هيييييييييه يا دنيا ..
كبرنا والله
والله انا ذكرياتي كانت فضيعه ..
الي احيده .. اني كنت احب اكسر البيض يوم كنت اسير وي ابويه الجمعيه
وتدرون كيف اكسرهم ؟
اتعرفون يوم نلعب كيرم كيف نلعب بهال ( الاشياء الامدوره ؟؟ )
ايلس جيه اكسرهم وحده وحده
واحيد مره
( هالذكرى الي مستحيل انساها )
كنّـا سايرين
الغرير .. نشتري فساتين ومن محل اذكره بالضبط نشتري منه هو مب غيره اسمه
بالون
الموهيم
مره كنا نتشمى وجي .. ومرينا حذال محل يبيع ثياب بعد
شفت خيل عيبني ودش خاطري .. وعاد وين اتيودوني انا الدلوعه
عفست الدنيا و سويت قيامه
وانسدحت وفرشت و يلست اصيح
بس عشان اشتري الحصان الي العروسه راكبتنه ( العرايس اللي يلبسونهن الفساتين )
وألله ستر على قوم ابويه عاد هاذيج المره ان راعي المحل موجود ولا جان خليتهم يباتون في المركز هاذاجي اليوم لولز
ومعنه كان مال ديكور وجي .. بس عيبني وفعلا اشتراه بابا
وعلى فكره يومين ثلاث .. لعبت به ولاعت جبدي من الخيل و وفريته ولا جه موجود للوووولل
ولا موقف ثاني
ابويه هوّ الي كان الي يوصلني المدرسه يوم كنت صغيره جي صف اول وثاني
فـ من عادته طبعا هاذيج الايام يروح المكتب متاخر
وبما اني كنت من اليهال الي يفتحون اوبرا صياح .. كل يوم الصبح
كنت اداوم وي بابا الساعه عشر لولز
ولا بعد ما انزل .. ابويه يوقف ويقرا جرايد و يسمع رادو و يشرب جاي حليب وبعدين يوعيني انزل المدرسه
الموهيم
انا يوم كنت صغيره صح ان البشاكير يعطوني lunch box وجي
بس كان خاطري خاااااااطري اشتري من المدرسه
و كنت وايد اخاف من زحمة اليهال يدزوني و حاله وبعدين ايلس اصيح لأن البريك خلص وانا ما اشتريت لولز
واحيد كان في واحد اسمه سعيد ما ادري عتيج
و كل يوم ايني يقولي هاتي بشتري لج و يسير ولا يرد ..
( المصيبه كنت غبيه .. كل يوم طول السنه اعطيه و يسير ولا يرد )
وارد البيت مطنقره واليوم الثاني يعطوني عشر ولا عشرين وانا ع نفس الحاله
واحيد كان في واحد جذّااااااااب .. دوم يجذب علي انا وربيعتي
يسوي عمره ياكل التراب وما يموت ويقولنا انا سوبر مان .. وياكل اوراق الشير ومن هناك يقص علينا
عاد انا كنت خبله .. مره يابلي
( اتعرفون الشيره الي يوم اتقصون من اوراقها ويظهر شي ابيض اونه الدم مالها ؟؟ )
وقالي طعمه حلو و ما ادري شو .. واشربي وخذت وشربت وياليتني ما شربت
اقولكم شربته وانا يوم كنت صغيره كانت مناعتي ضعيفه وبسررررررررعه امرض
جان ارقد تسع شهور في المستشفى .. حاطين لي جلكوز وحاله وصدق يعني بغيت اموت
واحيد صديق طفولتي .. ولد ربيع بابا ..
كنا صدق ربع .. بس الحين مووول محد له خص ..
ويوم اسمع انهم بيسافرون وهو بيسافر ويانا ما اسافر
ونفس الحاله ايام العيد يوم يسيرون المزرعه
ومره شفنناه وي امه في الجمعيه جان اشرد لوووول
احس قفطه
والله وايد سوالف ما تخلص ..
بس احلى الذكريات في
دادا- باي > منو يحيده ؟؟
.. كان محل العاب شرات تويز ار اس بس جديم ( مال قوم جيلنا )
يا ربيييييه والله من كثر الالعاب الي نشتريها بالهبل ..
مرات كنا انسير .. ما نعرف شو نشتري لان كل شي اشترينا منه
حتا احيد هالاوراق البيض الي إدارة المحل مسوينهم ( اونه خصم ربع المبلغ ) حق الي وايد يشترون
المفترض اتكون حق كل عايله .. بس نحن من كثر الالعاب الي نشتريهم
كان عند كل حد من خواني وخواتي ورقه
والله ياني الحنين .. ودي ارد صغيره
الله يسامحكم حمستوني
أيام الطفولة أيام الطفولة الكل يباها ويبا يرد لها
رد مع اقتباس
مشاركة: ايام محد يروم ينساها
,, كان تقريبا يوميا هالشي يستوي .. وانا بس عندي سلاحي الوحيد .. لساني 
ههههه اخ مني كيف كنت غبيــــه .. حرمت عمري من اللعب والوناسه في الروضه كمن شهر بسبته ,,
اعوذ بالله كاااااابوس .. وللحين احلم بالامتحانات 
مواقع النشر (المفضلة)