فيصــل الزعابــــي

[الجنيه]

السلام عليكم ورحمه الله وبركاته

أخوي الحساس ... أنا وياك بالرمسه اللي قلتها وأكيد محد يرضى على إماراتنا الحبيبه ومستحيل حد يتجرأ ويغلط عليها ونسكت له....
الله يسلمك أنا كان قصدي عيب أنه نحن نتخذ من اللي سواه حجه عسب أنقلل من احترامه أو أنشوه سمعته أنا ما أطريك أنت بس وايد ناس تموا يزيدون ويعيدون من عندهم والله العالم جان ما اتكون قصه الحادث بعد من خراريفهم...
ما علينا من حد كل واحد يبدا بنفسه ... يعني سالفه منتهيه من زمان ليش أنعيد وأنزيد فيها من عطاكم الحق تتشمتون فيه !!!!
الله لا يقول أتكون فمكانه ... بس فكر فيها اذا لا سمح الله تعرضت لموقف وأتصرفت فيه تصرف غير مقبول أو غير عقلاني ... هل بيرضيك أتشوف الناس ترمس عنك بالشين وأتألف قصص وسوالف عليك؟؟؟!!!! أكيد لا
وبكل صراحه أقولها لك كلمه أنا ما أحترمه أتقلل من أحترامك لنفسك لا أكثر أسمحلي على هالرمسه بس صدق مب حلوه منك ... ليش ما تحترمه هو ما أساء لك بصفه شخصيه ولا أذاك يعني انسان أخطأ ومحد معصوم عن الخطأ .. صدقني حتى لو نحن ما جربنا أنعيش بالغربه عارفين مدى الألم اللي حسيت به يوم يرمسون عن فيصل الإماراتي بس تدري أنت لو وقفت معاه حتى لو هو أخطأ. بكلمه منك صدقني كل اللي يرمس بيسكت ومابيقدر يرد عليك يعني لو أنت مثل ما أتقول تسند وأتآزر أي إماراتي كنت بتوقف معاه ضد الي يرمس يعني الحين هاييل اللي يستهزءون به تلقى واحد منهم فيه الجرأه أنه يقول هالرمسه بويه فيصل ؟؟؟!!! ما أضن...
ومثل ما يقول المثل
أنا وأخوي على أبن عمي وأنا وابن عمي على الغريب
يعني حتى لو ولد بلادك غلط لازم ما تسمح للغير يستهزء به لأنه في النهايه بيستهزء ببلادك اللي ما ترضى عليها ...

أتمنى كلامي ما يضايجك ولا أتضن أني أدافع عنه لغرض .. الريال ما أعرفه الا من السالفه اللي صارت بس مايهون علي مهما صار هذا بشر وعنده احاسيس وملنا الحق في تجريحه...


والسموحه