آخـــر الــمــواضــيــع

النتائج 1 إلى 15 من 15

الموضوع: جزيرة سمالية

  1. #1
    عضوية البكالوريا الصورة الرمزية عنود الريف
    تاريخ التسجيل
    Jan 2002
    المشاركات
    1,934
    قوة التمثيل
    366

    Wink جزيرة سمالية

    السلام عليكم ورحمة الله وبركاته ..

    هذا الموضوع مشترك بيني وبين شمعة الجلاس

    اليوم بناخذكم في رحلة لجزيرة من جزر بوظبي .. دار الظبي ...

    اسم الجزيره .. جزيرة السماليه ..

    طبعا الجامعه مودتنا الرحله .. وانذلينا لين ما ودونا ... بس حليله استاذنا اللي هو بيتر .. ما قصر .. تم كل يوم يطرش لهم ايميل .. لين ما لاعت جبده وجبودهم .. وعقب قالوا اوكي ..

    تقريبا كنا باصين ..

    باصنا كان ازحم .. لان نحن عباره عن قروب كامل .. وكل وحده تسحب ربيعتها .. فالباص اللي كنا فيه كان زحمه اما الثاني .. كان شي مكان فيه ..

    المهم .. كان المفروض نطلع الساعه 8 من الجامعه بس كم من بنت تاخروا .. ترييناهم لين 8 ونص .. وعقب تحرك الباص ....

    المهم الدرب واايد حلو كان .. وكنا مرتبشين بالسوالف .. فما كان عندي وقت اصور لكم الدرب .. بس يوم وصلنا هناك ودرت ربيعاتي ويلست اصور حق المنتدى .... يمكن تلقون هاي الصور في منتديات ثانيه ..لان ربيعاتنا خذوا صور من عندنا .. بس اقوولكم التصوير من المصوره عنود الريف وشمعة الجلاس ..

    المهم ... اول شي وصلنا شاطئ الراحه .. لان من هناك بنتحرك وبنركب المركب ..

    كنا بالغلط بندخل شاطئ السيدات ...

    بس عقب سرنا صوب الشاطئ ..

    ركبنا المركب .. وهاي صورة المركب وتمينا عاد نصور ..








    هذا البحر ..









    هذي مقدمة المركب ..



    هذا السكان ...( مقود المركب) .

    وهاي صورة الجزيرة من المركب ..

    اول ما وصلنا هناك ركبنا باص وودونا عشان نتريق ..

    وهاي صورة للترحيب بالزوار ...


    وهناك عندهم ملعب ومخيم حق الاولاد ..

    هذا الملعب ...

    وهذا المخيم ..

    يتبــــــــــــــــــــــ ـــــــع >>>>>>>>>>>>>>
    التعديل الأخير تم بواسطة عنود الريف ; 24-04-05 || الساعة 06:40 PM

  2. #2
    عضوية البكالوريا الصورة الرمزية عنود الريف
    تاريخ التسجيل
    Jan 2002
    المشاركات
    1,934
    قوة التمثيل
    366

    Wink مشاركة: جزيرة سمالية

    تريقنا والحمدلله .. كانوا حاطيلنا صينية الفالة وصينيه متروسه كرواسون .. والكرواسون كان لذييييييذ


    وحاطيلنا ماي و شاي حليب <<< عوقي ..




    وصورت لكم صور الماي عندهم .. كل شوي ناخذ غرشه من غرش ربيعاتنا وانصورهن ...
























    عقب ما تريقنا توجهنا لمبنى الخيول ..وفي الدرب .. شفنا اشياء واايده ومنها هالصور .. اتمنى انها تعيبكم ..













    عاد الصوره مب واضحه واايد .. لان دريشة الباص مب نظيفه .. السمووحه منكم عاد ..
    وهاي صوره الدفاع المدني .. سبحان الله يستوي شي .. فيكونون هم موجودين ..






    واخيرا وصلنا مبنى الخيول ..





    مب الاسطبل لا .. مبنى يدربون ويسوون عروض لهم ...









    وهاي الدراجه كانت واقفه خاري ..







    وهاي صور الخيول .. ومدربينها .. علمونا كيف نركبها .. بس اكيد حد يقودهم .. انا وشمعه الجلاس ما صدقنا يوم قالوا اللي تبا تركب تنزل من المنصه ..
    سيده ربعنا .. << بنات فقر عفانا الله . مب جد ركبنا خيل ..
    نسيت اقولكم ان الجزيره تابعه لنادي تراث الامارات .. والمسؤول عنها الشيخ سلطان بن زايد ..
    وهاي الصور هي لاعلام البلاد ونادي تراث الامارات ...


    يتبــــــــــــــــــــــ ع>>>>>>>>


  3. #3
    عضوية البكالوريا الصورة الرمزية عنود الريف
    تاريخ التسجيل
    Jan 2002
    المشاركات
    1,934
    قوة التمثيل
    366

    Cool مشاركة: جزيرة سمالية

    عقب ما خلصنا سرنا صوب السلاحف اللي يربونها .. ونبات القرم اللي يعيش قريب من الماي المالح ....
    اول شي براويكم السلاحف
    وبيض السلاحف اللي يربونهم .. البيض مدفون في التراب وحاطينه في جهاز .. ويتيونهم لين ما يفقسون .
    وعقب سرنا صوب نبات القرم .. نبات ماااااااااالح .. حتى ان نقدر نشوف الملح على الورقة ..
    وهاي جذورها .. وجذورها طالعه برع التربه .. لان النبات مالح فاذا تمت الجذور تحت التربه ما بتحصل اكسجين كافي لها .. فعشان جذي الجذور تطلع برع التربه ..
    وهاي الورقه عليها الاملاح .. اذا تلاحظون نقوط بيضا , هي هاي الاملاح ..

    ويوم كنا هناك .. شفنا السير مالنا يحوط من دون نعاله ... وانتوا بكرامه ... مخلي نعاله عند الباب ..

    عاد نحن شياطين سواء في المدرسه والا الحين في الجامعه ..

    شلينا نعاله ( عزكم الله ) وحطيناه بعيد عشان ييلس يدوره .. بس عقب خربت علينا وحده من البنات .. يلست تقول لا حرام عليكم .. وردت النعال ...

    وهذي طبجه وحده من نعاله ... قبل ما تخرب علينا البنت ..



    وعقبها سرنا صوب السمج .. مكان ثاني يربون فيه السمج ..



    هاي سلحفاه ماادري ليش حاطينها ويا السمج ..






    وقالولنا ان السمج ما يموت برع الماي الا اذا كمل 4 دقايق ..



    والصوره اللي الحين انتوا بتشوفونها .. هاي عباره عن فقره من فقرات الحوت .. من زمان عندهم ..


    يتبــــــــــــــــــــــ ـــــــــــــــــــــع>>>>>> >>>>>>>>>>

  4. #4
    عضوية البكالوريا الصورة الرمزية عنود الريف
    تاريخ التسجيل
    Jan 2002
    المشاركات
    1,934
    قوة التمثيل
    366

    Cool مشاركة: جزيرة سمالية

    وعقب عاد ويهنا صوب الطيور ... ما شاء الله واايد طيور عندهم ..
    وهذيل اللي خذت صورهم ..
    وهذا ذكر الطاووس .. غاوي وخقاق ..
    وهني شوفوا المسكينه انثى الطاوووس .. خسوفة ..
    وعقب تعبنا ويعنا ولازم نسير نصلي و نرد دبي .. دار الحي ..

    فردينا المكان اللي تريقنا فيه ..

    وهناك ما شاء الله مسويلنا غدا ..

    و هذا غدانا ..
    باقي بس المناظر اللي صورتها في الجزيره ..







    هاي هي كل الصور .. اتمنى انها عيبتكم ..

    تحياتنا ..

    عنود الريف و شمعـــة الجلاس

    والسمووحه من الجميع ..





  5. #5
    بروفيسور متميز الصورة الرمزية العجيبة
    تاريخ التسجيل
    Aug 2004
    المشاركات
    3,801
    مزاجي
    Cool
    قوة التمثيل
    430

    مشاركة: جزيرة سمالية

    يـــا ســــلااااااام عليــــكم

    رحلتكـم فنـاااااانه وغاووويه ..

    حلوة جزيرة السمالية .. ما سرتها بس أحس صير بني ياس أحلى وأكشخ

    يالله أهم شي استانستوا ..

    هيهيهي بيتر أستاذكم هااه .. اسألوه وين سالي عنه

    وصوووركم حلوووة

    الا منو شمعة الجلاس ؟ ويانا في الواحات ؟؟

    وتسلم يدينج يا عنود

  6. #6
    عضوية الدكتوراه الصورة الرمزية الشوق
    تاريخ التسجيل
    Dec 2001
    المشاركات
    3,296
    قوة التمثيل
    435

    مشاركة: جزيرة سمالية

    يااااااااااااااااااااي ...
    وناسه ... حلو ه الصور .. والاحلى الاماكن والاقسام اللب سرتوها ..
    البحر ، السلاحف، المركب ، الخيول، الطيور ..
    اماكن جميله .. وتسلمين يالغاليه على الزياره الممتعه ..
    امتعتينا حقا ..
    وعقبال الرحلات الثانيه ..

  7. #7
    عضو موقوف الصورة الرمزية السنافي
    تاريخ التسجيل
    Feb 2004
    المشاركات
    794
    قوة التمثيل
    0

    مشاركة: جزيرة سمالية

    عنود الريف و شمعـــة الجلاس ..

    اشكركم على الصور الحلوه .. بس في خاطري شي ... خيل ودراجه ...

    اكيد استانستو .. بس ليش ما طرشتولي بطاقت دعوه .. ؟؟؟ّ!!!!
    ;)

    ماشالله عليكم .. تعرفون اتصورون .. الصراحه الصراحه ..

    تنفعون ك رحالات الامارات ..

    تحياتي السنافي

  8. #8
    عضو جيد الصورة الرمزية الــــوردة الحمــــرة
    تاريخ التسجيل
    Sep 2003
    المشاركات
    194
    قوة التمثيل
    259

    مشاركة: جزيرة سمالية

    ما شاء الله الصور وايد حلوة..

  9. #9
    عضوية البكالوريا الصورة الرمزية عنود الريف
    تاريخ التسجيل
    Jan 2002
    المشاركات
    1,934
    قوة التمثيل
    366

    Smile مشاركة: جزيرة سمالية

    العجيبه ..
    يا سلام على العجيبه ..
    حياج الله الغاليه ..
    الجزيره توهم بدوا يهتمون فيها .. يعني جزيره صير بني ياس .. من زمان بدوا اهتمامهم فيها .. اما هاي الجزيره الحين بدوا يهتمون فيها .. بس صراحه اهتمام مبين يعني .. المنطقه وااايد حلوه .. يبنون فيها .. ويزرعون ويربون حيوانات ...
    واكيد خلال سنوات بتستوي شرات جزيره بني ياس ..
    والحمدلله استانسنا واايد ..
    بيتر يضحك هالاستاذ .. وسالي عندكم في بوظبي .. مطلقنها ..
    وشمعة الجلاس .. عضوة ورا الكواليس ..
    عضوه يديده ويانا في المنتدى .. بس ما تحدر وااايد ..
    ان شاء الله خلال الايام اليايه بتلقونها موجوده ..
    تسلمين الغاليه على مرورج الكريم ..
    والسمووحه

  10. #10
    عضوية البكالوريا الصورة الرمزية عنود الريف
    تاريخ التسجيل
    Jan 2002
    المشاركات
    1,934
    قوة التمثيل
    366

    Talking مشاركة: جزيرة سمالية

    الشوق ..
    مرحبا بج الغاليه ..
    اسمج موجود ويانا في كل رحله .. ;)
    والله الاماكن واايد حلوه .. غير يوم تشوفينها على الطبيعه ... احلى .. ونحن الا نراطض من مكان لين مكان عشان نصور .. :)
    تسلمين الغاليه على مرورج ورايج ..

    اخويه السنافي .. يا حياك الله ..
    تسلم اخويه على رايك ..
    والله نحن تخبلنا يوم شفنا خيول ... ما صدقنا يوم قالولنا يالله اللي تبا تركب خيل تنزل ... وسيده ربعت ..
    بس الدراجه ما ركبناها لانها اصلا مب النا .. يعني الدراجه حق اللي يداومون هناك اظني ...
    وعن بطاقه الدعوه . روحنا انذلينا عشان نحصل بطاقه .. ويالله يالله حصلناها .. يالله المره اليايه .. بنسوي رحله لاعضاء وعضوات واحات بن دبي ..
    بفكر اذا اقدر اكون من رحالة الامارات ..
    مشكور اخويه على مرورك .. ولا عدمناه...

    اختي الورده الحمره .. يا مرحبا بج ..
    تسلمين على المرور ..

    والسمووحه

  11. #11
    عضو متميز الصورة الرمزية بنت الساحل
    تاريخ التسجيل
    Apr 2003
    المشاركات
    708
    قوة التمثيل
    291

    مشاركة: جزيرة سمالية

    ثانكس ع الصور حبوبة ..

    أحس انه الرحلة كانت وناسة ..


    بنت الساحل ..

  12. #12
    مشترك مقبول الصورة الرمزية شمعه الجلاس
    تاريخ التسجيل
    Feb 2005
    المشاركات
    7
    قوة التمثيل
    0

    مشاركة: جزيرة سمالية

    السلام عليكم...مشكوريين على الردوود و أتمنى ان الصور نالو اعجابكم...اختي العجييبه أنا موجوده موجوده...
    الحمدالله نحن استانسناا وااااايد واااايد..

    مشكورين
    و السمووووووحه..

    اختكم شمعة الجلاس
    <P align=center><IMG src="http://oasis.bindubai.com/download/slug/nnnnnnnnnncopy.jpg"></P>

  13. #13
    بروفيسور متميز الصورة الرمزية دمعة شوق
    تاريخ التسجيل
    Feb 2004
    المشاركات
    4,708
    قوة التمثيل
    481

    مشاركة: جزيرة سمالية

    لا لا لا بصراحه رحلتكم فنتــك
    يــاحظكم هب نحن الا هنيه هيلي
    اممممم عليهم ماعندهم غيرها
    ...
    ماشاءالله عليكم استانستوا شكلــكم ..؟!!
    يالله دووم ان شاءالله تستانسون
    وياحلاااااااااااااااااااا اة الخيل والسلحفاة
    يالله اموت في شي اسمه خيل وسلحفاة
    ....
    يالله سمحلي يــ عنوود وشمعة الجلاس
    طولت عليكن ،،، بس صدق استانست
    بصوركن الحلوه
    ...

    ربي يوفقكن ان شاءالله
    ..
    السموحه
    ,

    قـُلــوْبّ تُـرِيــدْ وَ رَبّ يـشَـآءْ } ~



  14. #14
    عضو جيد الصورة الرمزية الغاليه
    تاريخ التسجيل
    Mar 2004
    المشاركات
    211
    قوة التمثيل
    255

    مشاركة: جزيرة سمالية

    الله رحلتكــــــــــــم للسماليه حلوة .. والصور بعد ناايس .. عيشتونا جو الرحله

    وناسة رحلات الجامعة .. بنااات وربشة وســـــــــوالف .. ياحيكم

    واللي يقارنون بين السماليه وصير بني ياس ..

    شي اختلاف من بينهن .. لان صير بني ياس عبارة عن محمية طبيعية

    والسمالية جزيرة مهتمة بالتراث .. والانشطة الشبابية ..

    بس الثنتين حلواااااااات ومرتبااااات ..

    تسلموون عالصور الغاويــــــــــة ,,,,

    تحياتي لج ولربيعتج ..

  15. #15
    عضوية البكالوريا الصورة الرمزية عنود الريف
    تاريخ التسجيل
    Jan 2002
    المشاركات
    1,934
    قوة التمثيل
    366

    Wink مشاركة: جزيرة سمالية


    هلا والله اختي دمعة الشوق .. مرحبا بج ..
    هيه والله استانسنا واايد .. واحلى شي والله الخيل ..
    وبعدين صبري شوي لين ما تحدرين الجامعه او الكليه .. عقب بيودونج رحلات ثانيه غير الهيلي ..
    مسموحه الغاليه ..
    مشكووره على المرور .. ولا عدمناه ..

    اختي الغاليه .. هلا والله ..
    تسلمين على مرورج الطيب ..
    وصح رحلات الجامعه غير .. وناسه وخربطان .. بس في الاخير نستانس ..
    اختي حتى جزيرة السماليه عباره عن محميه طبيعيه .. مب بس مهتمه بالانشطه الشبابيه .. لانهم يهتمون بالطيور والسلاحف والسمج والنباتات ويحاولون يزيدون اعدادها ..
    وهاي الجزيره قريبه من شاطئ الراحه .. بس كانت خمس او 6 دقايق .. ووصلنا ..

    والسمووحه

معلومات الموضوع

الأعضاء الذين يشاهدون هذا الموضوع

الذين يشاهدون الموضوع الآن: 1 (0 من الأعضاء و 1 زائر)

مواقع النشر (المفضلة)

مواقع النشر (المفضلة)

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •