وجهات نظر حول ظاهرة الاختلاط ( شباب مع بنات )

[روح خورفكان]

والله ياااخوي من ناحيتي انا معاارض..يعني الحين اختلاط ف المولات و شوف كيف كيف لو بالمدارس

بس مثل ما قلت الشي الايجابي الوحيد بيكون:

وأيضا .. وجود الجنس اللطيف بجانب الشاب في الصف الدراسي

يحمسه ويحفزه على الدراسة والمذاكرة

كي لا يسأل من قبل المدرس و ينحرج بعدم معرفته والعكس صحيح. ( يتفشل )

هذا الشي صحيح..ويعطي الطالب داافع أكبر..حركاااات شبابنا بعد

و مشكووووووور أخوي عالموضوووع و عساااااك دووم عالقوه

[ولد الحكومة]

الصراحه ، انا معارض بشدة موضوع الاختلاط ، السبب العادات والتقاليد.

هذا كلامي بختصار والسموووحه.

تسلم اخوي عالموضوع

[الغاليه]

من جانبي معارضة لفكرة الاختلاط ..

لانها اولا ضد قيمنا الاسلامية وثقافة عاداتنا وتقاليدنا .. ولو فتح باب الاختلاط

بتتنطمس ثقافتنا وعاداتنا وتقاليدنا في المجتمع و بتتغير وبتاخذ لها منحى آخر ,,

وشي ثاني انت قلت انه الحياء بيقل في التحدث مع الناس .. اعتبرتها انت ايجابية

واعتبرها انا سلبية ( في فرق بين الثقة والحياء),,, لان لو حدث الاختلاط البنت بيقل حياءها وايد

اذا في حالة الدكاتره اللي يدرسونا نسبة كبيرة من البنات يتحرونهم محارم ! عادي الشعر يظهر عادي

كل شي يظهر بس لانه دكتور .. ونفس الشي اللي يشتغلون في الحرم الجامعي .. كلهم محارم بالنسبة للبنات ..


تخيل عاد لو ويانا في الكلاسات!
البنت بترابع الشباب

وبتدرس وياهم وبتاكل وياهم .. وبتحل وياهم البروجكتات .. ومابيكون عندها تحفظ في المعامله

بينها وبين جنس الذكور.. هذا غير البلاوي اللي بتستوي ,, وهالشي مب من عاداتنا ولا تقاليدنا ولا دينا ,, والحياء في البنت ميزة

والاختلاط بيولد عندها جرأة غير محببة بالنسبة للفتاة ..

وعلى سالفة ان الشباب والبنات بيجتهدون في الدراسه .. يمكن ايكون هالشي صح من جانب

ومن جانب ثاني تقل نسبة تركيزهم واجتهادهم .. لان كلا الطرفين بينشغلون ببعض وبتكون عندهم

سوالف الحب وهالاشياء .. اللي بتقلل من نسبة تركيزهم في الدراسه .. وهالشي اثبتته احدى الدراسات الامريكيه ..

واحسن شي ايبوون للشباب مدرسات بدل الاساتذه ايدرسوونهم عسب يجتهدوون ,, لانهم عشان خاطر

عيون المس يمكن يدرسوون واييبون نتايج حلوة ..

والسموحه عالاطاله .. :)

[عفاريتووو]

السلام عليكم

اعارض

حمدالله اني بمدرسة بنات بقسم واولاد بقسم
مرة بس حضرت اجتماع بنات واولاد مع الادارة عن حفلة التخرج
كان مصخرة x مصخرة
حتى ان ما قدرنا نكمل الاجتماع طلعنا

1- حركات الاولاد كان overlimit بس همهم كيف يخلون هاي تجوفوهم و لانها هاي تعييبهم
يوقفون وياها واذا هاي لا تطنزوا عليها
حتى الاولاد بين بعض زين ما تكافخوا
واذا تكلم المدير ردوا عليه و اتمصخروا عليه عشان يبينون عمارهم رياييل

عيل كيف لو حصة

2- بصراحة ما نرتاح جي ما نعرف وين نطالع السقف ولا الارض

واهم شي الدين منع هالشي

انزين بتقولون انتي رايحة تدرسين مب تلعبين
هيه اوكي انا رايحة ادرس بس مب الكل رايح يدرس

وبعدين بالنسبة لي اتم استحي .. واييد احسن عن انه يتم عندي هالشي عادي

ها رايي