الصراحة انا في رايي انه شمس كانت..

سوقية جدا باسلوبها..واساليب كشفها للغير...ومااظن في مطربة من مطربات الخليج سوت هالشي ..او ظهرت بالصورة هذي..وهي بدال ما تظهر فنانين الخليج بصورة راقية..بالعكس فضحتنا وفضحت عمرها..وعلى حد قولها هي اللي طلبت هاللقاء بنفسها مع Lbc شان تفضح ناس وايد..بس بنت العرب والاجواد ما تسوي جيه مهما انظلمت في جهات قانونية تاخذ لها حقها ..مب بالفضايح والتشهير بالناس..حتى المذيع اللبناني طوني طاحت من عينه وكان لدرجة انه مل من اسلوبها في اخر البرنامج..واستنكر كره الناس لها من بد كل مطربات الخليج..وهو اصلا كان ينغز انه العيب منها مب من الغير..

وانا برمس عن تجربة معاها..انا اعرفها بصفة شخصية لانها تتردد على بيوت الشخصيات المعروفة في الامارات..وهي في كل قصر مسوية فتنه وكذبه...ومحد سالم من اسلوبها الدنيء..فما استغربت انه يظهر منها مثل هالكلام في لقاءها في Lbc ...

وحركاتها مفهومة هذا كله ترويج لها..لانه شريطها نازل في السوق ..ومحد يعرفها في الخليج وايد...ولانه صوتها ضعيف جدا جدا..

وغير أنها تمت تستهزأ وايد بالفنان عبدالله بالخير في حلقة نجوم الخليج ولو بطريقة مخفاية وكان مبين قصدها..وطول الوقت تصد على الشباب وتوجه لهم الكلام..وتنتظر إطرائهم...اللي هالحركات ما فيه مطربة خليجية حضرت هالبرنامج وسوت نفس حركاتها..وانا ماادري كيف قناة نجوم سمحت انها تحضر في البرنامج وهي ما قصرت باللي سوته في مؤتمر قناة النجوم نظمته وشمس كانت حاضرة وسوت مشكلة مع محمد المازم...ببس لانه رد على كلامها اللي تحب دايما انها تتفلسف في الفن وهي ما يخصها فيه..ومحمد المازم له وزنه في الفن اكثر عنها

وياليت بس تسمعون شريطها اللي نزل الحينه..واتحدى حد يطلعلي اغنية عليها المستوى..عيل فيه اغنية اسمها (عين فراش)؟؟؟!!!!

أنا استغرب تعاطف الاغلبية معاها..مع انه لعبتها كانت مكشوفة وايد..وهالكلام انا رديت فيه على جميع اللي تعاطف معاها..هنيه اوا في منتديات ثانية

ومنكم السموحة..