آخـــر الــمــواضــيــع

النتائج 1 إلى 11 من 11

الموضوع: وحـــليـــلهـــا .. بس مــن المســــؤول !!!

  1. #1
    بروفيسور متميز الصورة الرمزية كـلـكـلـووش
    تاريخ التسجيل
    Mar 2003
    المشاركات
    3,803
    مزاجي
    Amused
    قوة التمثيل
    446

    وحـــليـــلهـــا .. بس مــن المســــؤول !!!

    الســلام عــليـــكم

    مـــوضــوع .. او حــادثــه .. فــرضــت عــلي العــوده للــواحــات ,,

    بالأمـــس .. كــنت في مهــرجــان عــجمــان ( فـنــتــازيـــا ) مــودي الصــغيــر ألاعــبــه ..
    و انــا اتمــشى صــوب الالعــــاب لفــت انتبـــاهي لعــبــه

    فــيها صغــاريـــه ,, يضـــحكــون و مستــانســـين من اللعــبه ,,

    و اهلـــهم تحــت يشوفــونهـــم ..

    فـــــــــــجــــــأه ..

    ما اشـــوف إلا ثـــنــتـييين طـــاحو من فـــوق اللعــبه ليـــن تحــــت
    وحـــده طـــاحت ع الارض .. و وحـــده اتعلـــقت فــي اللعـــبه
    والله منـــظر فظيــــــــــــع ..

    و امهـــم واقــفه تحـــت اشــوي و بيــغمى عليــــها ..
    البنتيـــن صـــغــاااار .. عمـــارهم مــا تتجـــاوز الــ 6 سنــــوات ..

    > الله ســتـــر .. كــنت بــلاعــب الصــغير <

    الحــين مــنو المســـؤول عــن هالالعــــاب !!
    و مــن ويــن ايبونهــــا !!

    و مــنو بــعوض اهــل البنــت لو صــار فيهــا شي لا سمح الله ..

    الــعـــاب ما يحــربونهـــا من قــبل !! ..
    يجــربونهـــا عــلى عيـــال النــــاس

    كـــل سنـــه لازم حـــد يروح في هالالعــــاب ..
    ليــــن مـــتــــى يعـــــنــــي ؟!!

    إذا مــا يقــــدرون ايــبون العــاب شــرات النـــاس لا ييبـــونهــــا ..

    .. اتـــرك التعــــليــق لكـــم ..
    .
    .
    .

    الـــفـــــتــــــــــى

  2. #2
    بروفيسور متميز الصورة الرمزية العجيبة
    تاريخ التسجيل
    Aug 2004
    المشاركات
    3,801
    مزاجي
    Cool
    قوة التمثيل
    430

    مشاركة: وحـــليـــلهـــا .. بس مــن المســــؤول !!!

    وعليكم السلام والرحمه

    سبحان الله .. قضاء وقـدر

    الله يقوم البنات بالسلامه

    ما نقدر نلوم حـد .. منو له ذنب في هالشي عشان نلومه ؟!

    أكيـد هالبنتين مب أول من ركب في اللعبة .. يعني هاي مب تجربة في عيال الناس

    وأكيد اصحاب اللعبة متأكدين ان اللعبة فيها وسائل الحماية

    وأكيد الأهل مطمنين لانهم شافوا يهال قبل عيالهم راكبين في نفس اللعبة

    صحيــح ألم الأهـل كبـيـر .. وما يندرى شو بيستوي بالبنتين .. بس بعـد بيتم قضاء وقـدر ..

    اممم لو مب هالموضوع انت ناوي اتهاجر من الواحات ؟!!

    والسموحه
    إن الفقيه هو الفقيه بفعله ليس الفقيه بنطقه ومقاله
    وكذا الرئيس هو الرئيس بخلقه ليس الرئيس بقومه ورجاله
    وكذا الغني هو الغني بحاله ليس الغني بملكه وبماله

  3. #3
    بروفيسور متميز الصورة الرمزية كـلـكـلـووش
    تاريخ التسجيل
    Mar 2003
    المشاركات
    3,803
    مزاجي
    Amused
    قوة التمثيل
    446

    مشاركة: وحـــليـــلهـــا .. بس مــن المســــؤول !!!

    .. الــعـــجــيــبــة ..

    اخـتــي .. كـــل شي يصــير قضــاء و قــدر .. و نحــن ما نعـتـــرض عــلى هالـــشي ,,
    لكــن مثــل مــا لكــل شي قــضاء و قــدر
    لـــكل شي ســـبب

    هـــذي الالــعــاب ..
    المـــسؤوليــن عــليها اتـــأكــدو انهــا صـــالحــه للأسـتـــخـــدام !!
    لو كــانو متـــأكدــين ما كــانت اللــعــبــه بتنــكسر من تحـــت و تفــر هالبنــتين اللــي يــايــن يستــانســون
    والحــين الله اعـــلم بــحالـــهم

    المــنـــظر كــان جـــدا فـــظيـــع

    والله انــه لعبــه ادور و طلـــع صووت غـــريـــــــب
    كـــيـــف قــبــلــوا انهـــم يحــطون جــذه العـــاب يلـــعبون فيـــها عيـــال النــــاس

    اتخيــــلي عــنــدي مطـــعم .. و الاكــل اللي عــنــدي فـــاســـد
    و انا بعــتــج و انـتــي تسممـــتـي ..
    صحيـــح قضـــاء و قـــدر
    لكـــن انا كـــنت الســــبب
    صــح و لا انا غـــلطــــان ؟

    و لا ان شـــاء الله ما بــاهجر عن الواحـــات ..
    بس زعــلان شوي كيكيكيك > اونه دلــع لووول

    و السموحـــة خيـتـــووه ..
    و مشــــكووووووره عـــلــى مرورج
    .
    .
    .

    الــــفــــــــــتـــــــ ـــــــى

  4. #4
    المشرف العام للموقع الصورة الرمزية الحاضر الغايب
    تاريخ التسجيل
    Apr 2002
    المشاركات
    1,598
    مزاجي
    Chatty
    قوة التمثيل
    200

    مشاركة: وحـــليـــلهـــا .. بس مــن المســــؤول !!!

    السلام عليكم ...

    هيه والله وحليلها ... الله يعينها ويعين اهلها ويقوم البنتين بالسلامه ان شاء الله

    شوف بوشهاب ... هذه الالعاب عبارة عن آلات ميكانيكية ... ونسبة عملها مب 100 % ... يعني في اي لحظة عادي تنكسر ... يسمونها عندنا بالانجليزي فتيك

    انزين .. انا اشوف الغلط من الصوبين ... اول شي لازم المسؤولين ما ييبون العاب خطره مثل هذه .. واذا يابوا لازم يحطون قوانين عليها يعني يكون العمر مثلا من 15 وفوق او اي شي .. ويحطون حد يشوف هل اللي بيلعب يقدر يتحمل هذه اللعبة يعني واحد عمره 20 بس ضعيف ومايروم ييود عمره المفروض ما يخلونه يدخل اللعبة هذه ...

    انزين والصوب الثاني .. الاهل ...
    المفروض يخافون على عيالهم وانهم ما يخلون عيالهم يدشون هذه الالعاب ...
    هذا اللي عندي بس

    والسموحه ...
    كــــــل عام وأنتم بخـــــــــــــير

  5. #5
    عضوية البكالوريا الصورة الرمزية الجنيه
    تاريخ التسجيل
    Jul 2003
    المشاركات
    2,182
    قوة التمثيل
    361

    مشاركة: وحـــليـــلهـــا .. بس مــن المســــؤول !!!


    لا حول ولا قوة الا بالله

    حليلهم الله يقومهم بالسلامه ويصبر اهلهم

    الصراحه السالفه بمنتهى الخطوره يعني اذا لا سمح الله البنات صار لهن شي من المسؤل ؟؟؟؟
    أول شي بيصير أنه الكل بيتهرب من المسؤليه واللوم في النهايه بيطيح عالأم لأنها سمحت لهن باللعب ....
    صحيح أنه كل حادث يكون قضاء وقدر بس بعد لازم ناخذ بالأسباب
    وين الرقابه ؟؟ هالألعاب اللي اييبونها من غير ما يتأكدون من صلاحيتها
    يبلون بها خلق الله

    يعني شي ما يدش العقل اذا كانت اللعبه يديده وصالحه للإستخدام مستحيل
    يصير اللي صار والي صار ان دل فأنه يدل على عدم صلاحيتها بتاتاً..


    الفتى
    لفته طيبه وتستاهل الشكر عليها واجب كل مواطن صالح يجبره
    أنه مايسكت عن الغلط


    لو حلفت انك تبيني ،،،
    وميت وهيمان فيني ،،،
    بأعتبرها ألف كذبه،،،
    طحت من قلبي وعيني ،،،

  6. #6
    بروفيسور متميز الصورة الرمزية تحفه
    تاريخ التسجيل
    Oct 2002
    المشاركات
    8,951
    قوة التمثيل
    708

    مشاركة: وحـــليـــلهـــا .. بس مــن المســــؤول !!!

    الله يكون بعون الاهل ..

    بس على طاري رد العجيبه .. صدق والله انا وياها .. قضاء وقدر ..

    بس المسؤوول .. بيكون اهمال الاب والام .. او يمكن مافي مسؤول

    يمكن كانو كاشخين وعين ما صلت على النبي

    لا لا امزح ..

    بس صدق والله ..

    ذكرتني بـ مره .. كانو مسوين عزيمه في بيت عمي ..

    وبنت عموتي كانت تلعب وجي صوب الدري .. في الطابق الثاني

    وعاد المسافه بين كل عمود في الدري كانت شوي كبيره .. يعني تسمح لاجسام اليهال يدخلون امبين هالعمدان مال الدري ..
    وكنا يالسبن في يلسه في الممر تحت .. نشرب جاي وجي ..
    اتصدق انها طاحت من فوق الين تحت وما استوى بها شي!! ..
    حتا اقولك من الصدمه يالسين انطالع < شاكين في الي شفناه
    وعمو تمت اتصيح و و دوها المستشفى فحصو عليها ..
    وحمدلله الله ستر ما استوى بها ولاااااا شي
    معنه الارض مرمر و المسافة صقف البيت عاااالي ..

    بس والله صدق يعني

    سبحان الله


  7. #7
    مـشـرف واحـات
    مـشـرفـة الـواحـات الـعـامـة
    الصورة الرمزية حلم الطفوله
    تاريخ التسجيل
    Jul 2003
    المشاركات
    5,129
    مزاجي
    Breezy
    قوة التمثيل
    510

    مشاركة: وحـــليـــلهـــا .. بس مــن المســــؤول !!!

    وعليكم السلام ورحمة الله وبركاته

    بس شو استوى بالبنتين ...يعني شو صار فيهم؟؟ الله يعين أهلهم ويصبرهم

    الكل يحب الألعاب ...الكبار قبل الصغار...وخصوصا بأيام المهرجان يتسابق الكل لتحدي الخطر

    لكن ... للأهل دور كبير بتوجيه أبنائهم واختيار الألعاب التي تناسبهم وتناسب أعمارهم

    لأنه اللعبه أولا وأخيرا ...عباره عن ...حديد وبراغي مشدودين بحبال ...وعلى الله الاتكال

    هناك ألعاب تتصاعد عند رؤيتها الأنفاس... خصوصا الشاحوف... اللهم يا ساتر

    وألعاب على الرغم من بساطتها إلا أن الحذر واجب فيها ....خصوصا لعبة السيايير ... عن تجربه

    الجهات المسئوله يجب أن تحرص على اختيار الألعاب ذات الاحتياطات الأمنيه ...فالانسان مب لعبه

    وكل شيء بإيد الله أكيد....بس لا ترموا بأنفسكم للتهلكه

    مشكور يا فتى واحتنا على هالخبر.... وتستاهل سلامة أخوك لأنه ما ركب هاللعبه



  8. #8
    مـراقــب
    مـراقـب واحة التصوير الضوئي والصور المنقوله
    الصورة الرمزية ذنـيـنـي
    تاريخ التسجيل
    Apr 2004
    المشاركات
    5,081
    مزاجي
    Lurking
    قوة التمثيل
    497

    مشاركة: وحـــليـــلهـــا .. بس مــن المســــؤول !!!

    هالشيء كل سنة يصير

    يمكن كل اسبوع من المهرجان بتسمعون عن حد طايح و حد متعور


    صح انه هالشيء قضاء و قدر

    لكن هالشيء ما يمنع انه ادارة المهرجان هي المسؤولة عن هالشيء

    اذا كان هالشيء اول مرة يصير بنقول مب مشكلة

    لكن هالشيء يتكرر دائما في فنتازيا عجمان

    بالنسبة لي
    مستحيل اسمح لأخواني الصغار يسيرون يلعبون هناك لأني بصراحة ما اثق في العابهم

  9. #9
    عضو متميز الصورة الرمزية أوتار القلب
    تاريخ التسجيل
    Dec 2004
    المشاركات
    548
    قوة التمثيل
    262

    مشاركة: وحـــليـــلهـــا .. بس مــن المســــؤول !!!

    يحليلها
    الله يشفيها و يقومها بالسلامه

    بس اعتقد ادارة المهرجان هم الغلطانين

    يعني معقوله ييبون ألعاب مب متأكدين من صلاحيتها

    و ليش نلوم الاهل
    يعني معقوله الاهل يبون المضره حق عيالهم ؟!!
    يعني هم ليش سايرين المهرجان مب عشان يرفهون عن عمارهم و يستانسون !!

    يعني مستحيل اي شي استوى بنقول ان قضاء و قدر و بنسكت
    ها الشي ما يمنع ان فيه مسؤول

    يعني مثلا لو كانت ها البنيه وحده من الاهل لا سمح الله
    ما بتقولون ان الحادث قضاء و قدر و بتسكتون
    اكيد بتدورون مسؤول عن اللي استوى

    انا عن نفسي صراحه اخااااااااف ألعب
    [grade="FF0000 FFA500 FFA500 DC143C"]المحبــة اللي بـ قلبــي لا تظــن تلقــى مثلهــا .. ![/grade]

  10. #10
    بروفيسور متميز الصورة الرمزية تحفه
    تاريخ التسجيل
    Oct 2002
    المشاركات
    8,951
    قوة التمثيل
    708

    مشاركة: وحـــليـــلهـــا .. بس مــن المســــؤول !!!

    اقول الفتى الحزين ..

    انته روحك قلت .. اللعبه كانت اتدور واتظهر صوت غريب
    ويعني هالام والابو .. ما حطو حساب هاللصوت ؟! .. من بعد المسؤوليه الي بتطيح على العامل المخصص للاشراف على اللعبه .. مسؤولية الحديقه انها ما ترقب صلاحية الالعاب اول باول .. تقع مسؤولية الاهل !!


    وبصارحه .. المفترض ما يلعبون اليهال الي بعمر 6 واقل هالالعاب الي اتطير وما ادري شو .. إلا اذا محكمين جلوسهم .. مب اللعبه بدت يالله سرعوها .. يقعدون اليهال يتناقزون ويموتون .. !!

    ذكرتني السالفه بسالفة استوت في بوظبي من قبل كمن سنه .. يقولكم ياهل عمره 3 او 2 ونص .. مودينه اهله الجمعيه و نسو يصكون الباب وانشغلو عنه وهم يحطون الاغراض في الدبه .. جان يظهر و مشى وسياره داسته وهي رادة ريوس واتوفى .. منو المسؤول والي بيتحاسب ؟ .. الاهل .. ليش ؟؟ لأنهم أهملوه .. ودخلو السجن كذا شهر على ما اعتقد ..

    على العموم ..

    ان شاء الله ما يصير الا كل خير في البنتين ..

  11. #11
    عضو متميز الصورة الرمزية الملكه الدلوعه
    تاريخ التسجيل
    Jun 2003
    المشاركات
    572
    قوة التمثيل
    281

    مشاركة: وحـــليـــلهـــا .. بس مــن المســــؤول !!!


    لا حول ولا قوة الا بالله
    الله يقومهم بالسلامــه يااارب ..؟!! ويصبر اهلهمـ ..!!؟؟

    اشوف الغلط على الاثنين الاب والام و مسؤولين المهرجان ...

    اولا لانهم ما تاكدوا من صلاحية هالالعاب ومدى خطورتهن على الاطفال ..
    ولا حددوا السن المناسب للعب فيها ..

    والمفروض يعني السمؤلين او الشخص اللي يكون مسؤل عن هاللعبه اللي واقف عندها من سمع هالصوت الغريب يتاكد ويشوف مصدر هالصوت .. يمكن خلل او شي ..!!؟

    والله لو ما ايبون هالالعاب الخطره احس .. ويخلون اليهال حدهم الاعاب الصغيره مثل القطار وها اللي يحطون فيهن فيشه ويلعبون .. احس لهم ...

    والسموحه

    .:: الفتـــى ::.
    تسلم على هالموضوع .. وعلى اهتمامك له .. والله يعطيك العافيه


    محبتـــي ...

معلومات الموضوع

الأعضاء الذين يشاهدون هذا الموضوع

الذين يشاهدون الموضوع الآن: 1 (0 من الأعضاء و 1 زائر)

مواقع النشر (المفضلة)

مواقع النشر (المفضلة)

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •