ياااسلاااااام ذكرتوني بايااام الرووضه والشطانه والسوالف الحلوة ...

من السوالف الحلوة اللي مانساها ... اني يوم كنت اصغيره دخلت الروضه عقب شهرين من الدوام

الدراسي .. وطبعا اتعرفوون كيف الطالب اليديد ايكوون بالنسبة للصف .. فكــــــــــــل البنات والاولاد بس يطالعوني ويمشون حواليه ويبوني امشي وياهم والعب وياهم في الفسحه ومن هالسوالف .. احيد كنت امشي وكل الكلاس امسوين دويره عليه ( ههه قايمين بالواجب ) .. واكثر اثنينه اذكرهم سيف وشمه .. سيف كان وااايد ويايه وشمه تكرهنا وكل يووووم كل يوووم تشتري سانتوب ( عصير) وتصوبه صوب ويهي ولا شعري وترشـــــــــه .. وارد البيت كل يوم شعري متلصق .. شوو السالفه ؟ شماااااااني جبت عليا عصيـــــــــــر ,, كان تقريبا يوميا هالشي يستوي .. وانا بس عندي سلاحي الوحيد .. لساني سباله وانتي سباله ودمووع .. بس هالكلمه ..

انا عندي قووول وهي عندهاا فعل ... ..

والسالفة الثانيه انه كان عندنا بنيه سودانيه في الكلاس .. فجأة هاي البنت تمت اتبااااغم واتقوول

( دايره قلــــــــم ) .. محد يدري شوو سالفتها ,, وكنت يالسه عدالها .. وهي مستمره دااايره قلم ودااايره قلم .. والابله بعد ماتعرف شوو تقصد هي .. وانا اقوولها ببراءه الله ماخلق قلم شكله دويري بس الله خلق قلم شكله جي ( اراويها قلم رصاص عادي ) .. والابله بعد نفس الشي اتقولها ياماما ماشي قلم

دائره .. بس قلم طويل .. ههههههه اخر شي ظهرت السالفه انه ( دايره قلم ) بالسوداني يعني ابغي قلم .. واحينه يوم ابا قلم اقوول دااااااااااايره قلم !!

وشي غبي بعد سويته انا يووم كنت في الروضه .. داومت شهرين وغبت عن الروضه 3 شهور
فجأة من غير سبب .. يحاولون فيني ارووح ماشي فايده .. امايه ابويه الابله الوكيله وماعرف منوو
ماااااااااااااشي فايده .. يحاولون يقنعوني بكل الاغراءات والطرق ماشي فايده .. ومحد يعرف ليش وكيف وشو السبب غيري .. واللي هو انه شي هندي كان يشتغل في الروضه وكنت اخاف منه انا لانه شكله لص ويشبه اللصوووص .. وكنت يوم اسيير الروضه يوم اشووفه اطالع اعيونه واشوفه كيف يحركها فووق وتحت ويميين ويسااار ويسويبهن حركااات .. عقب مارووم اتحمل واغمض عيوني واششششششششششرد ويتم قلبي يرقع الين اخر اليوم ..

بس عقب مارمت اتحمل والتخيلات كل يووم اتزيد عندي ومن الخووف كل يووم شكله ايي فبالي قبل لا ارقد وانه بيجتلني وماروم اخبر اهليه عليه لانه بيجتلني بسجينه اكبر لو خبرت عليه ههههه اخ مني كيف كنت غبيــــه .. حرمت عمري من اللعب والوناسه في الروضه كمن شهر بسبته ,,

ومشكووره يالدلووووعه عالموضوووع واجمل تحياتي لج