مواطن اماراتي اول من يشتري سيارة "كونيغسيغ سي سي 8

[أمواج]

بات مواطن اماراتي اول من يشتري سيارة "كونيغسيغ سي سي 8 اس" الجبارة التي صنفتها موسوعة "غينيس"

للارقام القياسية كأقوى سيارة على وجه الارض كما اوردت صحيفة "غلف نيوز"، والسيارة تستطيع الوصول الى

سرعة 100 كلم في الساعة انطلاقاً من الصفر في اقل من 3 ثوان فيما تصل سرعتها القصوى الى اكثر من 400 كلم

في الساعة، وهي مزودة بمحرك ثماني الاسطوانات سعته 4.7 ليتر بقوة 806 احصنة لدى وصول المحرك الى سرعة

6900 دورة في الدقيقة

[السنافي]

هلا اختي المتفيزره عالعرقووب ..

مشكوره عل موضوع .. ابا هاذي السياره .. والله انه سم ..

لالا والله انه عجيييبه ... كوووول ..

مشكوره مره ثانيه اخوويج السنافي

[حبوبه دبي]

وحـــــش الصراحه
شكلـــــي باخذ هالمــوتر عمــا قريب واايد احلــم تراني ..

مشكــوره الغاليه ع الصــور ..

والسمــوحه

[راعي السوبرا]

مشكوره اختي عالموضوع

بس مو جنه ها موتري

[بريد ألكتروني]

مشكوووره يالمتفيرزه

الله يخلي الكلوزرات والنياسين ..
عيل من صفر لين 100 في ثلاث ثواني .. بايعين عمارنا انحن

اخوج e-mail

[عنود الريف]

هلا والله اختي
شوف وحراق يوف..
نحن بس نشوف ..
بس اسميها غاويه ..
بس بعد انا اخاف من السرعه .
بس شكلها غاوي ..
تسلمين الغاليه على الموضوع ..
والسموووحه

[أمواج]

عنوود الريف
ثانكس عالمرووور
.
.

بريد إلكتروني
الصراحه الكلوزرات و النياسين ماعليها كلام
.
.
راعي السوبرا
هي موترك واظن عندك منه اثنيييين
.
.
حبوبة دبي
وليش لأ؟؟؟؟
.
.
السنافي
فالك طيب

[أليمه]

ya slaaaaaaaaaaaaam al9ra7a almotr 6rrrrrrrr

Allah ybark almotr 3 9a7bah

[أمواج]

ثانكس على المرووور أليمه

[ذنـيـنـي]

الريال عرضوا عليه ضعف قيمتها عشان يبيعها و ما وافق

تعرفون ليش؟

لأنه كل سيارة لها رقم تسلسلي
و هذه تعتبر اول سيارة تخرج من المصنع
و رقمها التسلسلي هو 1

[أمواج]

تلسم اخويه نصوور على هالمعلوومات

[الثعلب الرمادي]

كوينسنغ سيارة سويدية خارقة أي شخص يقدر يشتريها لكن مب اي شخص يقدر يسوقها تحتاج ريال قلبه بارد و اعصابه حديديه و سعرها اكثر من 4 ملايين درهم تقريبا

[ذنـيـنـي]

سعرها 2,8 مليون درهم عند معرض كوارتر مايل الوكيل الحصري لـ كوينغسيغ ;)

[الثعلب الرمادي]

عفوا أخوي لكني قريت موضوع في قسم السيارات من جريدة الخليج أن أول مواطن يشتريها كان أحد شيوخ القواسم في الشارجه و حقيقه ما اذكر اسمه لكن اذكر ان لونها كان برتقالي و بخصوص السعر فهم ذكروا في الجريدة انه في حدود الأربع ملايين درهم لكن انت تقول العكس و الحين اعتقد انهم رفعوا سعر السيارة حتى يزيدون من اهميتها و شكرا على التوضيح نصور ... سلام

[ذنـيـنـي]

صح كلامك اخوي

البرتقالية هي اول سيارة في الامارات و صاحبها هو ولد نائب حاكم الشارجة
-------
على فكرة يوم شفتها اول مرة بغيت ادعمها

من المفاجئة نسيت وين مكان البريك
-------
و عن السعر , تراني ماخذنه من الوكيل في شارع الشيخ زايد


تحياتي لك