':)'> <img src="http://oasis.bindubai.com/emoticons/blush.gif" border="0" valign="absmiddle" alt=':b:'>
و أنا فرحانه <img src="http://oasis.bindubai.com/emoticons/smile.gif" border="0" valign="absmiddle" alt=':)'> لأن القصة نالت اعجابك <img src="http://oasis.bindubai.com/emoticons/blush.gif" border="0" valign="absmiddle" alt=':b:'> <img src="http://oasis.bindubai.com/emoticons/down.gif" border="0" valign="absmiddle" alt=':dd:'> <img src="http://oasis.bindubai.com/emoticons/biggrin.gif" border="0" valign="absmiddle" alt=':D'> <img src="http://oasis.bindubai.com/emoticons/down.gif" border="0" valign="absmiddle" alt=':dd:'></span></font>

[عاشقة الكتب]

<font color='#000000'><span style='color:purple'>و مرت الايام و بيت بو ذياب اجهزوا حق السفر و اليوم موعد حصة عشان تفتح الجبس....
راحت حصة مع ذياب المستشفى و فتحوا الجبس عن ايدها و حصة واااااااااااايد استانست و يوم ردوا البيت حصلوا ابوهم يتكلم في التيلفون
بوذياب : الله يهديج لا تصيحين أحين انا يايينج
وسكر التيلفون
ذياب : خير ابوي شو صار ؟
بوذياب : انا لله و انا اليه لراجعون
حصة : ابوي شو صار ؟
بو ذياب : ريل مها اتوفى في حادث سيارة اليوم
و انا احين ساير العين ذياب بتي معاي ولا لا؟
ذياب : هيه بيي معاك
حصة دمعت و تمت اتفكر في اختها و قالت تبا اتروح معاهم لكن ما خلوها
وصل بوذياب العين العصر الساعة اربع و نصف و على طول راحوا المقبرة و حصلوا اهله قاعدين يدفنونه
و يوم خلصوا راحوا بيت اهله يعزونه ، و هم طالعين حصلوا مها راكبة السيارة بتسير بيتها و اول ما جافت ابوها نزلت و لوت عليه و تمت اتصيح
بوذياب : مها حبيبتي لا تصيحين الصياح ما منه فايدة و ادعي بان الله يغمد روحه الجنة
بس قوليلي انت وين سايرة ؟
مها : ابوي انا برجع معاكم البيت ما بقعد هني محمد راح عني ما برجع ابوي انا مابجوفه مرة ثانية ، وتمت اتصيح
ركبها ابوها في سيارته و ساروا بيت مها و قالوا حق الخدامه اتلم ثيابها عشان بردون بوظبي و كان ولدها حمد معاهم
وصلوا البيت الفليل الساعة 10
و كانت حصة تترياهم و اول ما دخلت مها سارت حصة و لوت عليها و مها اتصيح و ماقدرت حصة تمسك عمرها فصاحت معاها
ونزلت شيخة ونورة كانوا حزينين عشان مها ، قعدوا معاها و حالوا يهدونها
واليوم الثاني كلهم تحت قاعدين الا مها كانت في حجرتها و حمد قاعد يلعب
حمد : خالوه حصة ليش ماما اتصيح
حصة : ماشي حبيبي
حصة : انا بسير فوق ازقر مها تنزل
سارت حصة فوق و دقت الباب و دخلت
مها كانت منسدحة على الشرية
حصة : صباح الخير
مها : صباح النور
حصة : يالله تعالي تحت قاعدين نترياج عشلن نتريق مع بعض
مها اذكرت ريلها محمد و صاحت
نزلوا تحت و اتريقوا ، و طبعا ما بسافرون عشان مها لين ما تكمل العدة اربع شهور
زاروهم قوم فاطمة وعمها و عزوا مها ............. واهل مها طرشوا اغراضها و البيت باعوا ..
و مرت الايام و رجع احمد من السفر و قرر ازور عمه غانم
احمد : هلا مها شحالج ؟
مها : تمام الحمدلله انت اشحالك
احمد : الحمدلله بخير عيل وين عمي ؟
مها : احين بسير ازقرهم
دخل عمها و عياله و نورة عشان يسلمون على احمد ، و كانت شيخة فرحانة
حصة : عيل وين فاطمة ؟
احمد : سارت تشتري اغراض ويا امي ، اقول حصة وين ناوية تشتغلين ؟
حصة : وديت اوراقي الوزارة
احمد : ها مدرسة ان شاء الله
حصة : ان شاء الله بدرس عيالك
احمد : .......... ها ، ان شاء الله
و تموا اسولفون و ضحك و حمد ولد مها يخربط عليهم

و بدت المدارس و حمد دخل الروضة و حصة مدرسة ادرس انجليزي و مها قاعدة في البيت مع نورة ...

&nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; صح ان الجزء صغير بس اتمنى يعجبكم
&nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp;بانتظار ردودكم</span></font>

[درة الشرق]

<font color='#000000'>نتريا التكمله</font>