ايام محد يروم ينساها

[الدلووووعة]

خيبه 35 مشاهد ولا واحد عنده ذكريات

[عنود الريف]

مرحبا اختي ...
السمووحه .. انا توني اشوف الموضوع ..
المهم ..
انا مثلج ابغي ارد لايام الطفولة .. ايام حلوه عشتها ..
اول شي .. انا اصغر وحده من البنات .. وانا دلوعه ابويه .. من انولدت لين الحين ..
المهم من هذا كله .. اني يوم كنت صغيره كنت هوامه الفريج .. وابويه اللي كان يحوطني وياه ..
قبل ما يظهر تلقيني انا في السياره قبله .. وهو مب من النوع اللي يشرد( الحمدلله) .. على هذيج الفتره الوالد كان متقاعد .. يعني ما عنده شغل .. بس يحوط بالسياره .. ويمر على اي حد
كنت اسير المسيد وياه .. واسير عند اعمامي .. واهل ابويه .. وساعات اسير ميلس الرياييل وياه .. اي مكان .. ولا تنسين الدكان ..بس اكثر شي كنت اسير سوبرماركت عندنا في جميرا الرابعه اسمه سوبرماركت مظفري .. لين الحين مفتوح .. دووم نسير له ..
هاي ذكرى من الذكريات ويا ابويه ..

اما الشي الثاني ..
وقت العصر .. تقريبا حريم الفريج يتيمعن عند باب وحده .. يعني يفرشن الحصير .. وييلسن يسولفن وحاطين جدامهن الدلال والفواله .. ونحن نلعب عاده .. ويمر علينا واحد اسمه عليكو (( اسمه علي اصلا )) .. يسوي لنا سندويتشات بيض وداقوس وهالسوالف .. او ساعات سندويتشات جبس عمان .. وناكل من عنده ونحن نلعب برع ..
بس الحين ما اعرف وينه هذا عليكو .. يقولون هو بعده هني .. بس ما ينشاف ..

هاي بعض الذكريات الجديمه وابغيها تتجدد ..
واذا تذكرت اشياء ثانيه ..
اكيد بكتبها ...
تسلمين الغلا
والسموووحه