إنت ميــن ؟؟ أنا ميـن ؟؟

[المقاتل]

سيداتي سادتي

الـ سـلام عليـ كم ورحمـ ة الله وبركـ ـاته

ربمـــا طال غيابي وقـل تواجـدي في الواحات إلا إنني أذكركم بأنني لا أنفـك أزال أتذكركم وقلبي يملؤه الشوق بلقياكــم

أعزائي وأصــدقائي وأخوتي الكرام

عنــدي موضوع أحب أتكلــم فيـــه وأهذرب وأطلــع إلي في خاطري

الصراحـــه الرقـــم المستعمل هالأيـــام الله يعين إلي يشتريــــه ويعين إلي يبيعه

أمسات مشتري رقـــم مستعمــل ( رصيد ) والرقم غاوي وأنا أعتقــد إن إلي كان ماخذ هالرقم رجل أعمـــال أو واحـــد يعرف هنـــود أو يمكن صاحب الرقم هندي ( قديما ) مش أنا

من أول ما خذيتـــه متصله هنـديه إتهذرب لا أفهملها ولا تفهمني يعني ولعنتين وجان أسويلها طاف وأبنـد عنها

ردت إتصلت تتحرطم وسويتلها طاف يمكن مغلطـــه

ردت إتصلت الله وأعلم يمكن إتسبني عاد أنا إتنرفزت صارخت عليها وعقب شكلها تابت تقبض إي تلفون

المهم ..

اليوم الثاني عشر هنود متصلين فيني

لااااه إظاهر ما تابت يمكن بغت تنتقم مني عطت ربعها إلي فالبقاله يتصلون

المهم قولوا إني طفرت وأغلقت التلفون ورديت شغلته فالليل الساعه 1 قلت بيكونون نايمين لهروم ونمت ويوم عشت عالمي الثاني ولا ما وعيت غير ما وحشتـــك يا حبيبي عسى الله يطرشله وحش ياكله خلاني أبطل عيوني وأظن كنت شويه وتطلعلي قرون قووولوا أغلقت التلفون وإتأخرت على الدوام

بسبة إني أغلقت المنبه وياه

فيا جمــــــــاعة الخيـــر ماشاء الله الإختراعات هالأيام وايـــد فليش ما يخترعون لنـــا شي يسمونــــه بلـــــــــوك الرقــــــــم ترا يننوني الملباريــــــــه

ولا شورايـــــــكم إنتــــوا ؟؟

أكيــــد تعانون شراتي ؟؟

[تحفه]

هههههههههه ... يا حليلك

الموهيم

وعليكم السلام والرحمه

والله بصراحه هم مخترعينه ومخلصين ..
انا عندي في موبايلي خدمة استقبال الارقام المعرفه عندي في اللسته فقط وغيره من المميزات

بس طبعا ما استخدمه .. لأن احيانا ربيعاتي يتصلون من بيوتهم ..

هي شو بغيت اقول ..

عطه حق بشكارتكم ولا بشكاركم خله يتفاهم وياها

[بنت الدلع]

مرحبا

ولكم باك اخويا


هههههههههههه
يحليلك تعاني

نحن الحمدالله مرتاحين
محد يدقلنا

الا في الشهر مره
وحليلهم محترمين اقولهم الرقم غلط
يسكروونه

اما شراتك
وييييييييييييييه الله يعين

عندي لك حل

يوم بيتصلون بك
عط التيلفون حق الدريول
بيتفاهم وياهم

[العجيبة]

وعليكم السلام ورحمة الله وبركاته

هههههه حليلك اتعاني

يا أخــوي اللي يتصلون لك تقـدر تقولهم انهم مغلطين
واذا زودوها وتموا يتصلون بعــد ترا في اخـتـراع اسمـه " الشرطة في خدمة الشعب "
هنـدي ولا بنغالي ولا حتى مواطن .. ما ينفع وياهم الا جي .. عيل اسويلي تلفون وأغلقه ليش ؟


وبعـدين ليش ما تفك عمـرك وتاخذ رقـم يديـد .. يمدحون اتصالات ترا .. والحين مطلعين خدمة نجم أرقامها وايـــد عجيبــه ..

هيه صـح .. الناس يمـرون بوايـد مشاكـل .. بس عـادي يكبرون وينسـون ..

الله يعيـنـك

وحياك الله اليوم وكل يـوم ..

[المقاتل]

أم خدود ؟؟

بشكارتنا عـــاد .. بشكارتنا حدهـــا تعرف تكسرلج الكاسات تطبخلج ملوخيـــه بس ما ظن إنها تعرف تضارب بني جنسها بالعكس بتغازلهم ملعونة صيرهـــا ..

بنــت الدلـــع حل حلــو بس بعــد ماقدر .. مشكلـــه اليده يوم تتصـــل بتتحراني أستهبل عليها أوني أسوي عمري راجوو .. عقب وين أفك عمري .

العجيبـــه ترا ما فينا على الفضايح بعـــد .. الشرطــه مره وحــده هالشرطه بـدل ما يزخون الملباريه بيزخوني بيتحروني أغازل وخخ

[عنود الريف]

مرحبا بعودتك اخويه المقاتل ..
امسات اخويه مطرش لي تسجيل واحد متصل يلعوز واحد بدوي...فاللي متصل يقوووله انت مين .؟؟ ويرد يقول انت مين .؟؟ والبدوي يقول انت مين ؟ وشو تبي ؟ والثاني يرد يقول انت مين ..؟ لين ما طفر البدوي وتم يسبه .. وهو كان متصل به الساعه 4 الفير .. فصدق ضحكني يوم تم يسبه وهذاك يطفر به ويقوله انت ليش سوي سب .. انت ليش قول هزا كلام ؟؟؟ ومن هالقبيل .. عاد عقب ما ادري شو استوى جد التسجيل خلص ...
بس والله مشكله ..
انا الرقم اللي عندي مال الوالده .. مع ان الوالده ما عندها حد يتصلبها واايد .. اللي يباها يتصل بها البيت .. اا اذا ما لقوها اتصلوبها على تيلفونها ..
المهم .. انا اذاني هندي يتصل من الهند .. نص الليل يتصل ويطرش مسجات وحالته لله ..
وهذاك اليوم سايره الجامعه وكنت ناشه الساعه 6 ونص ... ويتصل بي .. يوم سمع صوتي انصدم جنه .. واحس ان علامة استفهام على ويهه .. وهو مخسر يتصل ويطرش مسجات ... من عقبها ما رد اتصل خير شر ....
جني الا رمست وااايد ..
الله يعينك اخويه على هاي المشكله .. انت بس سير عند راع الدكان .. وهو بيتفاهم وياهم ... واذا ما نفع وياهم .. يوم بيتصلون زاعج عليهم والا رد بس لا ترمس .. خسرهم .. ومن عقبها ما بيردون يتصلون ...
على العموم اخويه .. اسمحلي على الاطاله .. وان شاء الله يعيبك الحل ..
ولا تغيب عنا .. الواحات محتايه اعضاء مثلك ..

[الغاليه]

ههههههههه لعوزوووه ..

انا بعد استوالي شراتك .. قبل كان عندي رقم حلو ومرتب لكن بعض اللي ماعندهم ذووق

حشرووني فاضطريت اقولهم يطلعونلي رقم غيره .. شووف عاد شوو يابووولي

رقم منقع من الخااطر ,,كل رقم من الارقام يعطي اللي عداله بوكس ويقوله خوز عني صدق صدق

مايخصهم افبعض .. ويووم احتشرت عليهم ابا رقم حلوو سكتوني قالولي ( سر المرأة في غموضها )!

وجي محد بيأذيج .. باختصـــــار قصـــــو عليه وانا اقتنعت ..

المهم من اول ماستلمت الرقم والاتصالات الهندية تنهل عليه مثل المطر

واول اتصاااال عمري مابنساه من واحد قالي بالانجليش .. هل انت سمبــــــا ؟ !!!

وانا ابخاطري اقووله سمبــــــــا ابعينك يالهرم .. اذا انا سمبا انت شووو!!

وخواني ناقعين عليه ضحك .. قلتلهم مب منه منكم ومن الرقم اللي يايبينه ..

حتى مرات اتيني اتصالات ومسجاات من السودان ومن دول غريبه يتحروني من اهلهم ..!

بس طبعا هالحالات اتي على فترات متقطعه ومايحتاي الواحد يقدم عليها بلاغ او شي الا

اذا زودوووها وماطاعوا يصطلبون ..

و ولكــــــــــم باك اخويه :) الى الواحات من جديد ..

[أمرين]

السلام عليكم

ولكم باااك اخونا المقاتل.. نورتنا بوجودك مرة ثانية

المهـــــــــــــــــــــ ـم,,,

حليلك شو تعاني..
يعني الجماعه ما قصروا عطوووك حلوووول.. وانت بعد ما تجبر بخاطر حد كله ما عيبك الكل جعميتهم...ههههههههههه

انــــــــــزين.. أنا بقولك شي..؟؟

جان تباهم بعد يطفرووون منك زيادة و ماعاد يتصلوا بك..
لا اترد عليهم خلهم يدقووووون لين ما ينقعوووون.. صح بيسبونك لكن عقبها بترتاح

تبا الصدق أكيد الهندي اللي بايع الرقم مسوي شي وياهم وعسب جيه غير رقمه.. وانت اتقول غاوي بعد
ما في شي يجبره انه يغير غير انه عنده مشاكل ويا ناس والله يعلم

انشاءالله تفتك منهم أخوي..

المحبة:
امـــــــــــــــــريــــ ــــــــــــــن

[الحساس]

حبوب..

اذا اتصلوا قولهم.. هي الشخص الي تبونه موجود.. بس يبا رصيد اشترولي رصيد وعبوه لرقمي واتصلوا مره ثانيه وبتحصلونه..

ياخي سو بيزنس.. شغل عمرك .. تحرك...
قولهم هذا الرقم للبيع تتشرونه ؟ بيعه عليه ضعف الي انت اشتريته p:

انا اذا تشيكي او تشيكي او تشيكيه يتصل.. ( والعاده يكونن العيايز) ادرب فيهم سب تشيكي.. بس المشكله مايفهمون!! انطق كلماتهم غلط.. يالله نمشي حالنا

ودمتم

[بنت الساحل]

حياك الله اخويه فالواحات من يديد ..

اذا ياتك ارقام غريبة لا ترد عليها .. وفك عمرك من عوووار الراس ..

واذا رديت عليهم زاعج عليهم عشان يحرمون يتصلون ..

واذا ردوا يتصلون سولف وياهم لين ما يخلص رصدهم ..

وجيه بتنحل مشكلتك ..

بنت الساحل ..

[لبن مثلج]

السلام عليكم ..
الحمدلله عالسلامه

سوالفكم حلوه

المقاتل ،، سؤالك في محله ،، لاني من فتره اتسائل ليش مايسون خدمة block - undo مثل ماهي موجودة في الكمبيوترات ...

وجان على الي ياذونك،، قلهم تراني اشتغل في الاتصالات واعرف اساميكم وبشتكي عليكم ........ وشوف النتيجة ............... بتكون فتاكة

[تحفه]

هي والله من صدق ..

احيد مره اخويه الصغير هنود يتصلون به .. وكان يغيض عليهم ويصكه و يردون يتصلون به
ومرات في انصاف الليالي .. جان يخلي البشكاره اترمسهم واثنينتهم ماعر فو يتفاهمون ومن هاذاكي اليوم ما رد يتصل .. مع العلم بشكارتنا فلبينيه وهاذيلاك هنود ..

واذا عن سوالف المغازل .. فهاي من الف سنه تشتغل عنا ما اتداني هالسوالف

وروحها اتواشي على بشاكير اهلنا D=

[الجنيه]

المقاتل

الصراحه لو أنه الموضوع من زمان محطاي بس اليوم أنتبهت له

ههههههههههههههههههههههههه ههههههههههههههههههههههههه ههههههههه
حليلك الله يعينك أنت الله يهداك روح عند راعي دكانكم تعلم منه هالجمله
wrong number بس بالمليباري

الحمدلله أنا طلعت أشطر منك أمس متصلين فيني من أيران هههه يرطنون وأنا ما
أفهم جان أقول لهم ناميشي (يعني محد أو ماشي بالايراني ) وافتكيت من صدعتهم

[الدلووووعة]

الله يعينك اخويه

انا مرة بلغلط كنت بدق حق اخويه عسب يشلني من بيت اربيعتي
ماعرف دقت حق امنو جانا اقوله على طول منن دون اي مقدمات
تعال ودني البيت تريت محد يه على اخر شي دقيت حق الوالد
ويوم سالت اخويه قالي مادقيتيلي ولا رمستج اصلا
انا دوم اغلط وفي واحد دوم يدق امي وانه سالها عن حالها وامي ماتعرفة
جان تعطيه من الزين ومن يومها توب الريال

ماجني خذت راحتي
السموحة