بالغلط
الســــلام عليكم ورحمة الله وبركــــــاته
اول شي باركولي لولولولووووش خذت الليسن
يــبـبوا يا الربع
و اباكم تقترحون على عموتكم
تبا تشتري سياره
بس محتاره
ماتعرف شو يناسبها
الصراحه ابا سياره قويه و حلوه و بنوتيه و مب وايد عوده ولا صغيره وايد شرا سيايير الفلبينيين
و السعر يكون مناسب ايضاً انا حاطه بدجت 150 تحت شوي فوق شوي نو بروبليم بس مب وايد فوق
يالله عموه في انتظار ردودكم و آرائكم
ياريت تحطون لي صور لو تكرمتم و اشكركم بعمق يا رفااااق
خــــــــدافس
Find me on Instagram @Najla889
مرحبا يا عمة العيم ...
نصيحتي لج .. تاخذين فورويل صغير وقوي في نفس الوقت ... لأن سواقة الصالون تخوف على الخفيف .. طبعا اتكلم عن الحريم .. لأن الوحده تخاف وترتعب وترتبك اذا شافت فورويل لف صوبها ... بس يوم تكون هيه في الفورويل حتى لو كان صغير وكتكوت ... تكون فوق .. ما تخاف حتى لو لفوا عليها ...
مثل ... المورانو ( من وكالة النيسان ) او اللكزز الفورويل الصغير ( مسمينه مال بنات )
واذا تقدرين توصلين ال180 .. ما الج الا الانفينيتي اللي تشبه المورانو ...
وبصراحة .. انا في الدوام وما عندي فرصة احط الصور ... السموحة منك الغالية ...
وشوي شوي عن السرعة .. واربطي الحزام والا بخالفك ...
؛)
مرحبا
الحين ردينا على طاري المواتر ومثل ماشرحت في مواضيع مختلفة للأعضاء .. يعني انت حددتي السعر .. وذكرتي قوية حلوة بنوتية ... لكن ماذكرتي ألمانية ... يابانية ... سويديه .......... الــخ
صالون ... فورييل ( الجخ ) شرات مورانو
أما عني بحط لج المواتر شوفي المناسب ... وهل تبين سيارة دلع نوعا ما
تبين سيارة ألمانية عندج بي أم دبليو الفئة الثالثة شكل يديد وتشبه الفئة الخامسة وتقدرين تاخذين 6 سلندر لكن ماعرف سعرها بالضبط يمكن تكون في حدود 125 والسعر يختلف على حسب التجهيزات للسيارة ..
ملاحظة: الألماني عادة أغلى في قطع الغيار والصيانة ..
يمكن حد يقول والله ماتحتاجين تبدلين أنا وياج لكن في حالة عطل لاقدر الله ...
عشان تكونين في الصورة ... مع سواقة المواتر الألمانية جميلة ..
أما الفئة الخامسة
والسعر يتراوح من 175 -195 يمكن أقل أو أكثر لأنه هالأسعار بالتقريبي ومن مده عندي ...
عندج الفورييل الصغيروني اكس 3
مادش بالي الشكل وغالية لأنها بي أم لكن الخيار لج ... والسعر 185 إذا بيعطونج خصم زين
التعديل الأخير تم بواسطة المزوحي ; 11-05-05 || الساعة 04:54 PM
شركة ثانية اللي هي أودي
الفئة الرابعة
A4
وشي الفئة A6 اليديدة وسعرها 165
لي عودة
كتبت لج رد طويل لكن انمسح بالغلط
الفلكس واغن باسات الشكل اليديد وايد حلوة
و عندج BMW الفئة الثالثة ارشحها لج و بقوة
http://oasis.bindubai.com/bin/showthread.php?t=23149
اذا تبغين سيارة فوروييل انصحج بنيسان مورانو واايد حلوة
صغيرة و كتكوتية و في نفس الوقت قوية >>> وايد اوكيه حق الخرشة
شي مرسيدس c كلاس لكن الشكل بيتغير وشي 4 و 6 سلندر من سعر 145 إلى 160 على حسب التجهيزات ..
وشي E كلاس 240 و 320 لج الخيار المكاين أو كلاسيك مافيها مواصفات وشي إيلقنس و إيفنقارد والاسعار تتراوح من 185 إلى ماعرف كم
ملاحظة : أعطي الاسعار بالتقريبي وراجعي الوكالة ...
وصورة الإي
فالكس واجن ...
طوارق سيارة فنانه ( تحب بلع البتروووول ) صح البترول بشكل عام ينشفط لكن هالسيارة بزيادة
شي 6 و 8 سلندر ومواصفات مختلفة
نتجه للياباني وخلنا نبدأ بشركة نيسان وسيارتها اليديده مورانو اللي الاغلبية شبهوها باللكزس ار اكس 330 وانا من وجهة نظري توجد فروقات ... وفي طبعا اختلاف في السعر ...مورانو 125 ألف سيارة رياضية ....
ولحقتها من انفنيتي من فئة اف اكس وتتوفر بــ 6 و 8 سلندر
اللي اف اكس 35 و 45
والسعر يبتدي من 157 وطالع
أما سيارة لكزس RX330 فسعرها 175 ألف و
سيارة حلوة ماعليها كلام .. بس إنه سعرها مبالغ
نوعا ما
أما تويوتا فطرحت بالأسواق أفالون اليديدة وتغيرت ... وسعرها فوق 100 ألأف لكن ماظن أكثر عن 130 والله المستعان
مبروووووووووووك ع الليسن ها وين البارد
اخوي المزوحي الافالون ب 116 في الوكاله
حلوه الصراحه,,
حــبه العيم^___*
ممممم انصحج باللكزس اليديد دلع والله
بس انصحج خذي 300
انا الصراحه سقت هاللكزس,, وايد حلوو والله,,
وهاي صورة ثانيه
وانا انصحج باللون الؤلؤي ياسلام عليه^__*
والبركه عليج
السلام عليكم ورحمة الله وبركاته
خبااااااااااال الحب.... ربي يبارك فيك بوي عقبالك خخخخخاه....اقتراحك عجبني و مجربينه هاللكزس جان نعطيه بترول و يطيرنا الى اللا نهائيه ومابعدهااااا
المزوحي...مشكور عالردود احس تعبت عمرك ...الصراحه مورانو حلوه بس نظره حلوه لكن احس انها تشبه الافالون ههههههأه احس وايد طويله... و عبتني انفنتي اف اكس و يلست فيها بعد هههههأه و عشقتها نوعاً ما دشت في خاطري... انا ماحب مرسيدس ولا بي ام دبليو ولا أودي عيل شو تحبين؟ اداني السيارات الغريبه اللي مب منتشره وايد مثلاً انا حاطه عيني من كل النواحي على سياره في نهاية الرد بقول لك شو هي.....
نصووور... مره ثانيه يوم تكتب رد طويل نوعاً ما...كل مره سوي له كوبي اشتغل عالكوبي عسب ما تتحسر هههههأه وحليلك والله....فلكس ويجن ماعيبني غير شكل واحد و طلع سعره قريب الـ 300بس تخبل احس جي هاه شي شخصيه من الشخصيات المخمليه ههههأه بس ما باليد حيله...مورانو خبرتكم علتها حلوه لكنها شسمونه..
انسان عادي... انا مازيغ من السيارات العوده انا بضحك في وش المخاطر ها ها ها ها بس نقطة ضعفي الشاحنات لاني سامعه عن حادث عالدوار شاحنه طاحت على سيارة فور ويل بعد و جان اروح فيها اغمى عليه خخخخأه مسكين الفور ويل استوا بيتزا.. المهم الانفنتي وايد داش راسي...و الله يقويك عالدوام ياخوي...
و الحين بقول لكم.....عموتكم حاطه عينها على الشسمونه... كادلاك STS شو رايكم فيها؟ شو سلبياتها وشو ايجابياتها؟ ابا نصيحتكم الصراحه
و بعد حاطه عيني على كرايزلر كروسفاير...شو رايكم في هالسيارتين؟ وشو الافضل؟
لو تبون بحط لكم صور بس قولولي..
خدافس
التعديل الأخير تم بواسطة عمة العيم ; 12-05-05 || الساعة 11:45 AM
Find me on Instagram @Najla889
الكاديلاك STS ممتازة و وايد حلوة
فخمة و فيها كل المواصفات المطلوبة
نافيغيشن >>> نظام تحديد المواقع
و فيها DVD و نظام سمعي ممتاز
يعني بالعربي ما عليها كلام >> ما اعرف كيف يقولونها بالعيمي, بغيت اسال ربيعي لكنه راقد و مب فايج
انا عندي اختها الصغيرة CTS و مرتاح منها
قوية و ثابتة و اتحسيبها جي شخصية
و واااايد مريحة لدرجة انه اهلي دوم يشلونها اذا بيسيرون ابوظبي او اي مكان بعيد
يعني غير عن باقي السيايير الي في فئتها
و عليها عقد صيانة الى 60 الف, يعني الى ان تكملين 60 الف ما بتدفعين فلس في الوكالة و ممكن تمددين العرض الى 100 الف
الكرايسلر ما اقدر اذمها لأني ما جربتها ولا اعرف حد عنده منها
لكن ما ادري ليش ما ارتاحلها
خدا حافظ >>> ربيعي حفظني هالكلمة
الذين يشاهدون الموضوع الآن: 1 (0 من الأعضاء و 1 زائر)
مواقع النشر (المفضلة)